完整藏文原文 · 德格版页 当前仅加载第 58 函德格 212a 版页；藏文 NFD、目录标记与异常页序保留在来源切片中，重复版页行以稳定序号区分。
ལྔ་དང་། སྡོང་པོ་ལྔ་དང་། ཡལ་ག་ལྔ་དང་། ལོ་མ་ལྔ་དང་། མེ་ཏོག་ལྔ་དང་། འབྲས་བུ་ལྔའོ། །དེ་ལ་དེའི་སྣང་བ་ལྔ་གང་ཞེ་ན། ཉོན་མོངས་པ་དང་བྲལ་བའི་སྣང་བ་དང་། རང་གི་སེམས་ངེས་པར་སེམས་པའི་སྣང་བ་དང་། ཤེས་རབ་ཀྱི་སྣང་བ་དང་།
D156.058.0212a01.01མིག་ལྔའི་སྣང་བ་དང་། ཐམས་ཅད་མཁྱེན་པའི་ཡེ་ཤེས་ཀྱི་སྣང་བ་སྟེ། སྣང་བ་ལྔ་པོ་དེ་དག་གོ། །དེ་ལ་ས་བོན་ལྔ་གང་ཞེ་ན། བསམ་པ་དང་། ལྷག་པའི་བསམ་པ་དང་། སེམས་ཅན་ལ་ལྟ་བ་དང་། མོས་པ་དང་། རྒྱ་ཆེན་པོ་ལ་མོས་པ་སྟེ། ས་བོན་ལྔ་པོ་དེ་དག་གོ །
D156.058.0212a02.01དེ་ལ་རྩ་བ་ལྔ་གང་ཞེ་ན། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། དགེ་བའི་རྩ་བས་མི་ངོམས་ཤིང་དགེ་བའི་རྩ་བ་ཐམས་ཅད་ཡོངས་སུ་སྔོ་བ་དང་། ཉེས་པ་བརྟུལ་བས་འཆགས་པ་དང་། ཐེག་པ་གཞན་མི་འདོད་པ་སྟེ། རྩ་བ་ལྔ་པོ་དེ་དག་གོ། །དེ་ལ་སྡོང་
D156.058.0212a03.01པོ་ལྔ་གང་ཞེ་ན། ཐབས་ལ་མཁས་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དང་། སེམས་ཅན་ཡོངས་སུ་སྨིན་པར་བྱེད་པ་དང་། དམ་པའི་ཆོས་ཡོངས་སུ་འཛིན་པ་དང་། རྗེས་སུ་ཆགས་པ་དང་། ཁོང་ཁྲོ་བ་དང་བྲལ་བས་བཏང་སྙོམས་པ་སྟེ་སྡོང་པོ་ལྔ་པོ་དེ་
D156.058.0212a04.01དག་གོ། །དེ་ལ་ཡལ་ག་ལྔ་གང་ཞེ་ན། སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་ཏེ། ཡལ་ག་ལྔ་པོ་དེ་དག་གོ། །དེ་ལ་ལོ་མ་ལྔ་གང་ཞེ་ན། ཚུལ་ཁྲིམས་དང་། ཐོས་པ་དང་། ཁྱིམ་ནས་འབྱུང་བ་དང་
D156.058.0212a05.01དགོན་པ་ལ་གནས་པ་དང་། འཕགས་པའི་རིགས་ཆོག་ཤེས་པ་སྟེ། ལོ་མ་ལྔ་པོ་དེ་དག་གོ། །དེ་ལ་མེ་ཏོག་ལྔ་གང་ཞེ་ན། བསོད་ནམས་བསགས་པས་མཚན་ཕུན་སུམ་ཚོགས་པ་དང་། སྦྱིན་པ་སྣ་ཚོགས་བསགས་པས་དཔེ་བྱད་བཟང་པོ་ཕུན་སུམ་ཚོགས་པ་
D156.058.0212a06.01དང་། སེམས་ངེས་པར་སེམས་པས་བྱང་ཆུབ་ཀྱི་ཡན་ལག་ཕུན་སུམ་ཚོགས་པ་དང་། ཆོས་རྣམ་པར་འགྲེལ་པས་སྤོབས་པ་ཕུན་སུམ་ཚོགས་པ་དང་། གཟུངས་རབ་ཏུ་ཐོབ་པས་བརྗེད་ངས་པ་མེད་པ་ཕུན་སུམ་ཚོགས་པ་སྟེ། མེ་ཏོག་ལྔ་པོ་དེ་དག་གོ། །དེ་ལ་འབྲས་
D156.058.0212a07.01