完整藏文原文 · 德格版页 当前仅加载第 58 函德格 310a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་པོ་བྱང་ཆུབ་སེམས་དཔའ་ཆོས་བཞི་པོ་འདི་དག་དང་ལྡན་ན་ཡོངས་སུ་སྐྱོ་བར་རིག་པར་བྱའོ། །མི་འམ་ཅིའི་བདག་པོ་བྱང་ཆུབ་སེམས་དཔའ་ཆོས་བཞི་དང་ལྡན་ན་ཡོངས་སུ་མི་སྐྱོ་བར་རིག་པར་བྱའོ། །བཞི་གང་ཞེ་ན་འདི་ལྟ་སྟེ། སེམས་ཅན་གྱི་ཁམས་ཚད་མེད་པ་དེ་ཡང་བདག་གི་
D157.058.0310a01.01ཡོངས་སུ་མྱ་ངན་ལས་བཟླ་བར་བྱའོ་ཞེས་ཐོས་ན་མི་སྐྲག་པ་དང་། དགེ་བའི་རྩ་བ་བསྒྲུབ་པའི་ཕྱིར་འཁོར་བ་ཚད་མེད་པ་ཡོངས་སུ་གཟུང་བར་བྱའོ་ཞེས་ཐོས་ན་མི་སྐྲག་པ་དང་། ཐམས་ཅད་མཁྱེན་པའི་ཡེ་ཤེས་ཚད་མེད་པ་དེ་བདག་གི་ཡོངས་སུ་རྫོགས་པར་བྱའོ་ཞེས་ཐོས་ན་མི་སྐྲག་པ་དང་། བསོད་ནམས་ཚད་མེད་
D157.058.0310a02.01པ་བསགས་པས་མཚན་དང་དཔེ་བྱད་བཟང་པོ་འགྲུབ་སྟེ། བདག་གིས་ཀྱང་བསྒྲུབ་པར་བྱའོ་ཞེས་ཐོས་ན་མི་སྐྲག་པ་སྟེ། མི་འམ་ཅིའི་བདག་པོ་བྱང་ཆུབ་སེམས་དཔའ་ཆོས་བཞི་པོ་འདི་དག་དང་ལྡན་ན་ཡོངས་སུ་མི་སྐྱོ་བར་རིག་པར་བྱའོ། །མི་འམ་ཅིའི་བདག་པོ་གཞན་ཡང་བྱང་ཆུབ་སེམས་
D157.058.0310a03.01དཔའ་ཆོས་བཞི་དང་ལྡན་ན་ཡོངས་སུ་སྐྱོ་བར་རིག་པར་བྱའོ། །བཞི་གང་ཞེ་ན། འདི་ལྟ་སྟེ། སྐབས་སྐབས་སུ་ཉན་ཐོས་ཀྱི་ཐེག་པ་ལ་རེ་བ་དང་། སྐབས་སྐབས་སུ་རང་སངས་རྒྱས་ཐེག་པ་ལ་རེ་བ་དང་། དམ་པའི་ཆོས་རྣམ་པར་འཇིག་པ་ན་ཡལ་བར་འདོར་ཞིང་
D157.058.0310a04.01ཡོངས་སུ་མི་འཛིན་པ་དང་། གཞན་ཡང་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་ཏུ་མི་འཇུག་པ་སྟེ། མི་འམ་ཅིའི་བདག་པོ་བྱང་ཆུབ་སེམས་དཔའ་ཆོས་བཞི་པོ་འདི་དག་དང་ལྡན་ན་ཡོངས་སུ་སྐྱོ་བར་རིག་པར་བྱའོ། །མི་འམ་ཅིའི་བདག་པོ་གཞན་ཡང་བྱང་
D157.058.0310a05.01ཆུབ་སེམས་དཔའ་ཆོས་བཞི་དང་ལྡན་ན་ཡོངས་སུ་མི་སྐྱོ་བར་རིག་པར་བྱའོ། །བཞི་གང་ཞེ་ན། འདི་ལྟ་སྟེ། རབ་ཏུ་ཉེན་ཀྱང་བྱང་ཆུབ་ཀྱི་སེམས་མི་གཏོང་བ་དང་། ཉན་ཐོས་དང་རང་སངས་རྒྱས་ཀྱིས་ལ་མི་དབང་བ་དང་། ལུས་དང་སྲོག་འདོར་ཞིང་དམ་པའི་ཆོས་
D157.058.0310a06.01བསྲུང་བ་དང་། དཔག་ཚད་སྟོང་དུ་འགྲོ་ཞིང་གཞན་དག་བྱང་ཆུབ་ཡང་དག་པར་འཛིན་དུ་འཇུག་པ་སྟེ། མི་འམ་ཅིའི་བདག་པོ་བྱང་ཆུབ་སེམས་དཔའ་ཆོས་བཞི་པོ་འདི་དག་དང་ལྡན་ན་ཡོངས་སུ་མི་སྐྱོ་བར་རིག་པར་བྱའོ། །མི་འམ་ཅིའི་བདག་པོ་གཞན་ཡང་བྱང་ཆུབ་སེམས་
D157.058.0310a07.01