完整藏文原文 · 德格版页 当前仅加载第 58 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀྱི་མིག་གིས་སྣང་བ་ཐོབ་པ་རྣམས་ཡིན། སངས་རྒྱས་ཀྱི་སྤྱན་མངོན་སུམ་དུ་གྱུར་པ་རྣམས་ཡིན། སངས་རྒྱས་ཀྱི་ཆོས་ཐམས་ཅད་ལ་དབང་བསྐུར་བ་ཐོབ་པ་རྣམས་ཡིན་ཏེ། རིགས་ཀྱི་བུ་བྱང་ཆུབ་སེམས་དཔའ་ཆོས་འདི་བཞི་དང་ལྡན་ན་སངས་རྒྱས་ཀྱི་
D157.058.0262a01.01ཆོས་ཐམས་ཅད་མངོན་སུམ་དུ་འགྱུར་བ་རྣམས་ཡིན་ནོ། །རིགས་ཀྱི་བུ་བྱང་ཆུབ་སེམས་དཔའ་ཆོས་བཞི་དང་ལྡན་ན། ཆོས་རྣམ་པར་གདོན་མི་ཟ་བ་རྣམས་ལ་རྣམ་པར་ཕྱེ་བ་ཤིན་ཏུ་རྣམ་པར་འབྱེད་པ་རྣམས་ཡིན་ནོ། །བཞི་གང་ཞེ་ན། འདི་ལྟ་སྟེ། སོ་སོ་ཡང་དག་པར་
D157.058.0262a02.01རིག་པ་ཤེས་པ་སྒྲིབ་པ་མེད་པ་དང་། བདེན་པ་བཞི་རྣམ་པར་དགོད་པ་ཤེས་པ་དང་། རྟོན་པ་ལ་གནས་སུ་ཤེས་པ་དང་། གཟུངས་ལ་གཡེང་བ་མེད་པར་ཤེས་པ་སྟེ། རིགས་ཀྱི་བུ་བྱང་ཆུབ་སེམས་དཔའ་ཆོས་འདི་བཞི་དང་ལྡན་ན་ཆོས་རྣམ་པར་གདོན་མི་ཟ་བ་རྣམས་ལ་
D157.058.0262a03.01རྣམ་པར་ཕྱེ་བ་ཤིན་ཏུ་རྣམ་པར་འབྱེད་པ་རྣམས་ཡིན་ནོ། །རིགས་ཀྱི་བུ་བྱང་ཆུབ་སེམས་དཔའ་ཆོས་བཞི་དང་ལྡན་ན་འཇིག་རྟེན་གྱི་བྱ་བ་དང་། འཐུན་པར་ཞུགས་ཀྱང་ཉོན་མོངས་པ་ཐམས་ཅད་ཀྱིས་མི་གོས་པ་རྣམས་ཡིན་ནོ། །བཞི་གང་ཞེ་ན། འདི་ལྟ་སྟེ། འཇིག་རྟེན་
D157.058.0262a04.01གྱི་ཆོས་མངོན་སུམ་དུ་གྱུར་པ་དང་། འཇིག་རྟེན་ལས་སེམས་ཅན་ཡང་དག་པར་སྒྲོལ་བ་དང་། རྗེས་སུ་ཆགས་པ་དང་། ཁོང་ཁྲོ་བ་སྤོང་བ་དང་། གཟོད་མ་ནས་རྣམ་པར་དག་ཅིང་འོད་གསལ་བས་ཀྱང་རང་བཞིན་གྱིས་ཀུན་ནས་ཉོན་མོངས་པ་མེད་པ་ཡིན་ཏེ། རིགས་ཀྱི་
D157.058.0262a05.01བུ་བྱང་ཆུབ་སེམས་དཔའ་ཆོས་བཞི་དང་ལྡན་ན་འཇིག་རྟེན་གྱི་བྱ་བ་དང་འཐུན་པར་ཞུགས་ཀྱང་ཉོན་མོངས་པ་ཐམས་ཅད་ཀྱིས་མི་གོས་པ་རྣམས་ཡིན་ནོ། །རིགས་ཀྱི་བུ་བྱང་ཆུབ་སེམས་དཔའ་ཆོས་བཞི་དང་ལྡན་ན་གཞན་དག་གིས་བལྟར་མི་མཐོང་བའི་ཆོས་ཀྱི་དབང་
D157.058.0262a06.01ཕྱུག་རྣམས་ཡིན་ནོ། །བཞི་གང་ཞེ་ན། འདི་ལྟ་སྟེ། སེམས་ཀྱི་དབང་ཕྱུག་དང་། ཤེས་རབ་ཀྱི་དབང་ཕྱུག་དང་། ཡེ་ཤེས་ཀྱི་དབང་ཕྱུག་དང་། ཐབས་ཀྱི་དབང་ཕྱུག་སྟེ། རིགས་ཀྱི་བུ་བྱང་ཆུབ་སེམས་དཔའ་ཆོས་འདི་བཞི་དང་ལྡན་ན་གཞན་དག་གིས་བལྟར་
D157.058.0262a07.01