完整藏文原文 · 德格版页 当前仅加载第 58 函德格 216b 版页；藏文 NFD、目录标记与异常页序保留在来源切片中，重复版页行以稳定序号区分。
སོའི་སྐྱེ་བོ་རྣམས་ནི་ཀུན་ནས་ཉོན་མོངས་པར་འགྱུར། ལེགས་པར་ཐོས་པ་དང་། ཉེས་པར་ཐོས་པ་རྣམས་ལ་རྗེས་སུ་ཆགས་པ་དང་། ཁོང་ཁྲོ་བར་འགྱུར་རོ། །ཡང་དག་པར་ངག་ཐམས་ཅད་ནི་འདོད་ཆགས་དང་བྲལ་བ། ཞེ་སྡང་དང་བྲལ་བ། གཏི་མུག་དང་བྲལ་བ་སྟེ། དེ་
D156.058.0216b01.01དག་ལ་འདོད་ཆགས་དང་། ཞེ་སྡང་དང་། རྨོངས་པའི་ཡི་གེ་རྣམས་མི་འབྱུང་བས་དེའི་ཕྱིར་ངག་ཐམས་ཅད་རྣམ་པར་དག་པ་ཞེས་བྱའོ། །ངག་ནི་གསོག་སྟེ། གསོག་ལ་ནི་འདོད་ཆགས་དང་། ཞེ་སྡང་དང་། གཏི་མུག་གི་ཉོན་མོངས་པ་རྣམས་ཀྱིས་ཉོན་མོངས་པར་འགྱུར་བ་
D156.058.0216b02.01མེད་དོ། །ངག་ནི་གཟུང་བ་མ་ཡིན་པ་སྟེ། མིག་གིས་གཟུང་བར་བྱ་བ་མ་ཡིན་པ་ནས་ཡིད་ཀྱི་བར་གྱིས་གཟུང་བར་བྱ་བ་མ་ཡིན་པའོ། །ངག་ནི་རླུང་དང་འདྲ་སྟེ། རླུང་གིས་འགྱུར་བའི་ཚོགས་པ་མེད་པར་མི་འབྱུང་ངོ་། །ངག་ནི་བྲག་ཅ་དང་འདྲ་སྟེ། གང་འཕགས་པ་
D156.058.0216b03.01རྣམས་དང་། གང་འཕགས་པ་མ་ཡིན་པ་རྣམས་ཀྱི་ངག་ནི་ནང་ན་ཡང་མི་གནས་ཕྱི་རོལ་དུ་ཡང་མ་ཡིན། གཉིག་མེད་པར་ཡང་མི་དམིགས་ཏེ། རྣམ་པར་རྟོག་པ་དང་། རྣམ་པར་དཔྱོད་པ་གང་དག་གིས་ངག་འབྱུང་བའི་རྣམ་པར་རྟོག་པ་དང་། རྣམ་པར་དཔྱོད་པ་དེ་དག་
D156.058.0216b04.01ཀྱང་མི་གནས་པ། གནས་པ་མེད་པ། རྣམ་པར་རིག་པ་མེད་པའོ། །ཀླུའི་བདག་པོ་དེ་ལྟ་བས་ན། དེ་བཞིན་གཤེགས་པའི་གསུང་འབྱུང་བ་གང་ཡིན་པ་དང་། གཞན་སེམས་ཅན་རྣམས་ཀྱི་ངག་གང་ཡིན་པ་དེ་ཐམས་ཅད་ཀྱང་མེད་པ། གསོག །{བརྫུན་,རྫུན་}པ། སླུ་བའི་
D156.058.0216b05.01ཆོས་ཅན་ནོ། །གསོལ་པ། བཅོམ་ལྡན་འདས་དེ་བཞིན་གཤེགས་པ་ཡང་དག་པར་གསུང་བ་མ་ལགས་སམ། བཀའ་སྩལ་པ། ཀླུའི་བདག་པོ་དེ་དེ་བཞིན་ཏེ། དེ་བཞིན་གཤེགས་པ་ནི་ཡང་དག་པར་གསུང་བའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པས་
D156.058.0216b06.01འདུས་བྱས་ཐམས་ཅད་ནི་མ་བྱུང་བར་མཁྱེན་ཏེ། ཇི་ལྟར་མཁྱེན་པ་དེ་བཞིན་དུ་དེ་སྟོན་ཏོ། །དོན་འདིས་ན་དེ་བཞིན་གཤེགས་པ་ཡང་དག་པ་གསུང་བའོ། །ཀླུའི་བདག་པོ་དེ་བཞིན་གཤེགས་པའི་གསུང་ཡི་གེ་ལ་དཔྱོད་པ་གང་ཡིན་པའི་ཡི་གེ་དེ་དག་ལ་སེམས་ཅན་ཐམས་
D156.058.0216b07.01