完整藏文原文 · 德格版页 当前仅加载第 58 函德格 294a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཐོབ་པར་འགྱུར་རོ། །ལྔ་གང་ཞེ་ན། འདི་ལྟ་སྟེ། ཆོས་དོན་དུ་གཉེར་བ་དང་། ཆོས་ཐོས་ནས་ཚུལ་བཞིན་དུ་སོ་སོར་རྟོག་པ་དང་། བསམ་པ་ཐག་པ་ནས་བུད་མེད་ཀྱི་དངོས་པོ་ལ་སྨོད་པ་དང་། རྟག་པར་རྒྱུན་དུ་སྐྱེས་པའི་ལུས་འཐོབ་པར་
D157.058.0294a01.01སེམས་སྐྱེད་པ་དང་། ཇི་སྐད་སྨྲས་པ་དེ་བཞིན་དུ་བྱེད་པ་སྟེ། སྲིང་མོ་དག་ཆོས་ལྔ་པོ་འདི་དག་དང་ལྡན་ན་བུད་མེད་བུད་མེད་ཀྱི་དངོས་པོ་ལས་གྱུར་ཏེ་སྐྱེས་པའི་དངོས་པོ་ཐོབ་པར་འགྱུར་རོ། །སྲིང་མོ་དག་གཞན་ཡང་ཆོས་དྲུག་དང་ལྡན་ན་བུད་མེད་བུད་མེད་ཀྱི་དངོས་པོ་ལས་གྱུར་ཏེ། སྐྱེས་
D157.058.0294a02.01པའི་དངོས་པོ་ཐོབ་པར་འགྱུར་རོ། །དྲུག་གང་ཞེ་ན། འདི་ལྟ་སྟེ། དྲང་བ་དང་། མཉེན་པ་དང་། སྒྱུ་མེད་པ་དང་། གཡོ་མེད་པ་དང་། བསྩལ་བ་མེད་པ་དང་། བཅོས་པ་མེད་པ་སྟེ། སྲིང་མོ་དག་ཆོས་དྲུག་པོ་འདི་དག་དང་ལྡན་ན་བུད་མེད་བུད་མེད་ཀྱི་དངོས་པོ་ལས་གྱུར་ཏེ་
D157.058.0294a03.01སྐྱེས་པའི་དངོས་པོ་ཐོབ་པར་འགྱུར་རོ། །སྲིང་མོ་དག་གཞན་ཡང་ཆོས་བདུན་དང་ལྡན་ན་བུད་མེད་བུད་མེད་ཀྱི་དངོས་པོ་ལས་གྱུར་ཏེ་སྐྱེས་པའི་དངོས་པོ་ཐོབ་པར་འགྱུར་རོ། །བདུན་གང་ཞེ་ན། འདི་ལྟ་སྟེ། སངས་རྒྱས་ཀྱི་སྐུ་ཐོབ་པར་བྱ་བའི་ཕྱིར་སངས་རྒྱས་རྗེས་སུ་དྲན་པ་དང་། སངས་
D157.058.0294a04.01རྒྱས་ཀྱི་ཆོས་ཐོབ་པར་བྱ་བའི་ཕྱིར་ཆོས་རྗེས་སུ་དྲན་པ་དང་། རང་གིས་ཕྱིར་མི་ལྡོག་པའི་དགེ་འདུན་བསྡུ་བའི་ཕྱིར་དགེ་འདུན་རྗེས་སུ་དྲན་པ་དང་། སྨོན་ལམ་ཡོངས་སུ་དག་པར་བྱ་བའི་ཕྱིར་ཚུལ་ཁྲིམས་རྗེས་སུ་དྲན་པ་དང་། ཉོན་མོངས་པ་ཐམས་ཅད་ཡོངས་སུ་དོར་བའི་ཕྱིར་གཏོང་བ་
D157.058.0294a05.01རྗེས་སུ་དྲན་པ་དང་། བྱང་ཆུབ་ཀྱི་སེམས་རྣམ་པར་དག་པར་བྱ་བའི་ཕྱིར་ལྷ་རྗེས་སུ་དྲན་པ་དང་། དེ་དག་དགྲོལ་བའི་ཕྱིར་སེམས་ཅན་ཐམས་ཅད་ལ་སེམས་པ་སྟེ། སྲིང་མོ་དག་ཆོས་བདུན་པོ་འདི་དག་དང་ལྡན་ན་བུད་མེད་བུད་མེད་ཀྱི་དངོས་པོ་ལས་གྱུར་ཏེ་སྐྱེས་པའི་དངོས་པོ་ཐོབ་པར་
D157.058.0294a06.01འགྱུར་རོ། །སྲིང་མོ་དག་གཞན་ཡང་ཆོས་བརྒྱད་དང་ལྡན་ན་བུད་མེད་བུད་མེད་ཀྱི་དངོས་པོ་ལས་གྱུར་ཏེ་སྐྱེས་པའི་དངོས་པོ་ཐོབ་པར་འགྱུར་རོ། །བརྒྱད་གང་ཞེ་ན། འདི་ལྟ་སྟེ། ཟས་ལ་སྲེད་པ་མ་ཡིན་པ་དང་། སྐོམ་ལ་སྲེད་པ་མ་ཡིན་པ་དང་། མེ་ཏོག་དང་། སྤོས་དང་ཕྲེང་
D157.058.0294a07.01