完整藏文原文 · 德格版页 当前仅加载第 58 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
ཞུའོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་མཁྱེན་བཞིན་དུ་ཀླུའི་རྒྱལ་པོ་མ་དྲོས་པ་ལ་འདི་སྐད་ཅེས་བཀའ་སྩལ་ཏོ། །ཀླུའི་བདག་པོ་ཁྱོད་སེམས་ཅན་རྣམས་ཀྱི་ཆེད་དུ་དེ་བཞིན་གཤེགས་པ་ལ་ཅི་འདྲ་བ་ཞིག་ཡོངས་སུ་དྲི་བར་འདོད། གསོལ་པ། བཅོམ་ལྡན་འདས་
D156.058.0206b01.01བདག་བྱང་ཆུབ་སེམས་དཔའ་སེམས་ཅན་གྱི་མཆོག །སེམས་ཅན་ཆེན་པོ། སྐྱེས་བུ་དམ་པ། སེང་གེ་ལྟར་རྣམ་པར་རྩེན་པའི་སེམས་ཅན་རྣམས་ཀྱི་ཆེད་དུ་དེ་བཞིན་གཤེགས་པ་ལ་ཡོངས་སུ་ཞུ་བར་འཚལ་ལོ། །བཅོམ་ལྡན་འདས་འཇིག་རྟེན་གྱི་ཡོངས་སུ་འདྲེན་པ། འཇིག་
D156.058.0206b02.01རྟེན་གྱི་ཆོས་ཀྱིས་མ་གོས་པ། སྤྱོད་པ་དང་བསམ་པ་རྣམ་པར་དག་པ། ཕན་པའི་དངོས་པོ་ལ་ཡང་དག་པར་ཞུགས་པ། གསོལ་བ་མ་བཏབ་པར་སེམས་ཅན་ཐམས་ཅད་ལ་དགེ་བའི་བཤེས་གཉེན་བགྱིད་པ། སྟོབས་བཅུའི་སྟོབས་ཀྱི་ཤུགས་ལ་ཡང་དག་པར་ཞུགས་པ། ངན་
D156.058.0206b03.01པའི་ཚོགས་ཅན་གྱི་ཚོགས་ཀྱི་སྨྲ་བ་ཡང་དག་པར་རབ་ཏུ་འཇོམས་པ། བདུད་དང་ཕྱིར་རྒོལ་བ་བཅོམ་པ། སེམས་མ་ཞུམ་པ། བརྩོན་འགྲུས་བརྟན་པའི་གོ་ཆ་ཤིན་ཏུ་བགོས་པ། ཡིད་ཡོངས་སུ་མི་སྐྱོ་བ། དགེ་བའི་རྩ་བའི་ཚོགས་དཔག་ཏུ་མ་མཆིས་པ་བསགས་པ། ཚུལ་
D156.058.0206b04.01ཁྲིམས་དང་ཐོས་པས་མི་ངོམས་པ། སེམས་ཅན་ཐམས་ཅད་ལ་སེམས་མཉམ་པ། ཐ་དད་པའི་འདུ་ཤེས་དང་བྲལ་བ། མཐར་ལྟ་བ་གཉི་ག་དང་བྲལ་བ། རྟེན་ཅིང་འབྲེལ་པར་འབྱུང་བ་ལ་འཇུག་པ་ཤེས་པ་ལ་མཁས་པ། སངས་རྒྱས་ཀྱི་ཆོས་ཀྱི་ཚུལ་ཟབ་མོ་ལ་རབ་ཏུ་ཞུགས་པ།
D156.058.0206b05.01ཟབ་ཅིང་གཏིང་དཔག་དཀའ་བ། ཉན་ཐོས་དང་རང་སངས་རྒྱས་ཀྱི་ཡིད་ལ་བགྱིད་པ་དང་བྲལ་བ། ཐམས་ཅད་མཁྱེན་པའི་སེམས་མ་བསྐྱུད་པ། བསམ་པ་རྡོ་རྗེ་ལྟར་བརྟན་ཏེ་མི་ཕྱེད་པ། བློ་ཟླ་བ་ལྟར་དྲི་མ་མ་མཆིས་ཤིང་ཤིན་ཏུ་དཀར་བ། སེམས་ནམ་མཁའི་དཀྱིལ་དང་མཚུངས་
D156.058.0206b06.01པ། བསྐལ་པ་གྲངས་མ་མཆིས་པར་ཡིད་ཡོངས་སུ་མི་སྐྱོ་བར་འཛིན་པ། སེམས་ས་དང་། ཆུ་དང་། མེ་དང་། རླུང་དང་མཉམ་པ། གནོད་སེམས་དང་། ཐ་བ་དང་། ཞེ་སྡང་དང་། ང་རྒྱལ་དང་། རྒྱགས་པ་དང་། དྲེགས་པ་ཐམས་ཅད་ཡང་དག་པར་ཆད་པ། སྟོང་པ་ཉིད་དང་།
D156.058.0206b07.01