完整藏文原文 · 德格版页 当前仅加载第 58 函德格 274b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྲག་བཞི་བཅུ་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་སོ། །རང་གི་འཁོར་གྱི་སྲོག་ཆགས་བརྒྱད་ཁྲི་བཞི་སྟོང་ཡང་བྱང་ཆུབ་ཏུ་ཡོངས་སུ་སྨིན་པར་བྱས་སོ། །ཤེས་རབ་དང་ཐབས་ཀྱི་ཡེ་ཤེས་འདི་དང་ལྡན་པའི་བྱང་ཆུབ་སེམས་དཔའ་ནི་གང་
D157.058.0274b01.01དང་གང་གི་ཚེ་འཁོར་གྱི་ཆེ་བ་ཉིད་ཐོབ་པ་དེ་དང་དེའི་ཚེ། སེམས་ཅན་གྲངས་མེད་དཔག་ཏུ་མེད་པ་ཡོངས་སུ་སྨིན་པར་བྱེད་དོ། །རིགས་ཀྱི་བུ་འདི་ལྟ་སྟེ་དཔེར་ན་རྒྱུ་མེད་པར་མེ་མི་འབར་རོ། །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་དབེན་པ་ན་གནས་པ་ཡང་སེམས་ཅན་
D157.058.0274b02.01ཡོངས་སུ་སྨིན་པར་བྱ་བ་མི་འབར་རོ། །རིགས་ཀྱི་བུ་འདི་ལྟ་སྟེ་དཔེར་ན་རྒྱུ་ཡོད་ན་མེ་འབར་རོ། །རིགས་ཀྱི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་སྐྱེ་བོ་ཕལ་པོ་ཆེའི་ནང་ན་འདུག་ན། སེམས་ཅན་ཡོངས་སུ་སྦྱིན་པར་བྱ་བ་འབར་རོ། །རིགས་ཀྱི་བུ་དེའི་ཕྱིར་
D157.058.0274b03.01རྣམ་གྲངས་འདིས་འདི་ལྟར་བྱང་ཆུབ་སེམས་དཔའ་ཇི་ལྟ་ཇི་ལྟ་བུར་ཡུལ་དང་འཁོར་ཆེན་པོ་འབྱོར་པར་གྱུར་པ། དེ་ལྟ་དེ་ལྟ་བུར་སེམས་ཅན་དཔག་ཏུ་མེད་པ་ཡོངས་སུ་སྨིན་པར་བྱེད་པར་རིག་པར་བྱའོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ་ལྷའི་
D157.058.0274b04.01ཅོད་པན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟར་ན་མིའམ་ཅིའི་རྒྱལ་པོ་སྡོང་པོས་རྒྱུད་ཀྱི་སྒྲ་དང་། གླུའི་སྒྲ་དང་། སིལ་སྙན་དང་། ཕེག་རྡོབ་པ་བགྱིས་པས་སེམས་ཅན་ཡོངས་སུ་སྨིན་པར་བགྱིད། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་
D157.058.0274b05.01བུ་མིའམ་ཅི་དང་། དྲི་ཟ་དང་། ལྟོ་འཕྱེ་ཆེན་པོ་གླུ་དང་། རོལ་མོའི་དབྱངས་སྒྲ་ལ་མོས་པ་རྣམས་ལ་མིའམ་ཅིའི་རྒྱལ་པོ་སྡོང་པོས་གང་གི་ཚེ་པི་བང་གི་སྒྲ་ཐོས་པར་བྱེད་ཅིང་སིལ་སྙན་དང་། གླུ་དབྱངས་སྦྱོར་བ་དེ་ན་མིའམ་ཅི་དང་། དྲི་ཟ་དང་། ལྟོ་འཕྱེ་ཆེན་པོ་དེ་དག་དགའ་བ་
D157.058.0274b06.01དང་། རབ་ཏུ་མགུ་བ་ཆེན་པོ་འཐོབ་བོ། །དེ་དག་དགའ་བ་དང་། མོས་པ་དང་། རབ་ཏུ་མགུ་བ་ཐོབ་ནས་རྒྱུད་ཀྱི་སྒྲ་དང་། སིལ་སྙན་གྱི་སྒྲ་དང་། གླུ་དབྱངས་ཀྱི་སྒྲ་དེ་དག་ལས་སངས་རྒྱས་ཀྱི་སྒྲ་འབྱུང་ངོ་། །ཆོས་ཀྱི་སྒྲ་དང་དགེ་འདུན་གྱི་སྒྲ་འབྱུང་ངོ་། །བྱང་ཆུབ་ཀྱི་སེམས་ལ་
D157.058.0274b07.01