完整藏文原文 · 德格版页 当前仅加载第 58 函德格 244a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། རིགས་ཀྱི་བུ་རེ་ཞིག་སྡོད་ལ་ཀླུའི་རྒྱལ་པོ་མ་དྲོས་པའི་སྤོབས་པ་ཇི་ཙམ་པ་དང་། ཆོས་ཉིད་ཚད་མེད་པ་ཡང་ཉོན་ཅིག། །དེ་ནས་ཚེ་དང་ལྡན་པ་འོད་སྲུང་ཆེན་པོས་བྱང་ཆུབ་སེམས་དཔའ་ཤེས་རབ་བརྩེགས་ལ་འདི་སྐད་ཅེས་
D156.058.0244a01.01སྨྲས་སོ། །རིགས་ཀྱི་བུ་དེ་བཞིན་གཤེགས་པ་རིན་ཆེན་ཏོག་དེ་ཅི་འདྲ་བའི་ཆོས་སྟོན། སྨྲས་པ། སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་གཏམ་སྟེ། རོ་གཅིག་པ་དང་། ཚད་མེད་པའི་ཆོས་ལས་བྱུང་བ་དང་། ཕྱིར་མི་ལྡོག་པ་དང་། སངས་
D156.058.0244a02.01རྒྱས་ཉིད་དུ་འགྱུར་བ་དང་། གཞན་ལ་མོས་པ་མ་ཡིན་པ་དང་། ཐམས་ཅད་མཁྱེན་པའི་ཡེ་ཤེས་སུ་ཡང་དག་པར་འདུ་བའོ། །འཇིགས་པ་མེད་པ་མ་ཡིན་པའི་སེམས་ཅན་རྣམས་ནི་དེར་མི་སྐྱེ་སྟེ། བཅོམ་ལྡན་འདས་དེའི་ཆོས་བསྟན་པ་ནི་དེ་འདྲའོ། །
D156.058.0244a03.01དེ་ནས་ཀླུའི་རྒྱལ་པོ་མ་དྲོས་པས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ཁྱོད་དེ་བཞིན་གཤེགས་པ་གང་ལ་བལྟ་བར་འདོད་དེ་འདིར་འོངས། ཅི་གཟུགས་དེ་བཞིན་གཤེགས་པར་བལྟའམ། སྨྲས་པ། དེ་ནི་མ་ཡིན་ནོ། །
D156.058.0244a04.01སྨྲས་པ། ཅི་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་དེ་བཞིན་གཤེགས་པར་བལྟའམ། སྨྲས་པ། དེ་ནི་མ་ཡིན་ནོ། །སྨྲས་པ། ཅི་གཟུགས་ཀྱི་མི་རྟག་པ་དེ་བཞིན་གཤེགས་པར་བལྟའམ། སྨྲས་པ། དེ་ནི་མ་ཡིན་ནོ། །
D156.058.0244a05.01སྨྲས་པ། ཅི་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པའི་མི་རྟག་པ་དེ་བཞིན་གཤེགས་པར་བལྟའམ། སྨྲས་པ། དེ་ནི་མ་ཡིན་ནོ། །སྨྲས་པ། ཅི་གཟུགས་ཀྱི་སྡུག་བསྔལ་བ་དང་། བདག་མེད་པ་དང་། ཞི་བ་དང་། སྟོང་
D156.058.0244a06.01པ་དང་། མཚན་མ་མེད་པ་དང་། སྨོན་པ་མེད་པ་དང་། མངོན་པར་འདུ་མི་བྱེད་པ་དེ་བཞིན་གཤེགས་པར་བལྟའམ། སྨྲས་པ། དེ་ནི་མ་ཡིན་ནོ། །སྨྲས་པ། ཅི་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པའི་སྡུག་བསྔལ་བ་དང་།
D156.058.0244a07.01