完整藏文原文 · 德格版页 当前仅加载第 56 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་དང་གཞན་དང་གཉི་ག་མི་དགེ་བའི་ལས་ཡོངས་སུ་ཟད་པར་བྱ་བའི་ཕྱིར་དེར་མ་དོང་ན་དེའི་ཕྱིར་ཁྱེད་ཀྱིས་བསླུས་པ་དང་། ལམ་བསྐྱེད་པ་ལ་རྨོངས་པ་བྱས་པར་འགྱུར་རོ། །དེ་ནས་བཅོམ་ལྡན་འདས་ལ་མི་མཇེད་ཀྱི་བདག་པོ་ཚངས་པས་འདི་སྐད་ཅེས་གསོལ་ཏོ། །བཅོམ་
D138.056.0266b01.01ལྡན་འདས་ད་ལྟར་དང་མ་མཆིས་པའི་དུས་ན། དམ་པའི་ཆོས་ཀྱི་ཚུལ་གྱི་བར་དུ་ནུབ་པར་གྱུར་པ་ན། གྲོང་ངམ། གྲོང་ཁྱེར་རམ། གྲོང་རྡལ་ལམ། ལྗོངས་སམ། རི་བྲགས་སམ། ཕོ་བྲང་འཁོར་ཏམ། གཙུག་ལག་ཁང་ངམ། དགོན་པའི་གནས་སམ། རྒྱལ་པོའི་ཕོ་བྲང་
D138.056.0266b02.01ངམ། བྲམ་ཟེའི་ཁྱིམ་འམ། ཚོང་དཔོན་གྱི་ཁྱིམ་འམ། དམངས་ཀྱི་ཁྱིམ་གང་དང་གང་དུ་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་ཆོས་སྨྲ་བ་དང་། གཞན་ཡང་དད་པའི་རིགས་ཀྱི་བུའམ་རིགས་ཀྱི་བུ་མོ་ཤིན་ཏུ་ཁྲུས་བགྱིས་ཏེ། ཡན་
D138.056.0266b03.01ལག་ཤིན་ཏུ་བྱུགས་ནས་གོས་སར་པ་འཚལ་ཏེ། མེ་ཏོག་བཀྲམ་པའི་འཁོར་གྱི་ཁྱམས་སུ་སྤོས་སྣ་ཚོགས་ཀྱིས་བདུགས་པ་རས་བཅོས་བུ་དང་རས་སྣ་ཚོགས་བཏིང་བ་རོ་བྲོ་བ་སྣ་ཚོགས་ཀྱིས་བསྐོར་བའི་སེང་གེའི་ཁྲི་ལ་འདུག་སྟེ། ལྕེའི་རྩེ་མོས་གཟུངས་ཀྱི་ཕྱག་རྒྱ་འདི་
D138.056.0266b04.01གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་འཆད་དམ་བྲིས་ཏེ། ཀློག་པ་དེར་ཆོས་ཉན་པ་ནས། ཆོས་སྨྲ་བ་དེ་བསྲུང་བའམ། ཆོས་ཉན་པ་དེ་དག་དང་། བདག་དང་གཞན་གཉི་གའི་ཉོན་མོངས་པའི་ལས་ཡོངས་སུ་སྦྱང་བའམ། དགེ་བའི་ཆོས་ཡོངས་སུ་སྨིན་པར་
D138.056.0266b05.01བགྱི་བའམ། ཆོས་ཀྱི་ཚུལ་ཆེན་པོ་ཡང་དག་པར་འབར་བར་བགྱི་བའམ། ཡེ་ཤེས་ཀྱི་སྣང་བ་ཆེན་པོ་མཆོག་གི་ལམ་ལ་འཇུག་པའི་སླད་དུ། བདག་འཁོར་བརྒྱ་སྟོང་དུ་མས་བསྐོར་ཏེ། དེར་མ་མཆིས་སམ། གྲོང་ནས་དམངས་ཀྱི་ཁྱིམ་གྱི་བར་དེ་དག་ཡོངས་སུ་བསྐྱང་བ་
D138.056.0266b06.01དང་། སེམས་ཅན་དེ་དག་གི་ནོར་དང་། འབྲུ་དང་། མཛོད་དང་། བང་བ་མང་པོ་རབ་ཏུ་དགང་བའི་སླད་དུ། དེར་མ་མཆིས་ན། སངས་རྒྱས་བཅོམ་ལྡན་འདས་ཐམས་ཅད་ཀྱི་སྤྱན་སྔར་བདག་གིས། སྔོན་མ་ཐོས་པའི་བྲོ་བོར་བའི་དམ་བཅས་པ་དང་འགལ་བར་འགྱུར་རོ། །འདི་
D138.056.0266b07.01