完整藏文原文 · 德格版页 当前仅加载第 58 函德格 288a 版页；藏文 NFD、目录标记与异常页序保留在来源切片中，重复版页行以稳定序号区分。
སྙན་རྣམས་ཀྱིས་སྨྲས་པ། དེ་དག་བརྩོན་འགྲུས་ཇི་ལྟ་བུ། །ཕ་རོལ་གནོན་པའང་ཅི་འདྲ་ཞིག །ཇི་ལྟར་ཞུམ་པ་མེད་སེམས་ཀྱིས། །བྱང་ཆུབ་སྤྱད་པ་སྤྱོད་པར་འགྱུར། །བྱང་ཆུབ་སེམས་དཔའི་གཟུགས་རྣམས་ཀྱིས་སྨྲས་པ། ཆོས་དང་སེམས་ཅན་བསྲུང་བ་ནི། །
D157.058.0288a01.01ཕ་རོལ་གནོན་དང་བརྩོན་འགྲུས་སོ། །དགེ་བའི་རྩ་བས་བརྟན་པ་ནི། །དེས་ན་སེམས་ནི་ཞུམ་མི་འགྱུར། །སིལ་སྙན་རྣམས་ཀྱིས་སྨྲས་པ། དེ་དག་ཇི་ལྟར་དྲན་དང་ལྡན། །བློ་གྲོས་རྟོགས་པར་ཁོང་དུ་ཆུད། །ཇི་ལྟར་བསམ་གཏན་བསམ་གཏན་བྱེད། །དེ་ལ་ཆགས་པ་མེད་པར་འགྱུར། །
D157.058.0288a02.01བྱང་ཆུབ་སེམས་དཔའི་གཟུགས་རྣམས་ཀྱིས་སྨྲས་པ། གཡེང་བ་མེད་པ་དྲན་དང་ལྡན། །ཚུལ་འཆོས་མེད་པ་བློ་གྲོས་ལྡན། །ཐབས་ཀྱིས་བསམ་གཏན་བསམ་གཏན་བྱེད། །དེས་ན་དེ་ལ་ཆགས་མི་འགྱུར། །སིལ་སྙན་རྣམས་ཀྱིས་སྨྲས་པ། ཇི་ལྟར་ཤེས་རབ་ལྡན་པ་དང་། །ཡང་
D157.058.0288a03.01དག་ལྟ་བ་དྲང་པོ་དང་། །ཆོས་རྣམས་རྣམ་པར་དབྱེ་བ་ལ། །མཁས་ཤིང་འཇིགས་པ་མེད་པར་འགྱུར། །བྱང་ཆུབ་སེམས་དཔའི་གཟུགས་རྣམས་ཀྱིས་སྨྲས་པ། ཐོས་པས་ཤེས་རབ་ཀུན་ཏུ་འཕེལ། །རྟེན་པས་ལྟ་བ་དྲང་པོར་འགྱུར། །ཆོས་ཀྱི་སྦྱིན་པས་ངེས་འགྱུར་ཏེ། །ཚུལ་
D157.058.0288a04.01བཞིན་གྱིས་ནི་དོན་རྟོགས་འགྱུར། །སིལ་སྙན་རྣམས་ཀྱིས་སྨྲས་པ། ཇི་ལྟར་ཐོས་པ་བཙལ་བས་ན། །དེ་དག་ཐོས་པ་མང་དུ་འགྱུར། །གང་གིས་ཆེ་བའི་བདག་འགྱུར་བར། །ཐོས་པའི་ཆོས་རྣམས་སྟོན་པར་འགྱུར། །བྱང་ཆུབ་སེམས་དཔའི་གཟུགས་རྣམས་ཀྱིས་སྨྲས་པ།
D157.058.0288a05.01གུས་པར་བྱས་ཏེ་ཐོས་ཚོལ་ཞིང་། །སྒྲུབ་པའི་ཐོས་པ་མང་དུ་འགྱུར། །ཟང་ཟིང་མེད་པར་ཆོས་སྦྱིན་པ། །དེས་ནི་ཆེ་བའི་བདག་ཉིད་འགྱུར། །སིལ་སྙན་རྣམས་ཀྱིས་སྨྲས་པ། དེ་དག་བྱམས་པ་ཇི་ལྟ་བུ། །དེ་དག་སྙིང་རྗེ་ཅི་འདྲ་ཞིག །དེ་དག་དགའ་བ་ཇི་ལྟ་བུ། །བཏང་སྙོམས་
D157.058.0288a06.01ཀྱང་ནི་ཅི་འདྲ་ཞིག །བྱང་ཆུབ་སེམས་དཔའི་གཟུགས་རྣམས་ཀྱིས་སྨྲས་པ། སེམས་དང་བཏང་སྙོམས་བྱམས་པ་སྟེ། །སེམས་ཅན་འགྲོལ་བའི་སྙིང་རྗེའོ། །སངས་རྒྱས་ཆོས་དགའ་དགའ་བ་སྟེ། །གཉིས་སྤངས་པ་ནི་བཏང་སྙོམས་སོ། །སིལ་སྙན་རྣམས་ཀྱིས་སྨྲས་པ།
D157.058.0288a07.01