完整藏文原文 · 德格版页 当前仅加载第 58 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
བཤད་པ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་ནས་སྣང་བ་ཆེན་པོས་ཀྱང་འཇིག་རྟེན་གྱི་ཁམས་ཁྱབ་པར་གྱུར་ཏོ། །སྟེང་གི་བར་སྣང་ལས་ལྷ་བྱེ་བ་ཁྲག་ཁྲིག་བརྒྱ་སྟོང་གིས་ལྷའི་གླུ་དབྱངས་བླངས་ཏེ། ལྷའི་མེ་ཏོག་མན་དཱ་
D157.058.0263b01.01ར་བའི་ཆར་རབ་ཏུ་ཕབ་ནས་འདི་སྐད་ཅེས་ཀྱེ་མའོ་བཅོམ་ལྡན་འདས་ཀྱིས་འདིར་སངས་རྒྱས་བཅོམ་ལྡན་འདས་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་བཞི་པ་བསྒྲུབ་པའི་ཆོས་ཀྱི་རྣམ་གྲངས་འདི་ལས་བསྟན་པ་འདི་ནི་བསྐལ་པ་བྱེ་བ་ཁྲག་ཁྲིག་གྲངས་མེད་
D157.058.0263b02.01པ་ནས་བསྒྲུབས་པ་ལགས་སོ། །བཅོམ་ལྡན་འདས་གང་བཞི་པ་སྒྲུབ་པའི་ཆོས་ཀྱི་རྣམ་གྲངས་འདི་ཉན་པ་དང་། མཉན་ནས་མོས་པ་དང་། མོས་ནས་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བགྱིད་པ་དང་། གཞན་དག་ལ་ཡང་སྟོན་པ་དང་།
D157.058.0263b03.01བྱང་ཆུབ་ཀྱི་སེམས་དང་མི་འབྲལ་བའི་སེམས་ཅན་དེ་དག་ནི། དགེ་བའི་རྩ་བ་ངན་ངོན་དང་ལྡན་པ་མ་ལགས་ཏེ། དེ་དག་ནི་ཇི་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ད་ལྟར་སེང་གེའི་སྒྲ་སྒྲོག་པ་བཞིན་དུ་ལྷ་དང་། མི་དང་། ལྷ་མ་
D157.058.0263b04.01ཡིན་གྱི་འཇིག་རྟེན་གྱི་མདུན་དུ་སེང་གེའི་སྒྲ་སྒྲོག་པར་འགྱུར་རོ། །བཅོམ་ལྡན་འདས་བདག་ཅག་ཀྱང་བཞི་པ་བསྒྲུབ་པའི་ཆོས་ཀྱི་རྣམ་གྲངས་འདི་ཐོས་པས་རྙེད་པ་ལེགས་པར་རྙེད་དོ། །ཞེས་ཆེད་དུ་རྗོད་པ་ཆེད་དུ་བརྗོད་དོ། །བཅོམ་ལྡན་འདས་ཀྱིས་བཞི་པ་བསྒྲུབ་པའི་
D157.058.0263b05.01ཆོས་ཀྱི་རྣམ་གྲངས་འདི་བཤད་པ་ན། ལྷ་དང་མིའི་སྲོག་ཆགས་བརྒྱད་ཁྲི་བཞི་སྟོང་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ། །བྱང་ཆུབ་སེམས་དཔའ་ཁྲི་ཉིས་སྟོང་ནི་མི་སྐྱེ་བའི་ཆོས་ལ་བཟོད་པ་རབ་ཏུ་ཐོབ་པར་གྱུར་ཏོ། །དེ་ནས་
D157.058.0263b06.01བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་ཅོད་པན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་གང་དག་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་མདོ་སྡེ་འདི་ལྟ་བུ་འདི་འཛིན་པ་དང་། གཞན་དག་ལ་རྒྱ་ཆེར་
D157.058.0263b07.01