完整藏文原文 · 德格版页 当前仅加载第 58 函德格 210b 版页；藏文 NFD、目录标记与异常页序保留在来源切片中，重复版页行以稳定序号区分。
གནས་ནི་གཉིས་པོ་དེ་དག་གོ། །ཀླུའི་བདག་པོ་གཞན་ཡང་ཐམས་ཅད་མཁྱེན་པའི་སེམས་དེའི་ཆུད་མི་ཟ་བ་གཉིས་ཏེ། གཉིས་གང་ཞེ་ན། སེམས་ཅན་ཐམས་ཅད་ལ་ཞེ་སྡང་བ་མེད་པའི་སེམས་དང་། ལོག་པར་ཞུགས་པ་རྣམས་ལ་ཆེར་སྙིང་རྗེ་བ་སྟེ། གཉིས་པོ་དེ་དག་
D156.058.0210b01.01གོ། །ཀླུའི་བདག་པོ་གཞན་ཡང་ཐམས་ཅད་མཁྱེན་པའི་སེམས་དེའི་ཟུང་དུ་འབྲེལ་བའི་ཆོས་གཉིས་ཏེ། དེ་གཉིས་དང་འབྲེལ་ན་ཐམས་ཅད་མཁྱེན་པའི་སེམས་དེས་ཉན་ཐོས་དང་། རང་སངས་རྒྱས་ཐམས་ཅད་ཟིལ་གྱིས་ནོན་པར་འགྱུར་ཏེ། གཉིས་གང་ཞེ་ན། ཐབས་དང་།
D156.058.0210b02.01ཤེས་རབ་སྟེ། གཉིས་པོ་དེ་དག་གོ། །ཀླུའི་བདག་པོ་གཞན་ཡང་ཐམས་ཅད་མཁྱེན་པའི་སེམས་དེའི་རྟོན་པ་གཉིས་ཏེ། གཉིས་གང་ཞེ་ན། སྒྲུབ་པ་རྣམས་ལ་འགྱོད་པ་མེད་པ་དང་། འགྱུར་བ་ལ་ཡིད་མི་ཆེས་པ་སྟེ། གཉིས་པོ་དེ་དག་གོ། །ཀླུའི་བདག་པོ་གཞན་ཡང་
D156.058.0210b03.01ཐམས་ཅད་མཁྱེན་པའི་སེམས་དེའི་ཡི་གེ་གཉིས་ཏེ། གཉིས་གང་ཞེ་ན། ཉན་ཐོས་དང་རང་སངས་རྒྱས་ཀྱི་ཐེག་པ་ལ་འདོད་པ་མེད་པ་དང་། ཐེག་པ་ཆེན་པོ་ལ་ཕན་ཡོན་དུ་མཐོང་བ་སྟེ། གཉིས་པོ་དེ་དག་གོ། །ཀླུའི་བདག་པོ་གཞན་ཡང་ཐམས་ཅད་མཁྱེན་པའི་སེམས་དེའི་
D156.058.0210b04.01རྒྱུན་ཆད་པ་གཉིས་ཏེ། གཉིས་གང་ཞེ་ན། སྒྱུ་དང་གཡོའི་རྒྱུན་ཆད་པ་དང་། མི་དྲང་བའི་རྒྱུན་ཆད་པ་སྟེ། རྒྱུན་ཆད་པ་གཉིས་པོ་དེ་དག་གོ། །ཀླུའི་བདག་པོ་གཞན་ཡང་ཐམས་ཅད་མཁྱེན་པའི་སེམས་དེའི་རྒྱུན་མི་ཆད་པ་གཉིས་ཏེ། གཉིས་གང་ཞེ་ན། དྲན་པ་དང་།
D156.058.0210b05.01སྒྱུ་མེད་པས་རྒྱུན་མི་ཆད་པ་སྟེ། རྒྱུན་མི་ཆད་པ་གཉིས་པོ་དེ་དག་གོ། །ཀླུའི་བདག་པོ་གཞན་ཡང་ཐམས་ཅད་མཁྱེན་པའི་སེམས་དེའི་སྒྲིབ་པ་གསུམ་སྟེ། གསུམ་གང་ཞེ་ན། ལུས་ཀྱིས་ཉེས་པར་སྤྱོད་པ་དང་། ངག་གིས་ཉེས་པར་སྤྱོད་པ་དང་། ཡིད་ཀྱིས་ཉེས་པར་
D156.058.0210b06.01སྤྱོད་པ་སྟེ། གསུམ་པོ་དེ་དག་གོ། །ཀླུའི་བདག་པོ་གཞན་ཡང་ཐམས་ཅད་མཁྱེན་པའི་སེམས་དེའི་སྒྲིབ་པ་མེད་པ་གསུམ་སྟེ། གསུམ་གང་ཞེ་ན། ལུས་ཀྱིས་ལེགས་པར་སྤྱོད་པ་དང་། ངག་གིས་ལེགས་པར་སྤྱོད་པ་དང་། ཡིད་ཀྱིས་ལེགས་པར་སྤྱོད་པ་སྟེ། སྒྲིབ་
D156.058.0210b07.01