完整藏文原文 · 德格版页 当前仅加载第 58 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་འདུན་དང་། དགེ་སློང་གི་དགེ་འདུན་དང་། འཁོར་ལ་བྲིམས་ནས་བདེ་བར་བསྟབས་ཏེ་ཚིམ་པར་བྱས་སོ། །ཚིམ་པར་བྱས་ནས་བཅོམ་ལྡན་འདས་ཀྱིས་ལྷུང་བཟེད་བཞག་སྟེ། ཕྱག་བཅབས་པར་རིག་ནས། དཔུང་དང་བཅས་གཡོག་དང་བཅས་
D157.058.0280a01.01ཏེ། ཆོས་ཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་ཇི་ལྟར་བདག་ལ་འོས་པའི་སྟན་ལ་འདུག་གོ། །དེ་ནས་བཅོམ་ལྡན་འདས་ཀྱིས་མིའམ་ཅིའི་རྒྱལ་པོ་སྡོང་པོ་དང་སྐྱེ་བོའི་ཚོགས་ཕལ་པོ་ཆེ་དེ་དག་ལ་ཆོས་ཀྱི་གཏམ་ཡང་དག་པར་སྟོན་ཏོ། །ཡང་དག་པར་འཛིན་དུ་བཅུག་གོ། །
D157.058.0280a02.01གཟེངས་བསྟོད་དོ། །རབ་ཏུ་དགའ་བར་མཛད་དོ། །དེ་ནས་བཅོམ་ལྡན་འདས་ཀྱིས་ཆོས་ཀྱི་གཏམ་ནི་འདི་ཡིན་ཏེ། མིའམ་ཅིའི་བདག་པོ་རྣམ་པ་སུམ་ཅུ་རྩ་གཉིས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོའི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་དག་པ་ཡིན་ནོ། །རྣམ་
D157.058.0280a03.01པ་སུམ་ཅུ་རྩ་གཉིས་གང་འདི་ལྟ་སྟེ། མིའམ་ཅིའི་བདག་པོ་བྱང་ཆུབ་སེམས་དཔའ་སྦྱིན་པ་སྦྱིན་པ་ན་བྱང་ཆུབ་ཀྱི་སེམས་སྔོན་དུ་འགྲོ་བའི་སྦྱིན་པ་དེ་སྦྱིན་པ་དང་། ཐེག་པ་ཆུང་ངུ་སྤངས་པའི་སེམས་ཀྱིས་སྦྱིན་པ་དེ་སྦྱིན་པ་དང་། སློང་བ་ལ་ཞེ་སྡང་བ་མེད་པའི་སེམས་ཀྱིས་སྦྱིན་
D157.058.0280a04.01པ་དེ་སྦྱིན་པ་དང་། ལེན་པ་རྣམས་ལ་སྦྱིན་གནས་སུ་འདུ་ཤེས་བསྐྱེད་དེ་སྦྱིན་པ་དེ་སྦྱིན་པ་དང་། ལེན་པ་རྣམས་ལ་དགེ་བའི་བཤེས་གཉེན་དུ་འདུ་ཤེས་བསྐྱེད་དེ་སྦྱིན་པ་དེ་སྦྱིན་པ་དང་། ནང་གི་ཀུན་ནས་ཉོན་མོངས་པའི་དྲི་མ་སྤངས་ཏེ་སྦྱིན་པ་དེ་སྦྱིན་པ་དང་། ཀུན་ཏུ་འཛིན་པ་མེད་
D157.058.0280a05.01པའི་སེམས་ཀྱི་དགའ་བ་དང་། དང་བ་དང་མཆོག་ཏུ་དགའ་བ་ཐོབ་ནས་སྦྱིན་པ་དེ་སྦྱིན་པ་དང་། ལག་པ་བརྐྱང་སྟེ་གྲོལ་བས་གཏོང་བ་རྣམ་པར་གཏོང་བ་ལ་དགའ་བས་སྦྱིན་པ་དེ་སྦྱིན་པ་དང་། རྒྱ་ཆེན་པོ་ལ་མོས་ཏེ་ཞུམ་པ་མེད་པའི་སེམས་ཀྱིས་སྦྱིན་པ་དེ་སྦྱིན་པ་དང་། སྣོད་ཐམས་
D157.058.0280a06.01ཅད་ལ་མི་གནས་པར་སྦྱིན་པ་དེ་སྦྱིན་པ་དང་། རྣམ་པར་སྨིན་པ་ལ་རེ་བ་མེད་པར་སྦྱིན་པ་དེ་སྦྱིན་པ་དང་། ལན་ལ་རེ་བ་མེད་པའི་བློས་སྦྱིན་པ་དེ་སྦྱིན་པ་དང་། སངས་རྒྱས་ཀྱི་ཆོས་ཚོལ་བའི་བློས་སྦྱིན་པ་དེ་སྦྱིན་པ་དང་། ཐམས་ཅད་མཁྱེན་པའི་ཡེ་ཤེས་སུ་བསྔོས་ཏེ་སྦྱིན་པ་དེ་
D157.058.0280a07.01