完整藏文原文 · 德格版页 当前仅加载第 58 函德格 207b 版页；藏文 NFD、目录标记与异常页序保留在来源切片中，重复版页行以稳定序号区分。
ལགས། ཇི་ལྟར་ན་ལས་ཀྱི་རྣམ་པར་སྨིན་པ་ལ་རྟོན་པས་ཆོས་ཀྱི་སྟོབས་ཅན་རྣམས་ལགས། ཇི་ལྟར་ན་འཇིག་རྟེན་གྱི་ཟང་ཟིང་དང་ཆོས་ཀྱི་སྦྱིན་པ་ལ་སེར་སྣ་མ་མཆིས་པས་སྦྱིན་པའི་སྟོབས་ཅན་རྣམས་ལགས། ཇི་ལྟར་ན་རྣམ་པར་སྨིན་པ་ལ་མི་རེ་བར་བདོག་པ་ཐམས་ཅད་ཡོངས་སུ་
D156.058.0207b01.01གཏོང་བ་རྣམས་ལགས། ཇི་ལྟར་ན་སྨོན་ལམ་གྱིས་ཡང་དག་པར་སོང་ཞིང་ངན་སོང་ཐམས་ཅད་ཀུན་ཏུ་ཆད་པས་ཚུལ་ཁྲིམས་ཀྱི་སྟོབས་ཅན་རྣམས་ལགས། ཇི་ལྟར་ན་སེམས་ཅན་སྡང་བ་ཐམས་ཅད་དང་དུ་ལེན་པའི་རང་བཞིན་ཅན་པས་བཟོད་པའི་སྟོབས་ཅན་རྣམས་ལགས། ཇི་ལྟར་ན་ལུས་དང་
D156.058.0207b02.01སྲོག་ལ་མི་ལྟ་བས་བརྩོན་འགྲུས་ཀྱི་སྟོབས་ཅན་རྣམས་ལགས། ཇི་ལྟར་ན་རབ་ཏུ་ཞི་བ་ལ་གནས་ཤིང་བསམ་གཏན་ལས་ལྡོག་པ་ཡང་མཁས་པས། བསམ་གཏན་གྱི་སྟོབས་ཅན་རྣམས་ལགས། ཇི་ལྟར་ན་སྡིག་པའི་ལྟ་བ་རྣམས་དང་བྲལ་ཞིང་མ་རིག་པ་དང་གཏི་མུག་གི་མུན་པ་དང་
D156.058.0207b03.01བྲལ་བས་ཤེས་རབ་ཀྱི་སྟོབས་ཅན་རྣམས་ལགས། ཇི་ལྟར་ན་སེམས་ཅན་ཡོངས་སུ་སྨིན་པར་བགྱི་བ་ལ་ཡོངས་སུ་སྨིན་པར་བགྱི་བའི་གོ་ཆ་འཚལ་བས་ཐབས་ཀྱི་སྟོབས་ཅན་རྣམས་ལགས། ཇི་ལྟར་ན་ལྷའི་མིག་དང་ལྷའི་རྣ་བ་དང་ཕ་རོལ་གྱི་སེམས་འཚལ་བ་དང་། སྔོན་གྱི་སྐྱེ་བ་དང་། རྫུ་འཕྲུལ་
D156.058.0207b04.01གྱི་བགྱི་བས་རྣམ་པར་རྩེན་པས་མངོན་པར་ཤེས་པ་ཐོབ་པ་རྣམས་ལགས། ཇི་ལྟར་ན་སྤོབས་པ་རྒྱུན་མི་འཆད་ཅིང་ཚིག་དང་ཡི་གེ་མི་ཟད་པས་སྤོབས་པའི་སྟོབས་ཅན་རྣམས་ལགས། ཇི་ལྟར་ན་ཐོས་པ་ཐམས་ཅད་ཀུན་ཏུ་འཛིན་པས་གཟུངས་ཐོབ་པ་རྣམས་ལགས། ཇི་ལྟར་ན་ཆོས་དཀོན་མཆོག་
D156.058.0207b05.01གཅིག་ལ་ཡང་དག་པར་གཞོལ་བར་བསྐྱུད་པ་མ་མཆིས་པ་དང་། རྒྱ་མཚོའི་ཕྱག་རྒྱའི་ཏིང་ངེ་འཛིན་རབ་ཏུ་ཐོབ་པ་རྣམས་ལགས། ཇི་ལྟར་ན་སངས་རྒྱས་ལ་ལྟ་བ་རྣམ་པར་དག་པ་ལ་ཡང་དག་པར་གཞོལ་བས་སངས་རྒྱས་རྗེས་སུ་དྲན་པ་བསྐྱུད་པ་མ་མཆིས་པ་རྣམས་ལགས། ཆོས་ལ་ལྟ་བ་རྣམ་པར་དག་
D156.058.0207b06.01པ་ལ་ཡང་དག་པར་གཞོལ་བས་ཆོས་རྗེས་སུ་དྲན་པ་རབ་ཏུ་ཐོབ་པ་རྣམས་ལགས། ཕྱིར་མི་ལྡོག་པའི་དགེ་འདུན་ལ་ཡང་དག་པར་གཞོལ་བས་དགེ་འདུན་རྗེས་སུ་དྲན་པ་རབ་ཏུ་ཐོབ་པ་རྣམས་ལགས། བྱང་ཆུབ་ཀྱི་སེམས་མ་བསྐྱུད་པས་ཚུལ་ཁྲིམས་རྗེས་སུ་དྲན་པ་རབ་ཏུ་ཐོབ་པ་རྣམས་ལགས།
D156.058.0207b07.01