完整藏文原文 · 德格版页 当前仅加载第 58 函德格 264b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་མཉམ་པར་གནས་པར་གྱུར་ཏོ། །ཆུ་ན་གནས་པའི་སེམས་ཅན་རྣམས་ལ་ཡང་གནོད་པ་མེད་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་ཤིང་སྐམ་གང་དག་ལོ་བརྒྱ་ལོན་པ་དེ་དག་ཐམས་ཅད་ལས་ཀྱང་མེ་ཏོག་དང་། འབྲས་བུ་སྣ་
D157.058.0264b01.01ཚོགས་སྐྱེས་པར་གྱུར་ནས། བཅོམ་ལྡན་འདས་ག་ལ་བ་དེ་ལོགས་སུ་བཏུད་མངོན་པར་བཏུད་ནས་ཕྱག་འཚལ་བར་གྱུར་ཏོ། །དེ་མ་ཡིན་པ་ཤིང་གཞན་ཐམས་ཅད་ལས་ཀྱང་མེ་ཏོག་དང་འབྲས་བུ་སྣ་ཚོགས་སྐྱེས་ནས་བཅོམ་ལྡན་འདས་ག་ལ་བ་དེ་ལོགས་སུ་བཏུད་མངོན་པར་བཏུད་ནས་
D157.058.0264b02.01ཕྱག་འཚལ་བར་གྱུར་ཏོ། །ས་ཆེན་པོ་ལས་པད་མ་ཚད་ཤིང་རྟའི་འཁོར་ལོ་ཙམ་སྣ་ཚོགས་བལྟ་ན་སྡུག་པ་ཁ་དོག་དང་ལྡན་པ་དྲི་དང་ལྡན་པ་ཡིད་དུ་འོང་བ་སྐྱེས་སོ། །སྣང་བ་ཆེན་པོས་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་གསལ་བར་གྱུར་ཏོ། །
D157.058.0264b03.01མི་སྣང་ཞིང་མ་དཀྲོལ་བར་སྟེང་གི་བར་སྣང་ལས་ལྷའི་སིལ་སྙན་དང་། གླུ་དབྱངས་ཀྱི་སྒྲ་བྱུང་སྟེ་གྲགས་པར་གྱུར་ཏོ། །རིའི་རྒྱལ་པོ་གངས་ཅན་དང་། རིའི་རྒྱལ་པོ་སྤོས་ཀྱི་ངད་ལྡང་ལས་ཀྱང་ལྷའི་མེ་ཏོག་སྣ་ཚོགས་སྔོན་དྲི་མི་མནམ་པ་རྣམས་ཀྱང་མཆོག་གི་དྲི་ལངས་པར་
D157.058.0264b04.01གྱུར་ཏེ། དྲི་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར་དྲི་ཞིམ་པོ་བསྣམ་པར་གྱུར་ཏོ། །རིའི་རྒྱལ་པོ་གངས་ཅན་དང་། རིའི་རྒྱལ་པོ་སྤོས་ཀྱི་ངད་ལྡང་དེ་ལས་མེ་ཏོག་གི་ཆར་ཆེན་པོ་བབ་སྟེ། དེ་དག་བཅོམ་ལྡན་འདས་ཀྱི་འཁོར་གྱི་དཀྱིལ་འཁོར་
D157.058.0264b05.01གང་ན་བ་དེར་མངོན་པར་བབས་ནས་ས་ཆེན་པོ་འདིར་མེ་ཏོག་གི་ཆར་དེ་དག་གིས་པུས་མོ་མན་ཅད་ནུབ་པར་གྱུར་ཏོ། །མེ་ཏོག་གི་ཤིང་དེ་དག་ལས་མེ་ཏོག་སྣ་ཚོགས་ཀྱི་ཆར་རབ་ཏུ་འབབ་ཅིང་། སིལ་སྙན་དང་། གླུ་དབྱངས་སྣ་ཚོགས་ཀྱི་སྒྲ་དག་ཀྱང་བྱུང་ངོ་། །སྟེང་གི་བར་
D157.058.0264b06.01སྣང་ལ་རིན་པོ་ཆེ་སྣ་ཚོགས་ཀྱི་གདུགས་དཔག་ཚད་བརྒྱ་སྟོང་ཕྲག་བཅུའི་ཚད་ཙམ་ཀུན་དུ་གནས་པར་གྱུར་ཏོ། །རིན་པོ་ཆེའི་གདུགས་དེ་ལས་མུ་ཏིག་གི་དོ་ཤལ་དང་། རིན་པོ་ཆེའི་དྲིལ་བུ་གཡེར་ཀའི་དྲིལ་བུ་སྣ་ཚོགས་ཀྱི་དྲ་བ་འཕྱང་བར་གྱུར་ཏོ། །དྲིལ་བུ་གཡེར་ཀའི་དྲ་བའི་སྒྲ་ཡིད་
D157.058.0264b07.01