完整藏文原文 · 德格版页 当前仅加载第 56 函德格 203b 版页；藏文 NFD、目录标记与异常页序保留在来源切片中，重复版页行以稳定序号区分。
སྤོས་དང་། བྱུག་པས་གླེགས་བམ་དེ་མཆོད་ལ། བདག་ཉིད་ཀྱང་སྟན་མེ་ཏོག་སྣ་ཚོགས་ཀྱིས་གཏོར་བ། དྲི་སྣ་ཚོགས་ཀྱིས་བདུགས་པ། རོ་བྲོ་བ་སྣ་ཚོགས་ཀྱིས་བསྐོར་བ་ལ་འདུག་ནས་རིན་པོ་ཆེ་ཏོག་གི་གཟུངས་འདི་བཀླགས་ན་དེས་བུ་རྙེད་པར་འགྱུར་རོ། །དེ་བླ་ན་མེད་པའི་ཡོངས་སུ་
D138.056.0203b01.01མྱ་ངན་ལས་འདས་པའི་བར་དུ་སེམས་ཅན་ཡོངས་སུ་སྨིན་པར་བྱ་བའི་ཕྱིར་རང་གི་སྨོན་ལམ་མ་གཏོགས་པར་དེ་ཉིད་དེའི་བུད་མེད་དུ་གྱུར་པའི་ཐ་མ་ཡིན་ནོ། །ཆེ་ཞེ་རིན་པོ་ཆེ་ཏོག་གི་གཟུངས་འདི་ལས་ཐ་ན་ཚིགས་སུ་བཅད་པ་གཅིག་ཙམ་གང་ལ་ལའི་རྣ་ལམ་དུ་གྲགས་པ་ན་ཐ་ན་{རི་དགས་,རི་དྭགས་}དང་བྱའང་
D138.056.0203b02.01རུང་སྟེ། དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །རིགས་ཀྱི་བུ་དག་དེའི་ཚེ་དེ་བཞིན་གཤེགས་པ་འོད་ཞི་སྤོས་སྣང་དཔལ་གྱི་ཞབས་གཡས་པའི་མཐེ་བོས་ལ་རེག་པར་མཛད་དེ། དེ་བཞིན་གཤེགས་པ་ཤཱཀྱ་ཐུབ་པས་ཀྱང་དེའི་ཚེ་སངས་
D138.056.0203b03.01རྒྱས་ཀྱི་ཞིང་འདིར་ས་ཆེན་པོ་རྣམ་པ་དྲུག་ཏུ་གཡོས་པར་བྱིན་གྱིས་བརླབས་ནས་ཕྱོགས་བཅུ་དག་གི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། {ཡི་དགས་,ཡི་དྭགས་}དང་། ཤ་ཟ་དང་། གྲུལ་བུམ་དང་།
D138.056.0203b04.01མི་དང་། མི་མ་ཡིན་པ་གྲངས་མེད་དཔག་ཏུ་མེད་པ་རྣམས་ཤིན་ཏུ་སྐྲག་པ་སྐྱེས་པར་གྱུར་ཏོ། །སངས་རྒྱས་ཀྱི་ཞིང་མི་མཇེད་འདི་ཐམས་ཅད་ཀྱང་སྣང་བས་རྒྱ་ཆེར་ཁྱབ་པར་གྱུར་ཏེ། ལག་མཐིལ་ལྟ་བུར་མཉམ་པར་འདུག་ཅིང་། དེའི་ཚེ་ན་རི་དང་། ཤིང་དང་། རྩིག་པ་དང་། རི་རབ་དང་།
D138.056.0203b05.01ཁོར་ཡུག་དང་། ཁོར་ཡུག་ཆེན་པོ་ཡང་མི་སྣང་བར་གྱུར་ཏོ། །ལྷ་དང་། ཀླུ་དང་། གནོད་སྦྱིན་དེ་དག་ཀྱང་ས་གཡོས་པ་དང་། སྣང་བ་དེས་སྐྲག་པ་སྐྱེས་པར་གྱུར་ཏེ། བཅོམ་ལྡན་འདས་ཀྱི་མཐུས་ཕྱོགས་བཞིར་བལྟས་པ་དང་། དེ་དག་ཐམས་ཅད་ཀྱིས་མདའ་རྒྱང་གང་ཙམ་ན་དེ་བཞིན་
D138.056.0203b06.01གཤེགས་པ་ཤཱཀྱ་ཐུབ་པ་མཐོང་ནས། དེ་དག་ངོ་མཚར་དུ་གྱུར་ཏེ་ཐལ་མོ་སྦྱར་ནས་དེ་བཞིན་གཤེགས་པ་ཤཱཀྱ་ཐུབ་པ་དེ་ལ་བལྟའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དེས་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་གང་གི་ཚེ་དེ་བཞིན་གཤེགས་པ་འོད་ཞི་སྤོས་སྣང་
D138.056.0203b07.01