完整藏文原文 · 德格版页 当前仅加载第 58 函德格 268b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱོན་མེད་པ་ལ་འཇུག་པ་ཞེས་བྱའོ། །བྱང་ཆུབ་སེམས་དཔའི་སྐྱོན་མེད་པ་ལ་འཇུག་པ་གང་ཡིན་པ་དེ་ནི་མི་སྐྱེ་བའི་ཆོས་ལ་བཟོད་པ་རབ་ཏུ་ཐོབ་པ་སྟེ། དེས་ན་སྐྱོན་མེད་པ་ལ་ཞུགས་པའི་བྱང་ཆུབ་སེམས་དཔའ་མི་སྐྱེ་བའི་ཆོས་ལ་བཟོད་པ་རབ་ཏུ་ཐོབ་པ་ཞེས་བྱའོ། །གང་བཟོད་པ་རབ་ཏུ་ཐོབ་
D157.058.0268b01.01པ་དེས་ཐམས་ཅད་བཟོད་དེ། དེ་སྟོང་པར་ཡང་བཟོད་དེ་གང་ཟག་ཏུ་ཡང་བཟོད་དོ། །དེ་ཅིའི་ཕྱིར་ཞེ་ན། གང་ཟག་ལས་སྟོང་པ་གཞན་མ་ཡིན་ཏེ། གང་ཟག་ཉིད་སྟོང་པའོ། །དེ་མཚན་མར་ཡང་བཟོད་དེ་མཚན་མ་མེད་པར་བཟོད་པའོ། །དེ་ཅིའི་ཕྱིར་ཞེ་ན། མཚན་མའི་ངོ་བོ་ཉིད་
D157.058.0268b02.01མཚན་མ་མེད་པའོ། །དེ་སྨོན་པར་ཡང་བཟོད། དེ་སྨོན་པ་མེད་པ་ཡང་བཟོད་དོ། །དེ་ཅིའི་ཕྱིར་ཞེ་ན། སྨོན་ལམ་གྱི་ངོ་བོ་ཉིད་ཀྱི་མཚན་ཉིད་སྨོན་པ་མེད་པའོ། །དེ་སེམས་ཅན་ཐམས་ཅད་རང་བཞིན་གྱིས་ཡོངས་སུ་མྱ་ངན་ལས་འདས་པར་ཡང་བཟོད་དེ་སེམས་ཅན་རྣམས་འཆི་འཕོ་བ་
D157.058.0268b03.01དང་སྐྱེ་བར་ཡང་བཟོད་དོ། །དེ་ཅིའི་ཕྱིར་ཞེ་ན། འཆི་འཕོ་དང་སྐྱེ་བ་ནི་སྒྱུ་མའི་ངོ་བོ་ཉིད་དོ། །རིགས་ཀྱི་བུ་དེ་ལྟར་མི་སྐྱེ་བའི་ཆོས་ལ་བཟོད་པ་རབ་ཏུ་ཐོབ་པའི་བྱང་ཆུབ་སེམས་དཔའ་ནི་འགག་པ་མེད་པ་སྟེ། ཆོས་ཐམས་ཅད་དང་འགལ་བ་མེད་པ་ཡིན་ནོ། །བདག་བཟོད་པའི་རྗེས་སུ་
D157.058.0268b04.01འགྲོ་ཡང་སེམས་ཅན་ཐམས་ཅད་ཀྱི་རྗེས་སུ་འགྲོ་བས་ཀྱང་འགྲོ། བདག་བཟོད་པ་རྗེས་སུ་འགྲོ་ཡང་ཆོས་ཐམས་ཅད་ཀྱི་རྗེས་སུ་འགྲོ་བས་ཀྱང་འགྲོ་སྟེ། འོང་བ་ཡང་མེད། འགྲོ་བ་ཡང་མེད་དོ། །ཆོས་ཐམས་ཅད་ཆོས་ཀྱི་དབྱིངས་ལ་གནས་པར་ཡང་ཡང་དག་པ་ཇི་ལྟ་བ་བཞིན་
D157.058.0268b05.01དུ་རབ་ཏུ་ཤེས་སོ། །ཇི་ལྟར་ཆོས་ཀྱི་དབྱིངས་ལ་གནས་པ་དེ་ལྟར་སེམས་ཅན་ཐམས་ཅད་གནས་ཏེ། གང་གི་གནས་དེ་འཐོབ་པའི་གནས་མེད་པའི་ཚུལ་གྱིས་རྗེས་སུ་ཐོབ་པ་དེ་སྒྲའི་བརྡའི་ཐ་སྙད་ཀྱི་སྒྲ་ཉེ་བར་བཟུང་ནས། མི་སྐྱེ་བའི་ཆོས་ལ་བཟོད་པ་དང་ལྡན་པ་ཞེས་བྱའོ། །མི་
D157.058.0268b06.01སྐྱེ་བའི་ཆོས་ལ་བཟོད་པ་ནི་གང་གིས་ཀྱང་བརྗོད་པའམ། བསྙད་པའམ། བསྟན་པར་མི་ནུས་སོ། །དེ་ཅིའི་ཕྱིར་ཞེ་ན། དོན་དེ་ནི་བརྗོད་དུ་མེད་པ། སྒྲ་མེད་པ། བཤད་དུ་མེད་པ་ཡིན་ཡང་བརྗོད་དུ་མེད་པའི་དོན་བརྗོད་པས་བསྟན་པ་འདི་ནི་རིགས་ཀྱི་བུ་དེ་བཞིན་
D157.058.0268b07.01