完整藏文原文 · 德格版页 当前仅加载第 58 函德格 295b 版页；藏文 NFD、目录标记与异常页序保留在来源切片中，重复版页行以稳定序号区分。
དངོས་པོ་ལས་གྱུར་ཏེ་སྐྱེས་པའི་དངོས་པོ་ཐོབ་ཅིང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་མངོན་པར་རྫོགས་པར་འཚང་རྒྱ་བར་འགྱུར་རོ། །དེ་ནས་མི་འམ་ཅིའི་རྒྱལ་པོ་སྡོང་པོའི་སླས་དེ་དག་ཐམས་ཅད་ཀྱིས་བཅོམ་ལྡན་འདས་ལས་བུད་མེད་ཀྱི་དངོས་པོ་ལས་སྒྱུར་བའི་ཆོས་
D157.058.0295b01.01ཀྱི་རྣམ་གྲངས་འདི་ཐོས་ནས་ཚིམ་ཞིང་མགུ་སྟེ། ཡི་རངས་ཤིང་རབ་ཏུ་དགའ་ནས་དགའ་བ་དང་ཡིད་བདེ་བ་སྐྱེས་ཏེ། བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས་ཚུལ་དང་འཐུན་པའི་ཚིགས་སུ་བཅད་པ་འདི་དག་གིས་བཅོམ་ལྡན་འདས་ལ་མངོན་པར་བསྟོད་དོ། །དྲི་མེད་
D157.058.0295b02.01དྲི་བྲལ་དྲི་མ་གཅོད་མཛད་པ། །རྡུལ་མེད་རྡུལ་བྲལ་ལྷག་པའི་གཟི་བརྗིད་མངའ། །པད་མའི་འདབ་འདྲའི་སྤྱན་དང་མཛེས་པའི་ཐུགས། །དྲི་མེད་ཟླ་ཞལ་ཁྱོད་ལ་ཕྱག་འཚལ་ལོ། །དགའ་མཛད་ཞི་མཛད་ཉོན་མོངས་གཅོད་མཛད་པ། །དགའ་བ་སྟོན་པ་རྟག་ཏུ་དགོན་པར་
D157.058.0295b03.01དགྱེས། །རིན་ཆེན་འབྱུང་གནས་རིན་ཆེན་མཛོད་མངའ་བ། །ཡོན་ཏན་མཆོག་མངའ་ཁྱོད་ལ་ཕྱག་འཚལ་ལོ། །ཕ་རོལ་གཤེགས་པ་གཞན་གྱི་ཚོགས་རྣམས་འཇོམས། །པད་མ་ལྟ་བུར་སྟོང་མཆོག་བཀའ་མཆིད་གསུང་། །ལམ་མཆོག་སྩོལ་ཅིང་དམ་པའི་དོན་སྟོན་པ། །
D157.058.0295b04.01མཆོག་ཏུ་དགའ་མཛད་ཁྱོད་ལ་ཕྱག་འཚལ་ལོ། །ཆུ་བོ་བཞི་རྒལ་བདེན་བཞིའི་བཀའ་མཆིད་གསུང་། །ས་ལ་རྒྱུ་བ་འདི་ལ་མིག་སྩོལ་བ། །འཁོར་ལོ་མཆོག་གི་མཚན་ནི་སྟོང་མངའ་བ། །རྡུལ་མེད་ཕན་མཛད་ཁྱོད་ལ་ཕྱག་འཚལ་ལོ། །ཉོན་མོངས་རྡུལ་བསལ་དམ་པ་མཐུ་
D157.058.0295b05.01བོ་ཆེ། །མགོན་པོ་འགྲོ་ལ་མཆོག་གི་དོན་མཛད་པ། །བདུད་ཀྱི་དཔུང་རྣམས་སྟོབས་མེད་འཇིག་མཛད་པ། །བཅོམ་ལྡན་སྟོབས་བཅུ་ཁྱོད་ལ་ཕྱག་འཚལ་ལོ། །སྲེད་པའི་འཁྲི་ཤིང་གཅོད་མཛད་མཉམ་པ་མེད། །བརྙེས་པ་དག་དང་མ་བརྙེས་མཚུངས་མཉམ་ཐུགས། །
D157.058.0295b06.01འཇིག་རྟེན་མཐར་འབྱིན་སྣང་བའི་སྒྲོན་མཛད་པ། །རྒྱ་མཚོ་ལྟ་བུ་ཁྱོད་ལ་ཕྱག་འཚལ་ལོ། །དུལ་ཞིང་སྟོབས་བཅུ་ཆེན་པོ་དམ་པ་མངའ། །སྦྱིན་པ་སྩོལ་ཅིང་རྟག་ཏུ་གཏོང་ལ་དགྱེས། །དུལ་བ་ཞི་གནས་ཡོན་ཏན་ཕ་རོལ་ཕྱིན། །ཉོན་མོངས་རྡུལ་བསལ་ཁྱོད་ལ་ཕྱག་འཚལ་
D157.058.0295b07.01