完整藏文原文 · 德格版页 当前仅加载第 58 函德格 286b 版页；藏文 NFD、目录标记与异常页序保留在来源切片中，重复版页行以稳定序号区分。
བསྔལ་བསྟན་ནས་དབེན་པ་ཐོབ་པ་རྣམས་བླ་མའི་ལམ་བསྒོམ་དུ་གཟུད་པའི་ཕྱིར། མྱ་ངན་ལས་འདས་པ་སྟོན་པ་དང་། སྐྱོན་མེད་པ་ལ་མ་ཞུགས་པ་ལ་མྱ་ངན་ལས་འདས་པར་འགྲོ་བར་འདུན་པ་རྣམས་ཀྱི་མདུན་དུ། བྱང་ཆུབ་སེམས་དཔའ་ཐབས་ལ་མཁས་པ་སངས་རྒྱས་ཀྱི་སྐུ་སྟོན་པ་
D157.058.0286b01.01དང་། སངས་རྒྱས་ལ་དད་པ་ཐོབ་ཅིང་། སེམས་མཉམ་པར་བཞག་པ་རྣམས་བྱང་ཆུབ་ཀྱི་སེམས་ལེན་དུ་གཟུད་པའི་ཕྱིར། རྐྱེན་འདི་ཤེས་པ་ལ་འཇུག་པ་ཉེ་བར་སྟོན་པ་སྟེ། མིའམ་ཅིའི་བདག་པོ་རྣམ་པ་སུམ་ཅུ་རྩ་གཉིས་པོ་འདི་དག་གིས་བྱང་ཆུབ་སེམས་དཔའ་སེམས་དཔའ་
D157.058.0286b02.01ཆེན་པོ་ཐབས་ལ་མཁས་པར་རིག་པར་བྱའོ། །ཕ་རོལ་ཏུ་ཕྱིན་པ་དང་ཐབས་ལ་མཁས་པ་ལ་འཇུག་པ་ཡོངས་སུ་དག་པའི་ལེའུ་འདི་བསྟན་པ་ན། མི་འམ་ཅིའི་རྒྱལ་པོ་སྡོང་པོའི་འཁོར་དང་། དེ་མ་ཡིན་པ་གཞན་ལྷ་དང་། ཀླུ་དང་། གནོད་སྦྱིན་དང་། དྲི་ཟའི་སྲོག་ཆགས་
D157.058.0286b03.01དགུ་ཁྲི་བརྒྱད་སྟོང་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ། །བཅོམ་ལྡན་འདས་ཀྱི་འཁོར་བྱང་ཆུབ་སེམས་དཔའ་ལས་བྱང་ཆུབ་སེམས་དཔའ་ཁྲི་བརྒྱད་སྟོང་ནི་མི་སྐྱེ་བའི་ཆོས་ལ་བཟོད་པ་རབ་ཏུ་ཐོབ་པར་གྱུར་ཏོ། །མིའམ་ཅིའི་རྒྱལ་པོ་སྡོང་པོ་ནི་ཤེས་རབ་སྒྲོན་མ་
D157.058.0286b04.01ཞེས་བྱ་བའི་ཏིང་ངེ་འཛིན་རབ་ཏུ་ཐོབ་པར་གྱུར་ཏོ། །དེ་ནས་མིའམ་ཅིའི་རྒྱལ་པོ་སྡོང་པོ་བཅོམ་ལྡན་འདས་ཀྱིས་ཆོས་ཀྱི་གཏམ་གྱིས་རབ་ཏུ་དགའ་བར་བྱས། ཡང་དག་པར་འཛིན་དུ་བཙུད། གཟེངས་བསྟོད། ཡང་དག་པར་བསྟན་པས། ཚིམ་ཞིང་མགུ་ལ་ཡི་རངས་ཤིང་རབ་ཏུ་དགའ་
D157.058.0286b05.01སྟེ། དགའ་བ་དང་། ཡིད་བདེ་བ་སྐྱེས་ནས། རིན་ཐང་མེད་པའི་རས་བཅོས་མ་ཕྲུགས་གཅིག་བཅོམ་ལྡན་འདས་ལ་མངོན་པར་བཀབ་བོ། །བྱང་ཆུབ་སེམས་དཔའི་དགེ་འདུན་དང་། ཉན་ཐོས་ཀྱི་དགེ་འདུན་ཐམས་ཅད་ལ་ཡང་རིན་ཐང་མེད་པའི་གོས་ཀྱིས་སོ་སོར་བཀབ་བོ། །གནས་
D157.058.0286b06.01ཐམས་ཅད་ནི་ཡོངས་སུ་ལོངས་སྤྱད་པའི་ཕྱིར་བཅོམ་ལྡན་འདས་ལ་ཕུལ་ལོ། །དེ་ནས་མི་འམ་ཅིའི་རྒྱལ་པོ་སྡོང་པོའི་བུ་བརྒྱད་སྟོང་པོས་རིན་པོ་ཆེའི་པད་མ་བཀོད་པ་དང་། རིན་པོ་ཆེའི་གདུགས་བརྒྱད་སྟོང་དུ་ཚང་བས་བཅོམ་ལྡན་འདས་ལ་མངོན་པར་བཀབ་སྟེ། གཏོར་མ་ཐག་ཏུ་
D157.058.0286b07.01