完整藏文原文 · 德格版页 当前仅加载第 58 函德格 217b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེ་སྟེ། གཟུགས་ན་སྤྱོད་པའི་ཚངས་པ་རབ་ཏུ་ཞི་བའི་སྤྱོད་ལམ་ཅན་རྣམས་དང་ལྷན་ཅིག་གནས་ཤིང་འདུག་ཀྱང་དེ་དག་གི་ཟིལ་གྱིས་གནོན་མི་ནུས་ཀྱི། བྱང་ཆུབ་སེམས་དཔའ་དེ་ཉིད་ཀྱིས་ལྷ་དེ་དག་ཟིལ་གྱིས་གནོན་ཏོ། །དེ་ལྟར་སེམས་ཡོངས་སུ་དག་པ་དེ་གཟུགས་ཀྱི་
D156.058.0217b01.01ཁམས་སུ་སྐྱེས་ལ་འདོད་པའི་ཁམས་ཀྱི་སེམས་ཅན་རྣམས་དང་ལྷན་ཅིག་ཏུ་གནས་ཤིང་འདུག་ཀྱང་ཡོངས་སུ་སྐྱོ་བ་མི་སྐྱེད་ཅིང་བདག་བརྗོད་པས་སེམས་ཅན་དེ་དག་ལ་བརྙས་པའི་སེམས་མི་སྐྱེད་དོ། །དེ་ལྟར་སེམས་ཡོངས་སུ་དག་པ་དེ་ཏིང་ངེ་འཛིན་དང་སྙོམས་པར་འཇུག་པ་
D156.058.0217b02.01ཐམས་ཅད་ལ་སྙོམས་པར་ཞུགས་ཀྱང་དེ་ཏིང་ངེ་འཛིན་དང་སྙོམས་པར་འཇུག་པ་དེ་དག་གི་དབང་གིས་མི་སྐྱེའོ། །དེ་ཅིའི་ཕྱིར་ཞེ་ན། ཀླུའི་བདག་པོ་འདི་ལྟར་བྱང་ཆུབ་སེམས་དཔར་དེའི་སེམས་ངེས་པར་སེམས་པ་ཐབས་མཁས་པས་མངོན་པར་སྒྲུབ་པའི་ཕྱིར་རོ། །ཀླུའི་བདག་པོ་དེ་
D156.058.0217b03.01ལྟར་བྱང་ཆུབ་སེམས་དཔའ་རྣམ་པར་དག་པའི་ལམ་འདི་ལ་སྒོམ་པ་རྣམ་པར་དག་པའི་སྤྱོད་པ་ལ་མཁས་པ་ཡིན་ནོ། །ཀླུའི་བདག་པོ་དངོས་པོ་སྒོམ་པས་ལམ་སྒོམ་པ་མ་ཡིན། དངོས་པོ་རྣམ་པར་འཇིག་པས་ལམ་སྒོམ་པ་མ་ཡིན། དངོས་
D156.058.0217b04.01པོ་ཁས་ལེན་པ་མ་ཡིན། དངོས་པོ་ཁས་མི་ལེན་པས་ལམ་སྒོམ་པ་མ་ཡིན། དངོས་པོ་སྲིད་པས་མ་ཡིན། དངོས་པོ་མི་སྲིད་པས་ལམ་སྒོམ་པ་མ་ཡིན། དངོས་པོ་སྐྱེ་བས་མ་ཡིན། དངོས་པོ་འགག་པས་ལམ་སྒོམ་པ་མ་ཡིན། དངོས་པོ་འཛིན་པས་མ་ཡིན། དངོས་པོ་འདོར་བས་ལམ་སྒོམ་པ་མ་ཡིན།
D156.058.0217b05.01བདག་ཏུ་མ་ཡིན། བདག་མེད་པར་མ་ཡིན། སེམས་ཅན་དུ་མ་ཡིན། སྲོག་ཏུ་མ་ཡིན། གསོ་བར་མ་ཡིན། སྐྱེས་བུར་མ་ཡིན། གང་ཟག་ཏུ་མ་ཡིན། ཤེད་ལས་སྐྱེས་སུ་མ་ཡིན། ཤེད་བུ་སྒོམ་པས་ལམ་སྒོམ་པ་མ་ཡིན། ཕུང་པོ་མི་རྟག་པར་སྒོམ་པས་
D156.058.0217b06.01ལམ་སྒོམ་པ་མ་ཡིན། ཕུང་པོ་སྡུག་བསྔལ་བར་སྒོམ་པས་མ་ཡིན། ཕུང་པོ་བདག་མེད་པར་སྒོམ་པས་མ་ཡིན། ཕུང་པོ་ཞི་བར་སྒོམ་པས་མ་ཡིན། ཕུང་པོ་འདོད་ཆགས་དང་བྲལ་བར་སྒོམ་པས་ལམ་སྒོམ་པ་མ་ཡིན། ཕུང་པོ་སྒྱུ་མ་ལྟ་བུར་སྒོམ་པས་ལམ་སྒོམ་
D156.058.0217b07.01