完整藏文原文 · 德格版页 当前仅加载第 56 函德格 210b 版页；藏文 NFD、目录标记与异常页序保留在来源切片中，重复版页行以稳定序号区分。
སྤྲིན་ནག་པོ་ཡང་མེད། དུས་མ་ཡིན་པའི་རླུང་ཡང་མེད་དེ། སངས་རྒྱས་ཀྱི་སྟོབས་དང་བྱིན་གྱི་རླབས་ཀྱིས་ཀླུ་གང་ཡང་ཐ་ན་ཆར་པ་ཐིགས་པ་གཅིག་ཙམ་ཡང་མི་འབེབས་སོ། །ཡང་དེའི་ཚེ་ཉན་ཐོས་ཆེན་པོ་བཞི་སྔ་དྲོ་ཆོས་གོས་དང་ཤམ་ཐབས་བགོས། ལྷུང་བཟེད་ཐོགས་ནས་རྒྱལ་པོའི་
D138.056.0210b01.01ཁབ་ཀྱི་གྲོང་ཁྱེར་ཆེན་པོར་བསོད་སྙོམས་ཀྱི་ཕྱིར་ཞུགས་ཏེ། དེ་ནས་ཚེ་དང་ལྡན་པ་ཤཱ་རིའི་བུ་གྲོང་ཁྱེར་གྱི་ལྷོ་ཕྱོགས་ཀྱི་སྒོ་ནས་རྒྱལ་པོའི་ཁབ་ཀྱི་གྲོང་ཁྱེར་ཆེན་པོར་བསོད་སྙོམས་ཀྱི་ཕྱིར་ཞུགས་པ་དང་། གྲོང་ཁྱེར་གྱི་སྒོ་དེ་ན་བདུད་གཞོན་ནུ་ཤིན་ཏུ་དར་ལ་བབ་པ། བྱད་བཞིན་བཟང་བ། བཙུན་པའི་
D138.056.0210b02.01ཆ་བྱད་དང་འདྲ་བ་ལྔ་བཅུ་གླུ་ལེན་གར་བྱེད་ཅིང་ཀུན་ཏུ་རྒྱུ་སྟེ། དེ་དག་གིས་ལག་པ་གཉིས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཟུང་ནས་སྲང་དུ་རྒྱུག་ཅིང་གླུ་ལེན་གར་བྱེད་དེ། ཤཱ་རིའི་བུ་ལ་འདི་སྐད་ཅེས་སྨྲས་སོ། །དགེ་སྦྱོང་གླུ་ལོང་ཤིག །དགེ་སྦྱོང་གར་བྱོས་ཤིག །ཤཱ་རིའི་བུས་སྨྲས་པ། གྲོགས་
D138.056.0210b03.01པོ་དག་ཁྱེད་ཀྱིས་སྔོན་མ་ཐོས་པའི་གླུ་ཐོས་པར་བྱ་ཡིས་ཉོན་ཅིག །བདུད་གཞོན་ནུ་དེ་དག་ཐམས་ཅད་ཀྱིས་གཅོམ་བསྐྱུངས་པ་དང་། ཚེ་དང་ལྡན་པ་ཤཱ་རིའི་བུ་རྒྱུག་ཅིང་གླུའི་དབྱངས་ཀྱིས་འདི་སྐད་ཅེས་སྨྲས་སོ། །སྐྱེ་མཆེད་དག་གིས་ཤིན་ཏུ་ཆོག །སྐྱེ་མཆེད་དག་གིས་བདག་ཅག་བསླུས། །
D138.056.0210b04.01སྐྱེ་མཆེད་དག་ནི་གསོད་པ་སྟེ། །སྐྱེ་མཆེད་དག་གིས་མཐར་དབྱུང་ངོ་། །ཕུང་པོ་བྱས་པས་ཤིན་ཏུ་ཆོག །ཕུང་པོ་བྱས་པས་བདག་ཅག་བསླུས། །ཕུང་པོ་བྱས་པ་གསོད་པ་སྟེ། །ཕུང་པོ་བྱས་པ་ངས་མཐར་དབྱུང་། །འདི་ལྟ་སྟེ། བ་ཧ་ར། བ་ཧ་ར། བྷ་ར་བ་ཧ། མ་རི་ཙཻ་བ་ཧ། ས་ཏྱ་བ་
D138.056.0210b05.01ཧ་ཨཱ་མ་བ་ཧ་སྭཱ་ཧཱ། གནས་བརྟན་ཤཱ་རིའི་བུ་རྒྱུག་ཅིང་། གླུའི་དབྱངས་ཀྱིས་ཚིགས་སུ་བཅད་པ་འདི་དག་དང་། གསང་སྔགས་ཀྱི་ཚིག་འདི་དག་སྨྲས་པ་དང་། དེ་ནས་བདུད་གཞོན་ནུ་ལྔ་བཅུ་པོ་དེ་དག་ཤིན་ཏུ་དགའ་སྟེ་ཡིད་རབ་ཏུ་དད་ནས་འདི་སྐད་ཅེས་སྨྲས་སོ། །མགོན་པོ་བདག་ཅག་དེ་རིང་
D138.056.0210b06.01བཟོད་པར་གསོལ། །འགྲོ་བའི་གཉེན་གཅིག་སྟོན་པའི་མཆོག་ཁྱོད་དེ། །ཕུང་པོ་ཁྱོད་ཀྱིས་ཇི་ལྟར་འཇིགས་བཅས་བཤད། །བདག་ཅག་དེ་ལྟར་རྟག་ཏུ་དེ་མངོན་སུམ། །བདུད་གཞོན་ནུ་ལྔ་བཅུ་པོ་དེ་དག་ཐམས་ཅད་ཀྱིས་སྲང་གི་དབུས་དེར་ཚེ་དང་ལྡན་པ་ཤཱ་རིའི་བུའི་རྐང་པ་ལ་མགོ་བོས་ཕྱག་
D138.056.0210b07.01