完整藏文原文 · 德格版页 当前仅加载第 58 函德格 209a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་པས་བསྡུས་པ་ཡིན། ཕྱིར་བྱ་བའི་རེ་བ་མེད་པས་བསྡུས་པ་ཡིན། ངོ་ཚ་ཤེས་པས་བསྡུས་པ་ཡིན། ཁྲེལ་ཡོད་པས་བསྡུས་པ་ཡིན། མཆོག་ཏུ་དགའ་བས་བསྡུས་པ་ཡིན། དད་པས་བསྡུས་པ་ཡིན། བརྩོན་འགྲུས་ཀྱིས་བསྡུས་པ་ཡིན། དྲན་པས་བསྡུས་པ་ཡིན། ཏིང་ངེ་འཛིན་གྱིས་བསྡུས་པ་ཡིན། ཤེས་
D156.058.0209a01.01རབ་ཀྱིས་བསྡུས་པ་ཡིན། དགེ་བའི་རྩ་བ་ཐམས་ཅད་ཀྱིས་བསྡུས་པ་ཡིན། ཐེག་པ་དམན་པ་ལ་འདོད་པ་མེད་པས་བསྡུས་པ་ཡིན། རྒྱ་ཆེན་པོ་ལ་མོས་པས་བསྡུས་པ་ཡིན། སེམས་ཅན་ལ་ལྟ་བས་བསྡུས་པ་ཡིན། སངས་རྒྱས་དང་། ཆོས་དང་། དགེ་འདུན་
D156.058.0209a02.01གྱི་རིགས་མི་གཅོད་པས་བསྡུས་པ་ཡིན་ཏེ། ཀླུའི་བདག་པོ་ཐམས་ཅད་མཁྱེན་པའི་སེམས་དེ་རྣམ་པ་སུམ་ཅུ་རྩ་གཉིས་པོ་དེ་དག་གིས་བསྡུས་ན་རྣམ་པའི་མཆོག་ཐམས་ཅད་དང་ལྡན་པའི་སངས་རྒྱས་ཀྱི་ཆོས་རྣམས་ཡོངས་སུ་འཛིན་ཏོ། །ཀླུའི་བདག་པོ་གཞན་ཡང་ཐམས་
D156.058.0209a03.01ཅད་མཁྱེན་པའི་སེམས་དེ་ཚོགས་བསགས་པ་རྣམ་པ་བཅུ་དྲུག་གིས་ཐམས་ཅད་མཁྱེན་པའི་ཡེ་ཤེས་ཀྱི་རྗེས་སུ་འགྲོ་བར་འགྱུར་ཏེ། བཅུ་དྲུག་གང་ཞེ་ན། འདི་ལྟ་སྟེ། ཚུལ་ཁྲིམས་ཀྱི་ཚོགས་བསགས་པ་ཡིན། ཐོས་པའི་ཚོགས་བསགས་པ་ཡིན། ཤེས་རབ་
D156.058.0209a04.01ཀྱི་ཚོགས་བསགས་པ་ཡིན། དེ་བཞིན་གཤེགས་པ་ལ་མཆོད་པ་དང་། རིམ་གྲོ་བྱ་བའི་ཚོགས་བསགས་པ་ཡིན། དགོན་པ་ལ་གནས་པའི་ཚོགས་བསགས་པ་ཡིན། ཇི་ལྟར་ཐོས་པའི་ཆོས་སྟོན་པའི་ཚོགས་བསགས་པ་ཡིན། ཚངས་པའི་གནས་པ་བཞིའི་
D156.058.0209a05.01ཚོགས་བསགས་པ་ཡིན། དགའ་བར་འགྱུར་བའི་ཆོས་ཀྱི་ཚོགས་བསགས་པ་ཡིན། དགེ་བ་བཅུའི་ལས་ཀྱི་ལམ་གྱི་ཚོགས་བསགས་པ་ཡིན། ལུས་དང་ངག་དང་སེམས་ཀྱི་རྒྱན་གྱི་ཚོགས་བསགས་པ་ཡིན། སྦྱངས་པའི་ཡོན་ཏན་དང་ཡོ་བྱད་བསྙུངས་པའི་ཚོགས་
D156.058.0209a06.01བསགས་པ་ཡིན། འདོད་པ་ཆུང་བ་དང་། ཆོག་ཤེས་པ་དང་རབ་ཏུ་དབེན་པའི་ཚོགས་བསགས་པ་ཡིན། ཕུང་པོ་གསུམ་པའི་ཆོས་ཀྱི་རྣམ་གྲངས་ཀྱི་ཡོངས་སུ་བསྔོ་བའི་ཚོགས་བསགས་པ་ཡིན། ཞི་གནས་ཀྱི་ཚོགས་བསགས་པ་ཡིན། ལྷག་མཐོང་གི་ཚོགས་བསགས་
D156.058.0209a07.01