完整藏文原文 · 德格版页 当前仅加载第 58 函德格 227a 版页；藏文 NFD、目录标记与异常页序保留在来源切片中，重复版页行以稳定序号区分。
རྟོགས་པ་ཚད་མེད་པའི་རྗེས་སུ་འགྲོའོ། །སེམས་ཅན་གྱི་ཁམས་ཚད་མེད་པ་ཡོངས་སུ་སྨིན་པར་བྱེད་དོ། །སྤྱོད་པ་ཚད་མེད་པ་ལ་འཇུག་གོ། །བག་ཡོད་པ་དེ་ནི་བདག་གི་ཁ་ན་ལས་པ་ཡིན་གྱི་གཞན་གྱི་ཁ་ན་ལས་པ་མ་ཡིན་ནོ། །དེ་ཅིའི་ཕྱིར་ཞེ་ན།
D156.058.0227a01.01ཀླུའི་བདག་པོ་བག་ཡོད་པའི་བྱང་ཆུབ་སེམས་དཔའ་ནི་རང་གི་སེམས་ངེས་པར་སེམས་པ་སྟེ། དེས་སེམས་ངེས་པར་སེམས་པ་གསུམ་གྱིས་སེམས་ངེས་པར་བསམ་པར་བྱའོ། །གསུམ་གང་ཞེ་ན། འདི་ལྟ་སྟེ། ཉོན་མོངས་པ་ལ་ངེས་པར་སེམས་པ་དང་། ཡུལ་
D156.058.0227a02.01ལ་ངེས་པར་སེམས་པ་དང་། ཉེ་བར་ལེན་པ་ལ་ངེས་པར་སེམས་པ་སྟེ། སེམས་ངེས་པར་སེམས་པ་གསུམ་པོ་དེ་དག་གིས་སོ། །གཞན་ཡང་ངེས་པར་སེམས་པ་གསུམ་སྟེ། གསུམ་གང་ཞེ་ན། ཞི་གནས་ལ་རྩེ་གཅིག་པ་དང་། ལྷག་མཐོང་ལ་མཁས་
D156.058.0227a03.01པ་དང་། ཆོས་ལ་ནན་ཏན་བྱེད་པ་སྟེ་གསུམ་པོ་དེ་དག་གོ། །གཞན་ཡང་སེམས་ངེས་པར་སེམས་པ་གསུམ་སྟེ། གསུམ་གང་ཞེ་ན། སེམས་ཞི་བ་དང་། སེམས་དུལ་བ་དང་། སེམས་ཡིད་དུ་འོང་བ་སྟེ་གསུམ་པོ་དེ་དག་གོ། །གཞན་ཡང་སེམས་ངེས་པར་
D156.058.0227a04.01སེམས་པ་གསུམ་སྟེ། གསུམ་གང་ཞེ་ན། དྲང་པོ་དང་། སྒྱུ་མེད་པ་དང་། གཉེར་བ་མེད་པ་སྟེ་གསུམ་པོ་དེ་དག་གོ། །གཞན་ཡང་གསུམ་སྟེ། གསུམ་གང་ཞེ་ན། ཚུལ་འཆོས་པ་མེད་པ་དང་། མཉེན་པ་དང་། འགྲོགས་ན་བདེ་བ་སྟེ་གསུམ་པོ་དེ་དག་གོ། །
D156.058.0227a05.01གཞན་ཡང་གསུམ་སྟེ། གསུམ་གང་ཞེ་ན། སྟོང་པ་ཉིད་ལ་ངེས་པར་སེམས་པ་དང་། མཚན་མ་མེད་པ་ལ་ངེས་པར་སེམས་པ་དང་། སྨོན་པ་མེད་པ་ལ་ངེས་པར་སེམས་པ་སྟེ། སེམས་ངེས་པར་སེམས་པ་གསུམ་པོ་དེ་དག་གོ། །གཞན་ཡང་གསུམ་སྟེ།
D156.058.0227a06.01འདུ་བྱེད་ཐམས་ཅད་ལ་མི་རྟག་པར་སེམས་ངེས་པར་སེམས་ཤིང་། འདུ་བྱེད་ཐམས་ཅད་ལ་སྡུག་བསྔལ་བར་སེམས་ངེས་པར་སེམས་པ་དང་། ཆོས་ཐམས་ཅད་ལ་བདག་མེད་པར་སེམས་ངེས་པར་སེམས་པ་དང་། མྱ་ངན་ལས་འདས་པ་ནི་ཞི་བར་སེམས་ངེས་
D156.058.0227a07.01