完整藏文原文 · 德格版页 当前仅加载第 56 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
བཞག་ཀྱང་བྲི་བའམ་གང་བར་མི་མངོན་ཏེ། དེ་བཞིན་གཤེགས་པ་ཤཱཀྱ་ཐུབ་པ་དེ་ནི་ཐབས་མཁས་པ་དེ་ལྟ་བུ་དང་ལྡན་ནོ། །རིགས་ཀྱི་བུ་དག་གཞན་ཡང་གང་ཅུང་ཟད་གཤེར་བར་སྣང་བ་དེ་ཐམས་ཅད་ནི་ཆུའི་ཁམས་ཏེ། དེ་བཞིན་གཤེགས་པ་ཤཱཀྱ་ཐུབ་པ་དེས་ཆུའི་ཁམས་དེ་ཐམས་
D138.056.0236a01.01ཅད་སྐྲའི་རྩེ་མོ་གཅིག་ཏུ་ཆུད་པར་ནུས་ལ་སྐྲའི་རྩེ་མོ་དེ་གཅིག་ཏུ་ཆུའི་ཁམས་དེ་ཐམས་ཅད་བཅུག་ཀྱང་བྲི་བའམ་གང་བར་མི་མངོན་ནོ། །རིགས་ཀྱི་བུ་དག་གཞན་ཡང་ཇི་ཙམ་དུ་དྲོ་བར་སྣང་བ་དེ་ཐམས་ཅད་ནི་མེའི་ཁམས་ཏེ། མེའི་ཁམས་གང་སྔོན་བྱུང་བ་དང་། འབྱུང་བ་དང་། འབྱུང་བར་འགྱུར་བ་དེ་
D138.056.0236a02.01ཐམས་ཅད་རྡུལ་ཕྲ་རབ་གཅིག་ཏུ་ཆུད་པར་ནུས་ལ་མེའི་ཁམས་དེ་ཐམས་ཅད་རྡུལ་ཕྲ་རབ་དེ་གཅིག་ཏུ་བཅུག་ཀྱང་གནས་ཤིན་ཏུ་ཡངས་ཏེ། རང་གི་ཡུལ་བཞིན་དུ་རྒྱུའོ། །རིགས་ཀྱི་བུ་དག་གཞན་ཡང་གང་ཅུང་ཟད་རླུང་གི་ཁམས་སུ་སྣང་བའི་རླུང་གི་ཁམས་དེ་ཐམས་ཅད་དེ་བཞིན་གཤེགས་པ་ཤཱཀྱ་ཐུབ་པ་
D138.056.0236a03.01དེས་བ་སྤུའི་ཁུང་བུ་གཅིག་ཏུ་འཇུག་ནུས་ལ། རླུང་གི་ཁམས་དེ་ཐམས་ཅད་བ་སྤུའི་ཁུང་བུ་དེ་གཅིག་ཏུ་བཅུག་ཀྱང་གནས་ཤིན་ཏུ་ཡངས་ཏེ། རང་གི་ཡུལ་བཞིན་དུ་རྒྱུའོ། །རིགས་ཀྱི་བུ་དག་གཞན་ཡང་དེ་བཞིན་གཤེགས་པ་ཤཱཀྱ་ཐུབ་པ་དེས་ནི་གང་ཕྱོགས་བཅུའི་སངས་རྒྱས་ཀྱི་ཞིང་དེ་དག་ཐམས་ཅད་
D138.056.0236a04.01ཀྱི་སེམས་ཅན་ཐམས་ཅད་འབྱུང་བ་ཆེན་པོ་བཞི་པོ་དེ་དག་ཐམས་ཅད་དང་། ལྷན་ཅིག་ཏུ་རྡུལ་གཅིག་གི་སྟེང་དུ་འཇོག་པར་ནུས་ཏེ། རྡུལ་གཅིག་ལ་སེམས་ཅན་དེ་དག་ཐམས་ཅད་འབྱུང་བ་ཆེན་པོ་དེ་དག་དང་བཅས་པར་རང་གི་ཡུལ་གྱི་ལས་ཀྱིས་མཐའ་རྣམས་སྤྱོད་ཀྱང་གནས་ཤིན་ཏུ་ཡངས་པར་རྒྱུ་སྟེ། ཕན་ཚུན་
D138.056.0236a05.01གནོད་པ་ཡང་མེད་ལ་རྡུལ་གཅིག་གི་རྩེ་མོ་དེ་ཡང་བྲི་བའམ་གང་བར་ཡང་མི་མངོན་ཏེ། དེ་བཞིན་གཤེགས་པ་ཤཱཀྱ་ཐུབ་པ་དེ་ནི་ཐབས་མཁས་པ་དེ་ལྟ་བུ་དང་ལྡན་ནོ། །རིགས་ཀྱི་བུ་དག་གཞན་ཡང་དུས་གསུམ་དུ་གཏོགས་པའི་སེམས་ཅན་རྣམས་ཀྱི་སྐྱེ་མཆེད་དྲུག་དང་། སྤྱོད་པ་དང་། ཉེ་བར་ལེན་པ་དང་།
D138.056.0236a06.01སྨོན་ལམ་དང་། བྱིན་གྱི་རླབས་དང་། ཚིག་གི་ལམ་གྱི་སྒྲ་དང་། ཡི་གེ་དང་། ཚིག་བརྗོད་པ་དང་། འདུ་བྱེད་གསུམ་གྱི་ལས་ཀྱི་མཐའི་བྱ་བ་དང་། ཕུང་པོ་དང་། དཔྱོད་པ་དང་། བསགས་པའི་བྱ་བ་ཐ་དད་པ་ཇི་སྙེད་པ་དང་། གང་ཡང་སེམས་ཅན་ཐམས་ཅད་ཀྱི་སྔོན་གྱི་མཐའི་མུ་ནས་བཟུང་སྟེ། དུས་གསུམ་དུ་
D138.056.0236a07.01