完整藏文原文 · 德格版页 当前仅加载第 58 函德格 226a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིད་ལ་བྱེད་པ་ཐམས་ཅད་མི་འབྱུང་བ་འདི་ནི་ངེས་པའི་དོན་གྱི་མདོ་སྡེའོ་ཞེས་གསུངས་པ་ལྟ་བུའོ། །དེ་ལ་ཆོས་ཉིད་གང་ཞེ་ན། དེ་བཞིན་གཤེགས་པ་བྱུང་ཡང་རུང་། མ་བྱུང་ཡང་རུང་། ཆོས་ཉིད་འདི་ནི་འདུག་པ་ཉིད་དེ། ཆོས་ཀྱི་དབྱིངས་དང་།
D156.058.0226a01.01ཆོས་གནས་པ་དང་། ཆོས་མི་འགྱུར་བ་ཉིད་དང་། ཡང་དག་པའི་མཐའ་ནི་ཆོས་ཉིད་ཅེས་བྱའོ། །གང་དེ་བཞིན་ཉིད་དང་། ཕྱིན་ཅི་མ་ལོག་པ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་། གཉིས་སུ་མེད་པ་ཉིད་དང་། ཡང་དག་པ་ཉིད་དང་། དེ་ཁོ་ན་
D156.058.0226a02.01ཉིད་དང་། ཡང་དག་པའི་མཐའ་སྔོན་གྱི་མཐའ་མ་ཡིན་པ་དང་། སྔོན་གྱི་མཐའ་ཡང་དག་པའི་མཐའ་མ་ཡིན་པ་འདི་ནི་ཆོས་ཉིད་ཅེས་བྱའོ། །ཐེག་པ་ཆེན་པོ་ཕ་རོལ་ཏུ་ཕྱིན་པ་དྲུག་ལས་བྱུང་བ་ནི་ཆོས་ཉིད་ཅེས་བྱའོ། །རང་སངས་རྒྱས་ཀྱི་ཐེག་པ་རྟེན་ཅིང་འབྲེལ་
D156.058.0226a03.01པར་འབྱུང་བ་ལས་བྱུང་བ་དང་། སྒྲའི་རྗེས་སུ་འགྲོ་བ་ལ་མོས་པ་ལས་བྱུང་བ་ཉན་ཐོས་ཀྱི་ཐེག་པ་འདི་ནི་ཆོས་ཉིད་ཅེས་བྱའོ། །ལོངས་སྤྱོད་ཆེན་པོའི་ཕྱིར་སྦྱིན་པ་ཡང་ཆོས་ཉིད་ཅེས་བྱའོ། །མཐོ་རིས་སུ་སྐྱེ་བའི་ཕྱིར་ཚུལ་ཁྲིམས་དང་། ཤེས་རབ་ཆེན་པོའི་ཕྱིར་
D156.058.0226a04.01ཐོས་པ་དང་། མ་བྲལ་བའི་ཕྱིར་སྒོམ་པ་ནི་ཆོས་ཉིད་ཅེས་བྱའོ། །ཀླུའི་བདག་པོ་གཞན་ཡང་ཚུལ་བཞིན་མ་ཡིན་པ་ཡིད་ལ་བྱེད་པའི་རྒྱུ་ལས་བྱུང་བ་ནི་འཁོར་བའོ། །ཚུལ་བཞིན་ཡིད་ལ་བྱེད་པའི་རྒྱུ་ལས་བྱུང་བ་ནི་ཆོས་ཉིད་དོ། །ཉོན་མོངས་པའི་སྟོབས་ཅན་ནི་
D156.058.0226a05.01བྱིས་པའོ། །ཤེས་རབ་ཀྱི་སྟོབས་ཅན་ནི་མཁས་པ་སྟེ། འདི་ནི་ཆོས་ཉིད་ཅེས་བྱའོ། །ཆོས་ཉིད་ཅེས་བྱ་བ་ནི་འདི་ལྟ་སྟེ། ཆོས་ཐམས་ཅད་ཀྱི་དབྱིངས་སུ་ཡང་དག་པར་གཞོལ་བའོ། །ཀླུའི་བདག་པོ་དེ་ལྟར་ན་གང་རྟེན་ཅིང་འབྲེལ་པར་འབྱུང་བ་ལ་རྟོན་པ་དེ་ནི་རྟོན་
D156.058.0226a06.01པ་བཞི་པོ་དེ་དག་ལ་རྟོན་པའོ། །གང་རྟོན་པ་བཞི་པོ་དག་ལ་རྟོན་པ་དེ་ནི་ཆད་པ་དང་རྟག་པ་ལ་རྟོན་པ་མ་ཡིན་ཏེ། དེའི་ཕྱིར་སུས་རྟེན་ཅིང་འབྲེལ་པར་འབྱུང་བ་མཐོང་བ་དེས་ཆོས་མཐོང་ངོ་། །སུས་ཆོས་མཐོང་བ་དེས་དེ་བཞིན་གཤེགས་པ་མཐོང་ངོ་ཞེས་བྱའོ། །ཀླུའི་
D156.058.0226a07.01