完整藏文原文 · 德格版页 当前仅加载第 58 函德格 241b 版页；藏文 NFD、目录标记与异常页序保留在来源切片中，重复版页行以稳定序号区分。
མྱ་ངན་ལས་འདའ་འམ། སྨྲས་པ། བཙུན་པ་རབ་འབྱོར་གང་དག་སྐྱེས་པ་དེ་དག་ཡོངས་སུ་མྱ་ངན་ལས་འདའོ། །སྨྲས་པ། རིགས་ཀྱི་བུ་དག་ཁྱོད་དེ་བཞིན་གཤེགས་པ་སྐྱེས་སོ་སྙམའམ། སྨྲས་པ། དེ་བཞིན་ཉིད་ཇི་ལྟར་བྱུང་བ་དེ་ལྟར་སྐྱེས་སོ། །
D156.058.0241b01.01སྨྲས་པ། གལ་ཏེ་དེ་བཞིན་ཉིད་ཇི་ལྟར་སྐྱེ་བ་དེ་ལྟར་སྐྱེས་ན་དེ་ལ་ནི་ཆོས་གང་གི་སྐྱེ་བ་ཡང་མེད་དོ། །སྨྲས་པ། བཙུན་པ་རབ་འབྱོར་གང་དེ་བཞིན་ཉིད་སྐྱེ་བ་དེ་སངས་རྒྱས་སྐྱེ་བའོ། །སྨྲས་པ། གང་སངས་རྒྱས་སྐྱེ་བ་འདི་འདྲ་ན་ཡོངས་སུ་མྱ་ངན་ལས་
D156.058.0241b02.01འདའ་བ་ཅི་འདྲ། སྨྲས་པ། བཙུན་པ་རབ་འབྱོར་ཇི་ལྟར་སྐྱེ་བ་མེད་པ་དེ་ལྟར་འགག་པ་མེད་དོ། །དེ་ལྟར་ཆོས་ཀྱི་འཁོར་ལོ་བསྐོར་རོ། །དེ་ལྟར་ཡོངས་སུ་མྱ་ངན་ལས་འདའོ། །བཅོམ་ལྡན་འདས་ཀྱིས་གཏམ་འདི་བཀའ་སྩལ་ཅིང་བཤད་པའི་ཚེ་མཚོ་
D156.058.0241b03.01ཆེན་པོ་མ་དྲོས་པ་རིན་པོ་ཆེའི་པད་མ་ཚད་ཤིང་རྟའི་འཁོར་ལོ་ཙམ་དྲི་རབ་ཏུ་ཞིམ་པ་འདབ་མ་བརྒྱ་སྟོང་དུ་མ་དང་ལྡན་པ་རིན་པོ་ཆེའི་དྲ་བས་གཡོགས་པས་གང་བར་གྱུར་ཏོ། །དེ་དག་གི་ནང་ནས་རིན་པོ་ཆེའི་པད་མ་གཅིག་ཤིན་ཏུ་མཛེས་ཤིང་བལྟ་ན་རབ་ཏུ་སྡུག་ལ་
D156.058.0241b04.01མཆོག་ཏུ་འབར་བར་གྱུར་ཏོ། །ཚེ་དང་ལྡན་པ་ཀུན་དགའ་བོས་པད་མ་བཀོད་པ་དེ་དག་མཐོང་ངོ་། །མཐོང་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་སུའི་ལྟས་སྔོན་དུ་བྱུང་བ་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་
D156.058.0241b05.01དགའ་བོ་ཅུང་ཞིག་སྡོད་ཅིག་དང་མཐོང་བར་འགྱུར་རོ་ཞེས་བཅོམ་ལྡན་འདས་ཀྱིས་དེ་སྐད་ཅེས་གསུངས་ནས་རིང་པོར་མ་ལོན་པར་འོག་གི་འཇིག་རྟེན་གྱི་ཁམས་བཅོམ་ལྡན་འདས་རིན་ཆེན་ཏོག་གི་སངས་རྒྱས་ཀྱི་ཞིང་རིན་པོ་ཆེ་བཀོད་པའི་འཇིག་རྟེན་གྱི་ཁམས་ནས་བྱང་ཆུབ་
D156.058.0241b06.01སེམས་དཔའ་དྲུག་ཁྲི་བྱུང་སྟེ། དེ་དག་རིན་པོ་ཆེའི་པད་མ་དེ་དག་ལ་སྐྱིལ་མོ་ཀྲུང་བཅས་ནས་འཁོད་པར་ཀུན་དུ་སྣང་ངོ་། །པད་མ་དེ་ལ་ཡང་འཇམ་དཔལ་གཞོན་ནུར་གྱུར་པ་འདུག་པར་ཀུན་དུ་སྣང་ངོ་། །དེ་ནས་ཐམས་ཅད་དང་ལྡན་པའི་འཁོར་དེ་ངོ་མཚར་དུ་གྱུར་ནས་
D156.058.0241b07.01