完整藏文原文 · 德格版页 当前仅加载第 56 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཕ་རོལ་གྱི་དམག་ཚོགས་དང་། དུས་མ་ཡིན་པའི་རླུང་དང་། ཆར་པ་དང་། གྲང་བ་དང་། ཚ་བའི་ཉེས་པ་རབ་ཏུ་ཞི་བར་འགྱུར་རོ། །གནོད་སྦྱིན་དང་། སྲིན་པོ་དང་། སེང་གེ་དང་། མ་ཧེ་དང་། གླང་པོ་ཆེ་དང་། སྤྱང་ཀི་མ་རུངས་པ་ཐམས་ཅད་ཀྱང་གནོད་པར་མི་འགྱུར།
D138.056.0203a01.01དུག་དང་། ཁ་བ་དང་། ཚ་བ་དང་། སྣུམ་མེད་པ་དང་། རོ་མེད་པ་དང་། རྩུབ་པའི་སྡུག་བསྔལ་བ་རེག་ན་མི་བདེ་བར་འགྱུར་བའི་ཉེས་པ་ཐམས་ཅད་ཀྱང་རབ་ཏུ་ཞི་བར་འགྱུར་རོ། །ནོར་དང་། འབྲུ་དང་། སྨན་དང་། འབྲས་བུ་དང་། འདབ་མ་དང་། མེ་ཏོག་ཐམས་ཅད་ཀྱང་
D138.056.0203a02.01རབ་ཏུ་སྐྱེ་ཞིང་རྣམ་པར་འཕེལ་ཏེ་སྣུམ་པ་དང་། རོ་ཞིམ་པོར་འགྱུར་རོ། །གལ་ཏེ་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་གཡུལ་དུ་ཉེ་བར་གནས་པའི་ཚེ་རིན་པོ་ཆེ་ཏོག་གི་གཟུངས་འདིའི་གླེགས་བམ་རྒྱལ་མཚན་གྱི་རྩེ་མོ་ལ་བཏགས་ན། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་དེས་ཕ་
D138.056.0203a03.01རོལ་གྱི་དམག་ཚོགས་ཐུབ་པར་འགྱུར་རོ། །དེ་སྟེ་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་གཡུལ་དུ་ཞུགས་པ་གཉི་ག་རིན་པོ་ཆེ་ཏོག་གི་གཟུངས་འདིའི་གླེགས་བམ་རྒྱལ་མཚན་གྱི་རྩེ་མོ་ལ་ཐོགས་ན། དེ་གཉིས་གཅིག་ལ་གཅིག་དགའ་ཞིང་འཐུན་པར་བྱེད་པར་འགྱུར་རོ། །དེ་ལྟར་རིན་
D138.056.0203a04.01པོ་ཆེ་ཏོག་གི་གཟུངས་འདི་ཡོན་ཏན་དང་། ཕན་ཡོན་མང་ངོ་། །གྲོང་ངམ། གྲོང་ཁྱེར་རམ། གྲོང་རྡལ་ལ་ལར་མིའམ། རྐང་བཞི་པ་དག་ནའམ་དུས་མ་ཡིན་པར་འཆི་བའམ། གནོད་པ་ཞིག་དེར་བྱུང་ན་དེར་རིན་པོ་ཆེ་ཏོག་གི་གཟུངས་འདི་གླེགས་བམ་ལ་བྱས་ཏེ་མཆོད་པའི་ཡོ་བྱད་ཆེར་སྦྱར་
D138.056.0203a05.01ཏེ་བཞག་ལ། ཤིན་ཏུ་ཁྲུས་བྱས་ཤིང་ལུས་རབ་ཏུ་བྱུགས་ཏེ་གོས་སར་པ་བགོས་ནས་ཚངས་པར་སྤྱད་དེ། སེང་གེའི་ཁྲི་མེ་ཏོག་སྣ་ཚོགས་ཀྱིས་གཏོར་བ། དྲི་སྣ་ཚོགས་ཀྱིས་བདུགས་པ། རོ་བྲོ་བ་སྣ་ཚོགས་ཀྱིས་བསྐོར་བ་ལ་འདུག་ལ། དེར་རིན་པོ་ཆེ་ཏོག་གི་གཟུངས་འདིའི་གླེགས་བམ་བཀླགས་
D138.056.0203a06.01ན་དེར་ནད་དང་དུས་མ་ཡིན་པར་འཆི་བ་ཐམས་ཅད་རབ་ཏུ་ཞི་བར་འགྱུར་རོ། །དེར་འཇིགས་ཤིང་སྤུ་ཟིང་ཞེས་བྱེད་པ་དང་། ལྟས་ངན་པ་ཐམས་ཅད་མེད་པར་འགྱུར་རོ། །བུད་མེད་གང་ལ་ལ་བུ་འདོད་ན་དེས་ཁྲུས་བྱས་ཏེ་གོས་སར་པ་བགོས་ལ་ཚངས་པར་སྤྱོད་དེ། མེ་ཏོག་དང་། ཕྲེང་བ་དང་།
D138.056.0203a07.01