完整藏文原文 · 德格版页 当前仅加载第 58 函德格 211b 版页；藏文 NFD、目录标记与异常页序保留在来源切片中，重复版页行以稳定序号区分。
གྲོལ་བའི་ཡེ་ཤེས་ཁྱད་པར་དུ་འཕགས་པ་དང་། ཆོས་ཐམས་ཅད་བདག་མེད་པར་ཤེས་པས་ཁྱད་པར་དུ་འཕགས་པ་དང་། སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་ཤེས་པས་ཁྱད་པར་དུ་འཕགས་པ་དང་། བག་ཆགས་ཀྱི་མཚམས་སྦྱོར་བ་ཡང་དག་པར་འཇོམས་
D156.058.0211b01.01པ་ཤེས་པས་ཁྱད་པར་དུ་འཕགས་པ་སྟེ། ཁྱད་པར་དུ་འཕགས་པ་ལྔ་པོ་དེ་དག་གོ། །ཀླུའི་བདག་པོ་གཞན་ཡང་ཐམས་ཅད་མཁྱེན་པའི་སེམས་དེའི་མཆོག་ཏུ་དགའ་བ་ལྔ་སྟེ། ལྔ་གང་ཞེ་ན། ངན་འགྲོ་ལས་ཤིན་ཏུ་འདས་པས་མཆོག་ཏུ་དགའ་བ་དང་། ཐམས་ཅད་
D156.058.0211b02.01མཁྱེན་པ་དང་ཉེ་བར་གྱུར་པས་མཆོག་ཏུ་དགའ་བ་དང་། སངས་རྒྱས་ཀྱི་ཡེ་ཤེས་ཡང་དག་པར་མཐོང་བ་ཡོངས་སུ་རྫོགས་པས་མཆོག་ཏུ་དགའ་བ་དང་། ཚུལ་ཁྲིམས་ལ་ནན་ཏན་བྱེད་པ་ལ་འགྱོད་པ་མེད་པས་མཆོག་ཏུ་དགའ་བ་དང་། སེམས་ཅན་གྱི་དོན་བྱ་བ་མྱོང་བས་
D156.058.0211b03.01མཆོག་ཏུ་དགའ་བ་སྟེ། མཆོག་ཏུ་དགའ་བ་ལྔ་པོ་དེ་དག་གོ། །ཀླུའི་བདག་པོ་གཞན་ཡང་ཐམས་ཅད་མཁྱེན་པའི་སེམས་དེའི་སྟོབས་ལྔ་སྟེ། ལྔ་གང་ཞེ་ན། ང་རྒྱལ་བཅོམ་པས་ཡེ་ཤེས་ཀྱི་སྟོབས་དང་། ཐོས་པ་དང་མ་བྲལ་བས་ཤེས་རབ་ཀྱི་སྟོབས་དང་།
D156.058.0211b04.01ཁོང་ཁྲོ་བ་མེད་པས་བྱམས་པའི་སྟོབས་དང་། མཚན་ཡོངས་སུ་རྫོགས་པས་བཟོད་པའི་སྟོབས་དང་། འཁོར་དུ་བག་ཚ་བ་དང་། འཇིགས་པ་དང་བྲལ་བས་མི་འཇིགས་པའི་སྟོབས་ཏེ། སྟོབས་ལྔ་པོ་དེ་དག་གོ། །ཀླུའི་བདག་པོ་གཞན་ཡང་ཐམས་ཅད་མཁྱེན་པའི་
D156.058.0211b05.01སེམས་དེའི་རིགས་པ་གང་གིས་རིགས་པ་མ་ཡིན་པར་མི་ལྟུང་བའི་རིགས་པ་ལྔ་སྟེ། ལྔ་གང་ཞེ་ན། ལས་ཀྱི་རྣམ་པར་སྨིན་པ་ལ་ཡིད་ཆེས་པའི་རིགས་པ་དང་། རྟེན་ཅིང་འབྲེལ་པར་འབྱུང་བ་དང་མི་འགལ་བའི་རིགས་པ་དང་། དུས་དང་དུས་མ་ཡིན་པ་ལ་སོ་སོར་
D156.058.0211b06.01རྟོག་པའི་རིགས་པ་དང་། ཡང་དག་པར་སྦྱོར་བའི་རིགས་པ་དང་། དགེ་བའི་ཆོས་ཐམས་ཅད་སྒྲུབ་པའི་རིགས་པ་སྟེ། རིགས་པ་ལྔ་པོ་དེ་དག་གོ། །ཀླུའི་བདག་པོ་གཞན་ཡང་ཐམས་ཅད་མཁྱེན་པའི་སེམས་ཀྱི་ཤིང་ལྗོན་པ་དེའི་སྣང་བ་ལྔ་དང་། ས་བོན་ལྔ་དང་། རྩ་བ་
D156.058.0211b07.01