完整藏文原文 · 德格版页 当前仅加载第 58 函德格 254a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཨཱརྱ་དྲུ་མ་ཀི་ནན་ར་རཱ་ཛ་པ་རི་པྲཱིཙྪཱ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་མི(་,)འམ་ཅིའི་རྒྱལ་པོ་སྡོང་པོས་ཞུས་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་
D157.058.0254a01.01ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་རི་བྱ་རྒོད་ཀྱི་ཕུང་པོ་ལ་དགེ་སློང་དྲུག་ཁྲི་ཉིས་སྟོང་གི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཕལ་ཆེར་ཕྱོགས་བཅུའི་
D157.058.0254a02.01འཇིག་རྟེན་གྱི་ཁམས་ནས་འདུས་པ་བདུན་ཁྲི་ཉིས་སྟོང་ཐམས་ཅད་ཀྱང་མངོན་པར་ཤེས་པས་མངོན་པར་ཤེས་པ། གཟུངས་རབ་ཏུ་ཐོབ་པ། སྤོབས་པ་ཆགས་པ་མེད་པ། ཏིང་ངེ་འཛིན་རབ་ཏུ་ཐོབ་པ། དྲན་པ་དང་། བློ་གྲོས་དང་། རྟོགས་པ་དང་། མོས་པ་དང་། ངོ་ཚ་ཤེས་པ་
D157.058.0254a03.01དང་། ཁྲེལ་ཡོད་པ་ཕུན་སུམ་ཚོགས་པ། བསམ་པ་རྡོ་རྗེ་ལྟར་བརྟན་ཞིང་མི་ཕྱེད་པ། སངས་རྒྱས་ཀྱི་ཆོས་ཐམས་ཅད་ལ་སྦྱོར་བ་ཕུན་སུམ་ཚོགས་པ། ལྷག་པའི་བསམ་པ་ཁྱད་པར་དུ་འཕགས་པ་ལ་ཞུགས་པ། བདག་ཉིད་བྱང་ཆུབ་ཀྱི་སེམས་མི་འདོར་བ། སེམས་
D157.058.0254a04.01ཅན་གཞན་བྱང་ཆུབ་ཀྱི་སེམས་ཡང་དག་པར་འཛིན་དུ་འཇུག་པ། སྦྱིན་པ་དང་། དུལ་བ་དང་། སྡོམ་པ་དང་། དེས་པ་དང་། བཟོད་པ་དང་། སྡུག་པའི་དངོས་པོ་ཐམས་ཅད་ཡོངས་སུ་གཏོང་བ་དང་། ཡོངས་སུ་བསྔོ་བའི་ཆོ་ག་ཤེས་པ། ལུས་དང་། ངག་དང་། སེམས་
D157.058.0254a05.01དང་། ཚུལ་ཁྲིམས་ཀྱི་རྒྱན་གྱིས་ལེགས་པར་བརྒྱན་པ། སེམས་ཅན་ཐམས་ཅད་ལ་སེམས་སྙོམས་པ་དང་། བཟོད་པ་དང་། དེས་པའི་སྟོབས་ཀྱི་གོ་ཆ་ཤིན་ཏུ་བགོས་པ། བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་གྲངས་མེད་པར་བརྩོན་འགྲུས་ཤིན་ཏུ་བརྩམས་པ། བསམ་
D157.058.0254a06.01གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་དང་། མངོན་པར་ཤེས་པའི་ཡེ་ཤེས་ཀྱིས་རྣམ་པར་རོལ་པ། ཚིག་ཐམས་ཅད་རབ་ཏུ་དབྱེ་བ་ལ་སྤོབས་པ་ཆགས་པ་མེད་པའི་ཤེས་རབ་དང་། ཡེ་ཤེས་ལ་མཁས་པ། རི་རབ་ཀྱི་རི་ལྟར་
D157.058.0254a07.01