完整藏文原文 · 德格版页 当前仅加载第 58 函德格 291b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱང་འགྲེལ། །འགྲོ་དྲུག་ཉེ་གཤེགས་ཁྱོད་ལ་ཕྱག་འཚལ་ལོ། །གསེར་གྱི་ཁ་དོག་འདྲ་ལ་ཕྱག་འཚལ་ལོ། །ཞི་གནས་དབང་པོ་དུལ་ལ་ཕྱག་འཚལ་ལོ། །སྟོན་གྱི་ཟླ་འདྲའི་ཞལ་ལ་ཕྱག་འཚལ་ལོ། །མི་མཆོག་ཡོན་ཏན་མངའ་ལ་ཕྱག་འཚལ་ལོ། །ཉོན་མོངས་
D157.058.0291b01.01བསྲེགས་ཤིང་བསྙེངས་པ་མི་མངའ་བ། །སྐྱེ་དགུ་འདི་དག་བསྒྲལ་དཀའ་ཆུ་བཞི་སྒྲོལ། །བསྒོམས་ཤིང་དབང་པོ་ཐུལ་བའི་བཅོམ་ལྡན་འདས། །ཁྱོད་ལ་སྐྱབས་སུ་མཆི་བར་མཆིད་ཀྱིས་འཚལ། །ཐུབ་པས་སྦྱིན་པ་བསམ་གྱིས་མི་ཁྱབ་སྩལ། །བསླངས་ན་དབང་པོ་
D157.058.0291b02.01དགྱེས་པར་རབ་འགྱུར་བ། །ཕ་རོལ་དག་ལ་སྦྱིན་པ་མཆོག་སྩོལ་བ། །གཏོང་དཔའ་བཅོམ་ལྡན་ཁྱོད་ལ་ཕྱག་འཚལ་ལོ། །སེམས་ཅན་ང་རྒྱལ་རྒྱགས་ཁེངས་གཏི་མུག་པ། །རྒྱུ་དང་རྐྱེན་དང་བྱ་བ་འགལ་བགྱིད་རྣམས། །འཕགས་པ་བླ་ན་མེད་པའི་ལམ་མཆོག་ལ། །རྣམ་པར་
D157.058.0291b03.01འདྲེན་པ་ཆེན་པོ་ཁྱོད་ཀྱིས་བཀོད། །ཕུང་པོ་རང་བཞིན་གྱིས་ནི་སྟོང་མཁྱེན་ནས། །ལས་དང་ཉོན་མོངས་ཟིལ་གྱིས་མནན་ཏེ་བཞུགས། །འདྲེན་པ་འགྲོ་བ་རྣམས་ཀྱི་སོམ་ཉི་གཅོད། །བཅོམ་ལྡན་དུས་གསུང་ཁྱོད་ལ་ཕྱག་འཚལ་ལོ། །བདེན་པའི་ཆོས་ལ་དགྱེས་ཤིང་མཉམ་
D157.058.0291b04.01པར་བཞག །ཆོས་རྣམས་ཀུན་ལ་མངའ་དབང་ཕ་རོལ་ཕྱིན། །བླ་ན་མེད་པ་ཁ་ལོ་སྒྱུར་བ་མཆོག །བཅོམ་ལྡན་དེད་དཔོན་ཁྱོད་ལ་ཕྱག་འཚལ་ལོ། །འཆོས་པ་མི་མངའ་གཡོ་སྒྱུ་རྣམས་དང་བྲལ། །བདུད་ཀྱི་སྡེ་རྣམས་འཇོམས་པའི་སྟོབས་པོ་ཆེ། །མི་མཆོག་ལམ་དང་ལམ་
D157.058.0291b05.01མ་ལགས་ལ་མཁས། །རླུང་དམར་ལྟ་བུར་ཅི་ལའང་ཆགས་མི་མངའ། །གཟིར་བར་གྱུར་གསལ་ཕ་རོལ་ཤིན་ཏུ་གནས། །ཐུབ་པ་བས་མ་འཚལ་བའི་བང་མཛོད་མངའ། །སྤྱད་པ་སྤྱོད་པའི་ཚེ་ན་གང་གཱ་ཡི། །བྱེ་མ་སྙེད་ཀྱི་མི་མཆོག་རྣམས་ལ་མཆོད། །མཐུ་བརྙེས་མི་གཡོ་
D157.058.0291b06.01བསམ་གྱིས་མི་ཁྱབ་པ། །ཆགས་པའི་སྐྱོན་མི་མངའ་ཞིང་ཐང་ལ་བཞུགས། །གནས་ན་བཞུགས་པའི་རྒྱལ་བ་རྣམས་ཀྱིས་བསྟེན། །དེ་སླད་མི་རྣམས་མཆོག་ལ་ཕྱག་འཚལ་ལོ། །སྐྱེ་དང་ན་དང་རྒ་ཤི་རྣམ་པར་སྤངས། །ཚེ་རབས་བྱེ་བ་བསམ་མི་ཁྱབ་པ་དགོངས། །བཅོམ་
D157.058.0291b07.01