完整藏文原文 · 德格版页 当前仅加载第 56 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
འཚལ་ཏེ། ཆོས་མཉན་པའི་ཕྱིར་དེའི་མདུན་དུ་འདུག་གོ། །དེ་ནས་མཽད་གལ་གྱི་བུ་གྲོང་ཁྱེར་གྱི་ཤར་ཕྱོགས་ཀྱི་སྒོ་ནས་རྒྱལ་པོའི་ཁབ་ཀྱི་གྲོང་ཁྱེར་ཆེན་པོར་བསོད་སྙོམས་ཀྱི་ཕྱིར་ཞུགས་པ་དང་། དེ་ནས་ཡང་བདུད་གཞོན་ནུ་ལྔ་བཅུ་ནས་གླུའི་དབྱངས་ཀྱི་བར་དུ་སྟེ་འདི་སྐད་ཅེས་
D138.056.0211a01.01སྨྲས་སོ། །ཁམས་ཉིད་དག་གིས་ཤིན་ཏུ་ཆོག །ཁམས་ཉིད་དག་གིས་བདག་ཅག་བསླུས། །ཁམས་ཉིད་དག་ནི་གསོད་པ་སྟེ། །ཁམས་ཉིད་བདག་གིས་མཐར་དབྱུང་ངོ་། །ཚོར་བ་དག་གིས་ཤིན་ཏུ་ཆོག །ཚོར་བ་དག་གིས་བདག་ཅག་བསླུས། །ཚོར་བ་དག་ནི་གསོད་པ་སྟེ། །
D138.056.0211a02.01ཚོར་བ་དག་གིས་མཐར་དབྱུང་ངོ་། །སེམས་པ་དག་གིས་ཤིན་ཏུ་ཆོག །སེམས་པ་དག་གིས་བདག་ཅག་བསླུས། །སེམས་པ་དག་ནི་གསོད་པ་སྟེ། །སེམས་པ་བདག་གིས་མཐར་དབྱུང་ངོ་། །འདུ་ཤེས་བྱས་པས་ཤིན་ཏུ་ཆོག །འདུ་ཤེས་བྱས་པས་བདག་ཅག་བསླུས། །འདུ་ཤེས་བྱས་པ་
D138.056.0211a03.01གསོད་པ་སྟེ། །འདུ་ཤེས་བྱས་པས་ངས་མཐར་དབྱུང་། །འཁོར་བ་དག་གིས་ཤིན་ཏུ་ཆོག །འཁོར་བ་དག་གིས་བདག་ཅག་བསླུ། །འཁོར་བ་དག་ནི་གསོད་པ་སྟེ། །འཁོར་བ་བདག་གིས་མཐར་དབྱུང་ངོ་། །འདི་ལྟ་སྟེ། ཨཱ་མ་བ། ཨཱ་མ་བ། ཨཱ་མ་བ། ཨཱ་ར་ཛ། ན་ར་ཛ་ཧ་ཤ་མ་མྱ་ཐ། ཤ་མ་མྱ་ཐ་
D138.056.0211a04.01ག་གན་བ་སྭཱ་ཧཱ། ཚེ་དང་ལྡན་པ་མཽད་གལ་གྱི་བུ་ཆེན་པོ་རྒྱུག་ཅིང་གླུའི་དབྱངས་ཀྱིས་ཚིགས་སུ་བཅད་པ་འདི་དག་དང་། གསང་སྔགས་ཀྱི་ཚིག་འདི་དག་སྨྲས་པ་དང་། དེ་ནས་བདུད་གཞོན་ནུ་ལྔ་བཅུ་པོ་དེ་དག་ཤིན་ཏུ་དགའ་སྟེ་ཡིད་རབ་ཏུ་དད་ནས་འདི་སྐད་ཅེས་སྨྲས་སོ། །འཕྲུལ་ལྡན་སྦས་པ་འཕགས་
D138.056.0211a05.01ལམ་ཐུབ་དབང་སྲས། །འཁོར་བའི་ཉེས་ལ་མཉམ་ལྟ་ཆོས་ཀྱི་སྒྲོན། །སྡིག་སྤངས་བདག་ཅག་རི་མོ་གུས་པ་སྐྱེས། །སངས་རྒྱས་ཆོས་མཆོག་དགེ་འདུན་དེང་སྐྱབས་སོ། །བདུད་གཞོན་ནུ་ལྔ་བཅུ་པོ་དེ་དག་ཐམས་ཅད་ཀྱིས་སྲང་གི་དབུས་དེར་ཚེ་དང་ལྡན་པ་མཽད་གལ་གྱི་བུ་ཆེན་པོའི་རྐང་པ་ལ་མགོ་
D138.056.0211a06.01བོས་ཕྱག་འཚལ་ཏེ། ཆོས་མཉན་པའི་ཕྱིར་དེའི་མདུན་དུ་འདུག་གོ། །དེ་ནས་ཚེ་དང་ལྡན་པ་བྱམས་མའི་བུ་གང་པོ་གྲོང་ཁྱེར་གྱི་བྱང་ཕྱོགས་ཀྱི་སྒོ་ནས་རྒྱལ་པོའི་ཁབ་ཀྱི་གྲོང་ཁྱེར་ཆེན་པོར་བསོད་སྙོམས་ཀྱི་ཕྱིར་ཞུགས་པ་དང་། དེ་ནས་ཡང་བདུད་གཞོན་ནུ་ལྔ་བཅུ་ནས་གླུའི་དབྱངས་ཀྱི་བར་དུ་སྟེ་འདི་སྐད་ཅེས་
D138.056.0211a07.01