完整藏文原文 · 德格版页 当前仅加载第 58 函德格 265a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་འོང་བ། ཡིད་དགའ་བར་བྱེད་པ། ཆགས་པར་བྱེད་པ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་གོ་བར་བྱས་པར་གྱུར་ཏོ། །དེ་ནས་ཚེ་དང་ལྡན་པ་ཤཱ་རིའི་བུས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
D157.058.0265a01.01དགའ་བར་བགྱིད་པ། མགུ་བར་བགྱིད་པའི་མཚན་མ་རྒྱ་ཆེན་པོ་འདི་ལྟ་བུ་འདི་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྒྱན་ཐམས་ཅད་ཀྱིས་བརྒྱན་པར་གྱུར་པ་གདའ་བ་འདི་སུའི་སྔ་ལྟས་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་
D157.058.0265a02.01བུ་འདི་ནི་མིའམ་ཅིའི་རྒྱལ་པོ་སྡོང་པོ་རི་སྤོས་ཀྱི་ངད་ལྡང་ནས་འཁོར་མིའམ་ཅི་སྟོང་ཕྲག་དུ་མ་དང་འཁོར་དྲི་ཟ་སྟོང་ཕྲག་དུ་མ་དང་། འཁོར་ལྷ་སྟོང་ཕྲག་དུ་མ་དང་བཅས་ཏེ་འོང་བ་དེའི་སྔ་ལྟས་སོ། །དེ་སྐད་གསུངས་མ་ཐག་ཏུ་དེ་ནས་སྐད་ཅིག་དེ་ལ་མིའམ་ཅིའི་རྒྱལ་པོ་སྡོང་
D157.058.0265a03.01པོ་སིལ་སྙན་དང་། གླུ་དབྱངས་ལེན་པ་བརྒྱད་ཁྲི་བཞི་སྟོང་དང་། འཁོར་བརྒྱ་སྟོང་དུ་མས་བསྐོར་ནས་སྟེང་གི་བར་སྣང་ལ་མེ་ཏོག་གི་ཆུ་བོའི་ཆར་འབེབས་ཤིང་། བཅོམ་ལྡན་འདས་ག་ལ་བ་དེར་འོངས་ཏེ་ཕྱིན་ནས་འཁོར་དང་བཅས་པས། བཅོམ་ལྡན་འདས་ཀྱི་
D157.058.0265a04.01ཞབས་ལ་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན་འདས་ཀྱི་སྤྱན་སྔར་འདུག་གོ། །དེ་ནས་བཅོམ་ལྡན་འདས་ཀྱི་སྤྱན་སྔར་མིའམ་ཅིའི་རྒྱལ་པོ་སྡོང་པོ་བདག་ཉིད་ཀྱིས་པི་བང་གི་ཁོག་པ་(བཻདཱུརྱ་,བཻ་ཌཱུརྱ་)ལས་བྱས་པ། འཛམ་བུའི་གླིང་
D157.058.0265a05.01གི་གསེར་གྱི་སབ་ལེའུ་ཅན། ས་ལེ་སྦྲམ་དང་། ནོར་བུ་དང་། རིན་པོ་ཆེ་དུ་མས་སྤྲས་པ། སྔོན་གྱི་ལས་ཀྱི་རྣམ་པར་སྨིན་པས་ཡོངས་སུ་སྦྱངས་པ་བླངས་ཏེ། སིལ་སྙན་བརྒྱད་ཁྲི་བཞི་སྟོང་པོ་དེ་དག་དང་ལྷན་ཅིག་ཏུ་གྲག་པར་བྱེད་དོ། །མིའམ་ཅིའི་རྒྱལ་པོ་སྡོང་པོས་པི་
D157.058.0265a06.01བང་དེ་བླངས་མ་ཐག་ཏུ་དེ་ནས་པི་བང་གི་སྒྲ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དབྱངས་ཀྱིས་གོ་བར་གྱུར་ཏོ། །པི་བང་གི་སྒྲ་དེས་འདོད་པ་ན་སྤྱོད་པའི་རྒྱུད་ཀྱི་སྒྲ་དང་། གླུའི་སྒྲ་དང་། ལྷའི་གླུ་དབྱངས་ཀྱི་སྒྲ་རྣམས་ཟིལ་གྱིས་མནན་ཏེ་མི་གསལ་བར་གྱུར་ཏོ། །
D157.058.0265a07.01