完整藏文原文 · 德格版页 当前仅加载第 56 函德格 246a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་ཡོངས་སུ་བྲི་བར་འགྱུར། དེ་དག་ས་གས་པར་ལྟུང་བར་འགྱུར། རླུང་གིས་ཀྱང་དེ་དག་ཕྱོགས་བཞིར་གཏོར་བར་འགྱུར། རྡུལ་གྱིས་ཀྱང་ཡོག་ནས་དེ་ཉིད་དུ་སེམས་འཁྲུགས་ཏེ་འཐོམས་པར་འགྱུར་རོ། །གང་དག་ས་ལ་རྒྱུ་བ་དེ་དག་ནི་སའི་ཁུང་བུར་འཇུག་པར་འགྱུར་ཏེ། སའི་
D138.056.0246a01.01འོག་ཏུ་དཔག་ཚད་བརྒྱད་ཁྲི་བཞི་སྟོང་དུ་དེ་དག་གི་ཚེ་ཡོངས་སུ་ཟད་པར་འགྱུར་རོ། །གང་དག་ཆུ་ན་རྒྱུ་བའི་འབྱུང་པོ་སྡང་བའི་སེམས་དང་ལྡན་པ། སངས་རྒྱས་ཀྱི་བསྟན་པ་ལ་མངོན་པར་མ་དད་པ། དེ་དག་སངས་རྒྱས་ཀྱི་བསྟན་པ་ལ་མངོན་པར་དད་པའི་རྒྱལ་རིགས་ནས་ཞལ་ཏ་བྱེད་
D138.056.0246a02.01པ་ལ་བརྩོན་པའི་དགེ་སློང་གི་བར་ལ་འཚེ་བའམ། གང་དག་སྔགས་ཀྱི་ཚིག་འདི་དག་ལས་འདའ་ན་དེ་དག་ཀྱང་དེ་བཞིན་དུ་མགོ་ཚལ་པ་བདུན་དུ་འགས་པ་ནས། དེ་ཉིད་དུ་དེ་དག་གི་ཚེ་ཡོངས་སུ་ཟད་པའི་བར་དུ་འགྱུར་རོ། །ཡང་ཡུལ་གང་དུ་བདུད་ཀྱི་ཚོགས་ཀྱིས་མི་ཐུབ་པའི་གཟུངས་ཀྱི་ཕྱག་
D138.056.0246a03.01རྒྱའི་ཆོས་ཀྱི་རྣམ་གྲངས་འདི་འབྱུང་བ་དེར་བདག་ཅག་གིས་བསྲུང་བ་དང་། བསྐྱབ་པ་དང་། སྦ་བའི་སླད་དུ་སྤྲོ་བར་བགྱིའོ། །དེར་ཆོས་འདོད་པའི་སེམས་ཅན་ཐམས་ཅད་ཡོངས་སུ་སྨིན་པར་བགྱིའོ། །སྡང་བའི་གནོད་སྦྱིན་ནས་སྡང་བའི་ལུས་སྲུལ་པོའི་བར་ཐམས་ཅད་དེ་ནས་བསྐྲད་པར་
D138.056.0246a04.01བགྱིའོ། །ཡུལ་དེ་ན་འཐབ་པ་དང་། རྩོད་པ་དང་། མུ་གེ་དང་། ཕ་རོལ་གྱི་དམག་ཚོགས་དང་། དུས་མ་ལགས་པའི་ཆར་དང་། རླུང་དང་། གྲང་བ་དང་། ཚ་བ་དང་། ནད་ཐམས་ཅད་སླར་བཟློག་པར་བགྱིའོ། །བདེ་བ་དང་། འདུམ་པ་དང་། ལོ་ལེགས་པ་དང་། དགེ་བའི་རྩ་བ་དང་
D138.056.0246a05.01འཐུན་པ་རྣམས་བསྒྲུབ་པར་བགྱིའོ། །ཆོས་སྨྲ་བ་རྣམས་དང་ཆོས་ཉན་པ་རྣམས་ལ་ནད་མ་མཆིས་པ་དང་། གྲགས་པ་དང་། རྙེད་པ་དང་། བསྟི་སྟང་ཆེན་པོ་ཉེ་བར་བསྒྲུབ་པར་བགྱིའོ། །ཡང་དེའི་ཚེ་ཚངས་པ་ཆེན་པོ་དབྱངས་དང་ལྡན་པ་ཞེས་བྱ་བ་བྱང་ཆུབ་སེམས་དཔའ་སེམས་དཔའ་ཆེན་
D138.056.0246a06.01པོ་ས་བཅུ་ལ་གནས་པ། ཚངས་པའི་ནང་དུ་ནི་ཚངས་པ་ཀུན་གྱིས་བཀུར། བདུད་ཀྱི་ནང་དུ་ནི་བདུད་ཀུན་གྱིས་བཀུར། བརྒྱ་བྱིན་གྱི་ནང་དུ་ནི་བརྒྱ་བྱིན་ཀུན་གྱིས་བཀུར་བ་ནས་དེ་བཞིན་དུ་སྦྱར་ཏེ། རྣམ་ཐོས་ཀྱི་བུ་དང་། འཕགས་སྐྱེས་པོ་དང་། མིག་མི་བཟང་དང་། ཡུལ་འཁོར་སྲུང་དང་། དབང་
D138.056.0246a07.01