完整藏文原文 · 德格版页 当前仅加载第 56 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
བ་རབ་ཏུ་བྱིན་ནོ། །དེ་ནས་དེའི་ཚེ་ས་ནི་གཡོས། སྤྲིན་ནི་འཁྲུགས། །རིའི་རྒྱལ་པོ་རྣམས་ནི་རབ་ཏུ་གཡོས་ཏེ། གང་སངས་རྒྱས་ཀྱི་བསྟན་པ་ལ་མངོན་པར་དད་པ་དང་། བྱང་ཆུབ་སེམས་དཔའ་བཟོད་པ་ཐོབ་པ་རྣམས་མ་གཏོགས་པར་བདུད་འཁོར་དང་བཅས་པ་དང་། དེ་བཞིན་དུ་
D138.056.0271a01.01འབྱུང་པོ་མ་རུངས་པ་རྣམས་ཀྱང་འཁྲུགས་སོ། །དེ་ནས་བདུད་སྡིག་ཅན་གྱིས་བྱང་ཆུབ་སེམས་དཔའ་སྲ་བའི་བློ་གྲོས་ལ་སྨྲས་པ། རིགས་ཀྱི་བུ་བདུད་རི་བྱི་འདིའི་སྟོབས་ག་ལས་འོང་། མཐུ་ག་ལས་འོངས་ན། གང་སྙིང་རྗེ་མེད་པ་འདིས་རང་གི་ཕྱོགས་ཐམས་ཅད་དང་། ངའི་སྟོབས་ཀྱི་ཡུལ་
D138.056.0271a02.01དང་། ཕ་རོལ་གནོན་པ་ཐམས་ཅད་མ་ལུས་པར་བཅོམ་སྟེ། ནག་པོའི་རྩ་ལག་ནི་ཕམ་པར་བྱས། མི་འཐུན་པ་ཆད་པར་སྨྲ་བ་དང་། དགེ་སྦྱོང་གཽ་ཏ་མའི་ཕྱོགས་ནི་མཐོ་བར་བྱས། བདག་ཀྱང་གཟུངས་འདི་ཐོས་མ་ཐག་ཏུ་ལུས་དྲི་མི་ཞིམ་པ་དང་། ལུས་རུལ་བ་དང་། ལས་སུ་མི་རུང་བར་གྱུར། བདག་གི་
D138.056.0271a03.01ཕྱོགས་ཐམས་ཅད་ཀྱང་མུན་པར་གྱུར་ཏེ་སྣང་ཞིང་མཐོང་བ་མེད་པར་བྱས་ནས། ཡོངས་སུ་གདུང་བ་ཆེན་པོས་ཀྱང་བདག་གདུངས་སོ། །བྱང་ཆུབ་སེམས་དཔའ་སྲ་བའི་བློ་གྲོས་ཀྱིས་སྨྲས་པ། སྡིག་ཅན་སངས་རྒྱས་བཅོམ་ལྡན་འདས་ཐམས་ཅད་ཀྱི་བྱིན་གྱི་རླབས་དང་། མི་དང་མི་མ་ཡིན་
D138.056.0271a04.01པ་ཐམས་ཅད་ཀྱི་སྟོབས་བསྐྱེད་པས། བདུད་རི་བྱིས་བདུད་ཀྱི་སྟོབས་ཀྱི་ཡུལ་དང་། ཕ་རོལ་གནོན་པ་འདིར་ཐམས་ཅད་རྣམ་པར་འཇོམས་ཤིང་། དེས་གཞན་གྱིས་མི་ཚུགས་པའི་གསང་སྔགས་ཀྱི་ཚིག་འདི་དག་ཀྱང་བཤད་ཀྱིས་སྡིག་ཅན་ཁྱོད་དེ་བཞིན་གཤེགས་པ་རྣམས་ལ་དད་པར་གྱིས་ཤིག །
D138.056.0271a05.01ཅི་ནས་ཁྱོད་ལུས་དང་། ངག་དང་། ཡིད་ཀྱི་སྡུག་བསྔལ་འདི་དག་ལས་ཡོངས་སུ་གྲོལ་བར་འགྱུར་བར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་སེམས་བསྐྱེད་ཅིག །བདུད་སྡིག་ཅན་གྱིས་སྨྲས་པ། བདག་ནི་ཕྱི་མའི་མཐའི་མུ་གྲངས་མེད་པར་འདི་བས་ཀྱང་ཆེས་སྡིག་པའི་ལུས་དང་།
D138.056.0271a06.01ངག་དང་། ཡིད་ཀྱི་སྡུག་བསྔལ་རྣམས་ལ་སྤྲོའི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ནི་བདག་སེམས་མི་བསྐྱེད་དོ། །འདུས་པ་ཆེན་པོ་རིན་པོ་ཆེ་ཏོག་གི་གཟུངས་ལས། དམ་པའི་ཆོས་ཀྱི་ཚུལ་བསྲུང་བའི་ལེའུ་སྟེ། བཅུ་གཅིག་པའོ།། །།དེ་ནས་ཡང་གནོད་སྦྱིན་གྱི་སྡེ་དཔོན་ཆེན་པོ་
D138.056.0271a07.01