完整藏文原文 · 德格版页 当前仅加载第 56 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
བར་དུ་དེ་དག་བཅོམ་ལྡན་འདས་ཀྱི་རྫུ་འཕྲུལ་གྱི་མཐུས་འོད་མའི་ཚལ་དུ་བབ་པར་གྱུར་ཏོ། །བདུད་ཀྱི་བུ་མོ་དེ་དག་ཀྱང་གཡོག་དང་བཅས་པས་སོ་སོ་ནས་བཅོམ་ལྡན་འདས་མཐོང་ངོ་། །དེ་དག་གིས་མཐོང་ནས་ཀྱང་རབ་ཏུ་དགའ་བ་དང་རངས་པ་སྐྱེས་པར་གྱུར་ཏོ། །གང་གི་ཕྱིར་འོད་མའི་
D138.056.0193a01.01ཚལ་དུ་འདི་ལྟ་བུའི་མེ་ཏོག་གི་ཆར་རབ་ཏུ་བབ་ཅེས་དགེ་སློང་དེ་དག་ཐེ་ཚོམ་སྐྱེས་ནས་བཅོམ་ལྡན་འདས་ལ་གསོལ་པ། བཅོམ་ལྡན་འདས་ཤཱ་རིའི་བུ་དང་། མཽད་གལ་གྱི་བུ་གཡོག་དང་བཅས་པ་འདི་གཉིས་ལ་ངོ་མཚར་དང་རྨད་དུ་བྱུང་བ་ཆེན་པོ་སྔོན་མ་མཐོང་མ་ཐོས་པའི་མེ་ཏོག་གི་ཆར་ཆེན་པོ་རབ་ཏུ་
D138.056.0193a02.01བབ་པ་ལགས་སམ། བཅོམ་ལྡན་འདས་འདིའི་རྒྱུ་ཅི་ལགས། རྐྱེན་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འདི་གཉིས་ཀྱི་མཐུ་མ་ཡིན་ཏེ། བདུད་སྡིག་ཅན་གྱི་གཡོག་མོ་ལྔ་བརྒྱ་ཙམ་གྱིས་བདུད་ཀྱི་ཁང་པ་དེ་ནས་ང་ལ་མཆོད་པ་བྱ་བའི་ཕྱིར་འདི་ལྟ་བུའི་མེ་ཏོག་གི་ཆར་
D138.056.0193a03.01ཆེན་པོ་ནས་རྒྱན་གྱི་བར་གྱི་ཆར་ཕབ་བོ། །དེ་དག་རིང་པོ་མི་ཐོགས་པར་འདིར་འོངས་ཏེ། ང་ལས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་འཐོབ་བོ། །དེ་ནས་བདུད་ཀྱི་བུ་མོ་ལྔ་བརྒྱ་ཙམ་པོ་དེ་དག་སོ་སོ་ནས་བཅོམ་ལྡན་འདས་ཀྱི་གསུང་དང་བརྗོད་པའི་དབྱངས་ཐོས་ནས། བཅོམ་ལྡན་
D138.056.0193a04.01འདས་ལ་དེ་བས་ཀྱང་རབ་ཏུ་དགའ་བ་སྐྱེས་ཏེ། དེ་དག་དགའ་བ་དང་རངས་པ་དེས་བྱང་ཆུབ་ཀྱི་སེམས་བརྗེད་པ་མེད་པ་ཞེས་བྱ་བའི་ཏིང་ངེ་འཛིན་ཐོབ་བོ། །དེ་ནས་ཡང་བདུད་ཀྱི་བུ་མོ་དེ་དག་བདུད་ཀྱི་ཁང་པ་དེར་གོས་ཕྲག་པ་གཅིག་ཏུ་བགོས་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས་ཐལ་མོ་
D138.056.0193a05.01སྦྱར་ཏེ། བཅོམ་ལྡན་འདས་ཕྱོགས་གང་ན་བཞུགས་པའི་ཕྱོགས་དེར་བལྟས་ནས་འདི་སྐད་ཅེས་གསོལ་ཏོ། །སྲེད་ཆུ་མ་ལུས་སྐེམས་པའི་འགྲོ་བའི་མིག་གཅིག་པུ། །མིག་མ་མཆིས་པའི་འཇིག་རྟེན་ཀུན་ལ་གཟིགས་ནས་ནི། །ཁྱོད་དེང་ལྷ་དང་མིར་བཅས་པ་ཡི་འགྲོ་བ་སྒྲོལ། །ཐུབ་པ་
D138.056.0193a06.01བདག་ཅག་ཇི་ལྟར་མྱུར་དུ་སངས་རྒྱས་འགྱུར། །ལྷ་དང་མིས་མཆོད་དོན་དམ་གསུང་བ་བཅོམ་ལྡན་འདས། །བདག་ཅག་འཐུན་པར་བུད་མེད་སྨད་པ་ཉིད་སྤངས་ནས། །བློ་མཆོག་ཁྱོད་ཀྱི་འཕྲུལ་གྱི་དྲུང་དུ་མྱུར་བར་ནི། །མཆིས་ནས་འདི་བཞིན་ཐུབ་པའི་དབང་པོའི་གསུང་མཉན་ཏོ། །བདག་
D138.056.0193a07.01