完整藏文原文 · 德格版页 当前仅加载第 58 函德格 241a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མཆོད་པ་བགྱིད་པ་དང་། རིན་པོ་ཆེ་སྣ་བདུན་གྱི་མཆོད་རྟེན་བགྱི་བར་འཚལ་ལོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་ཀླུ་གཞོན་ནུ་དེ་དག་ལ་འདི་སྐད་ཅེས་སྨྲས་སོ། །དེ་བཞིན་གཤེགས་པ་ནི་སེམས་ཅན་ཐམས་ཅད་ལ་ཆེར་ཐུགས་རྗེ་ཆེ་
D156.058.0241a01.01བས་རིང་བསྲེལ་ཡུངས་འབྲུ་ཙམ་བྱིན་གྱིས་བརླབ་པ་མཛད་ན། རིགས་ཀྱི་བུ་དག་ཁྱེད་དེ་བཞིན་གཤེགས་པའི་སྐུ་མ་གྱེས་ཤིང་གཅིག་ཏུ་མཁྲེགས་པ་ལ་མཆོད་པ་བྱའོ། །ཞེས་དེ་སྐད་ཅེས་ཟེར་བ་ནི་སྐྱེ་བོ་ཕལ་པོ་ཆེའི་དགེ་བའི་ཆོས་ཀྱི་བར་ཆད་བྱེད་པར་འདོད་པ་ཡིན་ནོ། །
D156.058.0241a02.01དེ་ནས་ཀླུ་གཞོན་ནུ་ལྔ་བརྒྱ་པོ་དེ་དག་གིས་ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་སྨྲས་སོ། །བཙུན་པ་འོད་སྲུང་ཁྱོད་དེ་སྐད་མ་གསུང་ཤིག །རང་གི་ཤེས་རབ་དང་། དེ་བཞིན་གཤེགས་པའི་ཤེས་རབ་དང་། ཡེ་ཤེས་མཚུངས་པ་མཉམ་དུ་མ་བསྒྲུན་
D156.058.0241a03.01ཅིག །དེ་བཞིན་གཤེགས་པ་ནི་ཐམས་ཅད་མཁྱེན་པ། ཐམས་ཅད་གཟིགས་པ་སྟེ། བྱིན་གྱི་རླབས་དང་རྫུ་འཕྲུལ་གྱི་རྣམ་པར་འཕྲུལ་པའི་ཡེ་ཤེས་ཀྱི་སྟོབས་ཅན་ཏེ། དེ་བཞེད་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ལྷ་དང་། ཀླུ་དང་།
D156.058.0241a04.01གནོད་སྦྱིན་གྱི་གནས་ཐམས་ཅད་དུ་མ་གྱེས་ཤིང་གཅིག་ཏུ་མཁྲེགས་པའི་སྐུ་བྱིན་གྱིས་རློབ་སྟེ། དེ་དག་ཐམས་ཅད་ཀྱིས་ཀྱང་གཞན་ནི་མ་ཡིན་གྱི། དེ་བཞིན་གཤེགས་པ་ལ་བདག་ཅག་མཆོད་པ་བྱེད་པར་ཤེས་སོ། །བཙུན་པ་འོད་སྲུང་ཆེན་པོ་ཡང་གང་གི་ཚེ་དེ་
D156.058.0241a05.01བཞིན་གཤེགས་པ་ཡོངས་སུ་མྱ་ངན་ལས་འདའ་བ་དེའི་ཚེ་སེམས་ཅན་ཐམས་ཅད་ཀྱི་སེམས་མོས་པས་སྐུ་གདུང་བྱིན་གྱིས་རླབ་བོ། །བཙུན་པ་འོད་སྲུང་ཆེན་པོ་གལ་ཏེ་དེ་བཞིན་གཤེགས་པ་འོག་མིན་གྱི་གནས་སུ་ཡུངས་འབྲུ་ཙམ་གྱི་སྐུ་གདུང་གཅིག་བྱིན་གྱིས་
D156.058.0241a06.01བརླབས་ནས། དེས་འཛམ་བུའི་གླིང་ཐམས་ཅད་དུ་ཁྱབ་པར་སྣང་བ་དེ་ཡང་སངས་རྒྱས་ཀྱི་རྣམ་པར་སྤྲུལ་བའོ། །དེ་ནས་ཚེ་དང་ལྡན་པ་རབ་འབྱོར་གྱིས་ཀླུའི་རྒྱལ་པོའི་བུ་དེ་དག་ལ་འདི་སྐད་ཅེས་སྨྲས་སོ། །རིགས་ཀྱི་བུ་དག་དེ་བཞིན་གཤེགས་པ་ཡོངས་སུ་
D156.058.0241a07.01