完整藏文原文 · 德格版页 当前仅加载第 80 函德格 184b 版页；藏文 NFD、目录标记与异常页序保留在来源切片中，重复版页行以稳定序号区分。
དེས་འགྲུབ་འགྱུར། །ཡི་གེ་ཨཱི་ལ་པར་གྱུར་ན། །ཟླ་བ་དྲུག་ན་འཆི་བ་དང་། །དེ་བཞིན་དགྲས་ནི་གཟིར་བ་དང་། །མེ་ཡིས་འཇིགས་པ་ཤེས་པར་བྱ། །ཡི་གེ་ཨུ་ལ་བབ་གྱུར་ན། །དཔལ་དང་གྲོགས་མོ་རྙེད་པ་དང་། །ནོར་དང་འབྲུ་ནི་འཕེལ་པར་འགྱུར། །དཔའ་རྣམས་
D428.080.0184b01.01ཀྱང་ནི་རྙེད་པར་འགྱུར། །ཨཱུ་ལ་གལ་ཏེ་བབ་གྱུར་ན། །དེ་ནི་དགྲ་ཡིས་འཚེ་བར་འགྱུར། །བྲན་བཟའ་དང་ནི་གཉེན་མཚན་རྣམས། །འཇིགས་ཤིང་སྐྲག་པར་སྣང་བར་འགྱུར། །ཡི་གེ་ཨེ་ལ་བབ་གྱུར་ན། །འཕྲལ་དུ་སྐྱེ་བོ་སྐལ་ཅན་འགྱུར། །སྐྱེས་པ་པུད་མེད་དག་གི་
D428.080.0184b02.01ནི། །མཆོད་པའི་གནས་ནི་ཐོབ་པར་འགྱུར། །ཨཻ་ཡི་མཚན་མ་ལ་ལྷུང་ན། །དགྲ་དང་རྒྱལ་པོའི་འཇིགས་པ་དང་། །ལུས་ཅན་རྐུན་པོས་གཟིར་འགྱུར་ཞིང་། །ནད་དང་རིམས་ཀྱིས་ཐེབས་པར་འགྱུར། །ཨོ་ཡི་མཚན་མ་ལ་བབ་ན། །གནས་ཀྱི་དབང་པོ་འགྱུར་བ་དང་།
D428.080.0184b03.01ནོར་དང་འབྲུ་ནི་རྙེད་འགྱུར་ཞིང་། །ཡིད་འོང་རིག་པ་དེ་བཞིན་ནོ། །ཨཽ་ཡི་མཚན་མ་ལ་བབ་ན། །འཐབ་མོ་དང་ནི་དགྲས་འཚེ་ཞིང་། །གནས་ལས་ཉམས་དང་བརྡེག་འཚོག་དང་། །བྱས་པ་ཆུད་ནི་ཟོར་པར་འགྱུར། །ཡི་གེ་ཨྃ་ལ་བབ་གྱུར་ན། །བྲན་བཟང་དག་ནི་རྙེད་འགྱུར་
D428.080.0184b04.01ཞིང་། །བུ་དང་རིག་པ་རྙེད་འགྱུར་ཏེ། །དེ་བཞིན་གྲོགས་པོ་རྙེད་པར་འགྱུར། །ཇི་ལྟར་སྔོན་གྱི་ཨ་ཞེས་པ། །དེ་བཞིན་ཐ་མའང་གཟུང་བར་བྱ། །དྲུག་འགྱུར་དུ་ནི་བཞག་ནས་སུ། །ལྔ་པ་དེ་ནི་སུམ་འགྱུར་བྱ། །སུམ་བརྒྱ་དྲུག་ཅུ་བསྲེས་ནས་ནི། །ས་བཞིན་དུ་ནི་བཅད་ནས་
D428.080.0184b05.01སུ། །ཡི་གེ་ལྷག་མ་བཟུང་བྱས་ཏེ། །དགེ་དང་མི་དགེ་མཚན་པར་བྱ། །ཡང་ན་རི་མོ་ཀྱག་ཀྱོག་བྲི། །དབྱངས་ཀྱི་དང་པོ་ལ་སོགས་པ་གྲང་། །ཡང་ན་མེ་ཏོག་གཏོར་ནས་ནི། །དེ་བཞིན་ས་ནི་མཚོན་པར་བྱ། །སྔ་དྲོ་རོ་ཧི་ཏ་དུས་སུ། །བདེན་པ་ཐམས་ཅད་བལྟ་བར་བྱ། །
D428.080.0184b06.01རྣལ་འབྱོར་བསྟན་བཅོས་རབ་ཏུ་བསྔགས། །བདག་གི་གདན་གྱི་རབ་ཏུ་བྱེད་པ་ལས་རིམ་པར་ཕྱེ་བ་སྟེ་དང་པོའོ།། །།ཡེ་ཤེས་དེ་ནི་བྱི་བྲག་དག །བཅོམ་ལྡན་འདས་ལ་ཉན་པར་འཚལ། །ལུས་ཀྱི་མཚན་མ་ཇི་ལྟ་བུ། །དེ་ཉིད་གང་ལ་བརྟེན་པར་བགྱི། །
D428.080.0184b07.01