完整藏文原文 · 德格版页 当前仅加载第 58 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའི་བྱ་བ་ཡིན་ཏེ། ལེགས་སོ་ལེགས་སོ། །དེ་ནས་མིའམ་ཅིའི་རྒྱལ་པོ་སྡོང་པོ་འདི་སྙམ་དུ་སེམས་ཏེ། བདག་གིས་དེ་བཞིན་གཤེགས་པ་དེ་དག་ཐམས་ཅད་ཀྱི་དབུ་ལ་རིན་པོ་ཆེའི་གདུགས་གཞན་དག་བྱིན་གྱིས་བརླབ་པོ་སྙམ་མོ། །དེ་ནས་མིའམ་ཅིའི་རྒྱལ་པོ་སྡོང་པོ་དེའི་ཚེ་རིན་
D157.058.0276b01.01པོ་ཆེའི་གདུགས་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །མིའམ་ཅིའི་རྒྱལ་པོ་སྡོང་པོ་རིན་པོ་ཆེའི་གདུགས་བཀོད་པའི་ཏིང་ངེ་འཛིན་ལ་སྙོམས་པར་ཞུགས་མ་ཐག་ཏུ། དེ་ནས་དེ་བཞིན་གཤེགས་པ་ཐམས་ཅད་ཀྱི་དབུའི་ཐད་དྲང་གི་སྟེང་ན་རིན་པོ་ཆེའི་གདུགས་རྣམས་
D157.058.0276b02.01གནས་པར་ཀུན་ཏུ་སྣང་ངོ་། །འཁོར་དེར་ཐམས་ཅད་ཀྱི་ལག་པ་གཡས་པ་ནས་ཀྱང་རིན་པོ་ཆེའི་གདུགས་རྣམས་བྱུང་བར་གྱུར་ཏེ། དེ་དག་གིས་རིན་པོ་ཆེའི་གདུགས་དེ་དག་སངས་རྒྱས་བཅོམ་ལྡན་འདས་དེ་དག་ལ་མངོན་པར་བཀབ་བོ།། །།བམ་པོ་གསུམ་པ། མིའམ་
D157.058.0276b03.01ཅིའི་རྒྱལ་པོ་སྡོང་པོ་འདི་སྙམ་དུ་སེམས་ཏེ། འདི་ལྟར་བདག་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཉན་ཐོས་དང་། བྱང་ཆུབ་སེམས་དཔའི་དགེ་འདུན་བཅས་པར་བཤོས་ལ་སྤྱན་དྲངས་ཏེ། འདི་ལྟར་བདག་
D157.058.0276b04.01གིས་བཅོམ་ལྡན་འདས་འཁོར་དང་བཅས་པར་རིའི་རྒྱལ་པོ་སྤོས་ཀྱི་ངད་ལྡང་དུ་བདག་གི་གནས་སུ་གཤེགས་པར་གསོལ་ཏོ། །དེ་ལྟར་ན་བདག་གི་གནས་ཡོངས་སུ་སྤྱད་པར་འགྱུར་རོ། །ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་།
D157.058.0276b05.01མིའམ་ཅི་དང་། ལྟོ་འཕྱེ་ཆེན་པོའི་ཚོགས་ཚད་མེད་པ་ལ་ཕན་བཏགས་པར་ཡང་འགྱུར་རོ། །དེ་དག་ཀྱང་བཅོམ་ལྡན་འདས་ལ་བསྙེན་བཀུར་བྱ་བ་དང་། ཡོངས་སུ་སྤྱད་པར་བྱ་བར་སྤྲོ་བར་འགྱུར་ཏེ། དེའི་ཕྱིར་དེ་དག་གི་ཡུན་རིང་པོའི་དོན་དང་ཕན་པ་དང་། གྲུབ་པ་དང་། བདེ་བ་
D157.058.0276b06.01དང་། བྱང་ཆུབ་སེམས་དཔའི་བསྒྲུབ་པ་འཐོབ་པར་འགྱུར་རོ་སྙམ་མོ། །དེ་ནས་མིའམ་ཅིའི་རྒྱལ་པོ་སྡོང་པོས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཐལ་མོ་སྦྱར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ལ་ཐུགས་བརྩེ་བ་དང་།
D157.058.0276b07.01