完整藏文原文 · 德格版页 当前仅加载第 58 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་གནང་ངོ་། །དེ་ལ་ཁྱེད་ཐམས་ཅད་ལྷན་ཅིག་འདུས་ལ་ཀླུའི་རྩེ་བ་དང་། ཀླུའི་དགའ་བ་དང་། ཀླུའི་དབྱིབས་སྤོངས་ཤིག །འདོད་པ་ལ་རྩེ་བ་དང་། གཟུགས་དང་། སྒྲ་དང་། དྲི་དང་། རོ་དང་། རེག་པ་ལ་མངོན་པར་ཆགས་པ་སྤོངས་ལ་དེ་
D156.058.0221a01.01བཞིན་གཤེགས་པ་མཆོད་པ་ལ་རབ་ཏུ་འདུན་པར་བྱའོ། །དྲན་པ་དང་། ཤེས་བཞིན་དང་། བག་ཡོད་པ་ལ་གནས་པར་གྱིས་ལ་བཅོམ་ལྡན་འདས་ལ་བསྙེན་བཀུར་གྱིས་ཤིག །དེ་ཅིའི་ཕྱིར་ཞེ་ན། བཅོམ་ལྡན་འདས་དེ་ནི་བག་མངའ་བའོ། །འཁོར་ཀྱང་
D156.058.0221a02.01བག་ཡོད་པའོ། །ཅང་མཁྱེན་པའོ། །འཁོར་ཀྱང་ཅང་ཤེས་པའོ། །ཞི་བའོ། །འཁོར་ཀྱང་ཞི་བའོ། །དུལ་བའོ། །འཁོར་ཀྱང་དུལ་བའོ། །དེ་ལ་ཁྱེད་ཟླ་བ་ཕྱེད་ཀྱི་བར་དུ་ཆུང་མའི་འཁོར་གྱི་ནང་དུ་མ་འཇུག་ཤིག་འདོད་པའི་རྣམ་པར་རྟོག་པ་མི་སྐྱེད་ཅིང་རྣམ་པར་རྟོག་
D156.058.0221a03.01པར་མི་བྱའོ། །གནོད་སེམས་ཀྱི་རྣམ་པར་རྟོག་པ་མི་སྐྱེད་ཅིང་རྣམ་པར་རྟོག་པར་མི་བྱའོ། །འཚེ་བའི་རྣམ་པར་རྟོག་པ་མི་སྐྱེད་ཅིང་རྣམ་པར་རྟོག་པར་མི་བྱའོ། །གཞན་ཡང་བཅོམ་ལྡན་འདས་ལ་ཆོས་ཉན་པ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་
D156.058.0221a04.01དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་དག་ཀྱང་འོང་གིས། དེ་ལ་ཁྱེད་ཀྱིས་ཇི་ལྟར་ཁོ་བོ་སྨ་བབ་པར་མི་འགྱུར་བ་དེ་ལྟ་བུའི་གནས་དང་བཀོད་པ་སྟོན་ཅིག །དེ་ལྟར་བཅོམ་ལྡན་འདས་ལ་མཆོད་པ་བྱས་ན་འཁོར་ཡི་
D156.058.0221a05.01རངས་པར་འགྱུར་རོ། །དེ་ནས་ཀླུའི་རྒྱལ་པོ་མ་དྲོས་པས་ནང་མི་རྣམས་ལ་བསྒོ་ནས་བཅོམ་ལྡན་འདས་ལ་མཆོད་པའི་ལས་ཀྱི་ཕྱིར་གངས་ཀྱི་རིའི་རྒྱལ་པོ་དང་མཚོ་ཆེན་པོ་མ་དྲོས་པ་གཉིས་ཀྱི་བར་དུ་འཁོར་གྱི་ཁྱམས་མཐའ་དཔག་ཚད་བདུན་བརྒྱ་པ་བཻ་དཱུརྱ་སྔོན་པོ་དག་པ་དང་།
D156.058.0221a06.01འཛམ་བུ་ཆུ་ཀླུང་གི་གསེར་གྱིས་སྤྲས་པ་རྡོ་རྗེ་སྣ་ཚོགས་རྣམ་པར་བཀྲ་བ་མངོན་པར་སྤྲུལ་ཏོ། །འཁོར་གྱི་ཁྱམས་དེར་རིན་པོ་ཆེའི་ཤིང་ལྗོན་པ་བརྒྱད་ཁྲི་བཞི་སྟོང་རིན་པོ་ཆེ་ཐམས་ཅད་ཀྱིས་ལེགས་པར་བརྒྱན་པ། མེ་ཏོག་དང་། འབྲས་བུ་ཐམས་ཅད་དང་ལྡན་པ་དག་སྤྲུལ་ཏོ། །
D156.058.0221a07.01