完整藏文原文 · 德格版页 当前仅加载第 58 函德格 244b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་མེད་པ་དང་། ཞི་བ་དང་། སྟོང་པ་དང་། མཚན་མ་མེད་པ་དང་། སྨོན་པ་མེད་པ་དང་། མངོན་པར་འདུ་མི་བྱེད་པ་དེ་བཞིན་གཤེགས་པར་བལྟའམ། སྨྲས་པ། དེ་ནི་མ་ཡིན་ནོ། །སྨྲས་པ། ཅི་གཟུགས་ཀྱི་མཚན་ཉིད་དེ་བཞིན་གཤེགས་པར་བལྟའམ།
D156.058.0244b01.01རྣམ་པར་ཤེས་པའི་མཚན་ཉིད་ཀྱི་བར་དུ་དེ་བཞིན་གཤེགས་པར་བལྟའམ། སྨྲས་པ། དེ་ནི་མ་ཡིན་ནོ། །སྨྲས་པ། ཅི་ཤའི་མིག་གིས་དེ་བཞིན་གཤེགས་པར་བལྟའམ། སྨྲས་པ། དེ་ནི་མ་ཡིན་ནོ། །སྨྲས་པ། ཅི་ལྷའི་མིག་གིས་དེ་བཞིན་གཤེགས་པར་
D156.058.0244b02.01བལྟའམ། སྨྲས་པ། དེ་ནི་མ་ཡིན་ནོ། །སྨྲས་པ། ཅི་ཤེས་རབ་ཀྱི་མིག་གིས་དེ་བཞིན་གཤེགས་པར་བལྟའམ། སྨྲས་པ། དེ་ནི་མ་ཡིན་ནོ། །སྨྲས་པ། འཇམ་དཔལ་དེ་བཞིན་གཤེགས་པ་ལ་བལྟ་བ་ཇི་ལྟ་བུ་ཡིན། འཇམ་དཔལ་གྱིས་སྨྲས་པ། ཀླུའི་
D156.058.0244b03.01བདག་པོ་དེ་བཞིན་གཤེགས་པ་ཅི་འདྲ་བ་དེ་འདྲ་བར་དེ་ལ་བལྟའོ། །སྨྲས་པ། འཇམ་དཔལ་དེ་བཞིན་གཤེགས་པ་ཅི་འདྲ། སྨྲས་པ། ཀླུའི་བདག་པོ་དེ་བཞིན་གཤེགས་པ་ནི་མི་མཉམ་པ་དང་མཉམ་པ། མཚུངས་པ་མེད་པ། རབ་ཏུ་འདྲ་བ་མེད་པའོ། །མི་མཉམ་པ་
D156.058.0244b04.01ཞེས་བྱ་བ་ནི། དེ་ལ་གཉེན་པོ་མེད་པའོ། །མི་མཉམ་པ་དང་མཉམ་པ་ཞེས་བྱ་བ་ནི་དེ་ལ་གཉེན་པོ་མཉམ་པ་ཡང་མེད་པའོ། །མཚུངས་པ་མེད་ཅེས་བྱ་བ་ནི་གཟུགས་ཀྱི་མཚན་ཉིད་མ་ཡིན་པའི་ཕྱིར་རོ། །རབ་ཏུ་འདྲ་བ་མེད་ཅེས་བྱ་བ་ནི་རྟགས་མེད་ཅིང་མཚན་མ་མེད་པའི་
D156.058.0244b05.01ཕྱིར་རོ། །ཀླུའི་བདག་པོ་དེ་བཞིན་གཤེགས་པ་ནི་དེ་འདྲ་སྟེ་དེ་ལྟར་བལྟ་བར་བྱའི། ཤའི་མིག་དང་། ལྷའི་མིག་དང་། ཤེས་རབ་ཀྱི་མིག་གིས་བལྟ་བ་མ་ཡིན་ནོ། །དེ་ཅིའི་ཕྱིར་ཞེ་ན། ཤའི་མིག་ནི་སྣང་བ་མཐོང་བ་ཡིན་ལ། དེ་བཞིན་གཤེགས་པ་ནི་མུན་པ་དང་སྣང་བ་
D156.058.0244b06.01མ་ཡིན་པས་ཤའི་མིག་གིས་དེ་བལྟ་བར་མི་ནུས་སོ། །ལྷའི་མིག་ནི་མངོན་པར་འདུ་བྱེད་པའི་མཚན་ཉིད་ཡིན་ལ། དེ་བཞིན་གཤེགས་པ་ནི་ཤིན་ཏུ་མངོན་པར་འདུས་མ་བྱས་པས་ལྷའི་མིག་གིས་དེ་བལྟ་བར་མི་ནུས་སོ། །ཤེས་རབ་ཀྱི་མིག་གིས་ནི་འབྱུང་བ་ཡོངས་སུ་ཤེས་
D156.058.0244b07.01