完整藏文原文 · 德格版页 当前仅加载第 56 函德格 250a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ནོར་བུ་འོད་འབར་བ་དཔལ་གྱི་སྤྱན་སྔར་འདུག་ནས། དེ་ཡུད་ཙམ་གྱིས་ཚངས་པའི་ཆ་བྱད་དང་། སྐད་ཅིག་གིས་བདུད་ཀྱི་གཟུགས་སུ་སྣང་ངོ་། །དེ་བཞིན་དུ་སྦྱར་ཏེ། བརྒྱ་བྱིན་གྱི་གཟུགས་དང་། གཞན་འཕྲུལ་དབང་བྱེད་ཀྱི་ལྷའི་དབང་པོའི་གཟུགས་དང་། འཕྲུལ་དགའ་
D138.056.0250a01.01དང་། དགའ་ལྡན་དང་། འཐབ་བྲལ་དང་། རྒྱལ་ཆེན་བཞི་དང་། དབང་ཕྱུག་ཆེན་པོ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། སྲིན་པོ་དང་། {ཡི་དགས་,ཡི་དྭགས་}དང་། ཤ་ཟ་དང་། གྲུལ་བུམ་དང་། རྒྱལ་རིགས་དང་།
D138.056.0250a02.01བྲམ་ཟེའི་རིགས་དང་། རྗེའུ་རིགས་དང་། དམངས་རིགས་དང་། སེང་གེ་དང་། གླང་པོ་ཆེ་དང་། མ་ཧེ་ནས་དུད་འགྲོའི་སྐྱེ་གནས་ཀྱི་བར་གྱི་གཟུགས་རྣམ་པ་སྣ་ཚོགས་སུ་སྣང་ངོ་། །སྐད་ཅིག་གིས་བྱ་དང་། ཤིང་དང་། རི་དང་། འབྲས་བུ་དང་། གོས་དང་། མལ་ཆ་དང་།
D138.056.0250a03.01སྣམ་བུ་དང་། སྣོད་དང་། ཕྱང་འཕྲུལ་དང་། རྒྱན་དང་། སྨན་རྣམ་པ་སྣ་ཚོགས་དང་། རིན་པོ་ཆེའི་གཟུགས་དང་། ཡུད་ཙམ་གྱིས་དགེ་སློང་དང་། དགེ་སློང་མའི་གཟུགས་དང་། སྐད་ཅིག་གིས་སངས་རྒྱས་ཀྱི་གཟུགས་སུ་སྣང་ངོ་། །སྐད་ཅིག་གིས་ཁ་དོག་དང་། རྟགས་དང་།
D138.056.0250a04.01དབྱིབས་དང་། གཟུགས་བརྒྱད་ཅུ་རྩ་བཞིར་སྣང་ངོ་། །དེ་ནས་དེ་བཞིན་གཤེགས་པ་ཤཱཀྱ་ཐུབ་པ་དེ་ལ་ཚེ་དང་ལྡན་པ་བྱམས་མའི་བུ་གང་པོས་གསོལ་པ། བཅོམ་ལྡན་འདས་རིགས་ཀྱི་བུ་འདི་ཁ་དོག་དང་། རྟགས་དང་། དབྱིབས་དང་། གཟུགས་བརྒྱད་ཅུ་རྩ་བཞིར་གདའ་བའི་རྒྱུ་གང་
D138.056.0250a05.01ལགས། རྐྱེན་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཚེ་དང་ལྡན་པ་གང་པོ་རིགས་ཀྱི་བུ་འདི་རབ་ཏུ་མཐུ་ཆེ་སྟེ། བྱང་ཆུབ་སེམས་དཔའ་ཤིན་ཏུ་རྣམ་པར་ཕྱེ་བའི་བློ་གྲོས་དམ་བཅས་པའི་སྟོབས་ཀྱི་ཡུལ་གང་ལ་གནས་ནས། སེམས་ཅན་རྣམས་ཡོངས་སུ་སྨིན་
D138.056.0250a06.01པར་བྱེད་ཅིང་། ཤེས་རབ་ཀྱི་མིག་སྒྲིབ་པ་མེད་པས་ཕྱོགས་བཅུའི་སངས་རྒྱས་ཀྱི་ཞིང་ཡོངས་སུ་དག་པ་དང་། ཡོངས་སུ་མ་དག་པ་གྲངས་མེད་དཔག་ཏུ་མེད་པ་དག་ན་བསམ་པ་དང་། སེམས་པ་ཇི་ལྟ་བུ་དང་། སྤྱོད་པ་ཇི་ལྟ་བུ་དང་། ཅི་འདྲ་བའི་ནད་ཀྱིས་བཏབ་པ་དང་། གང་ལ་གང་
D138.056.0250a07.01