完整藏文原文 · 德格版页 当前仅加载第 80 函德格 226b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་བསམས་ནས་ནི། །ཉི་ཤུ་རྩ་གཅིག་གནས་རྣམས་ནས། །གོང་ནས་དེ་བཞིན་སྟེང་གནས་སུ། །རྣལ་འབྱོར་པ་ཡིས་སྨིན་བྱས་ལ། །སྟེང་གི་རྩ་ལ་བཟླ་བར་བྱ། །ཚིགས་དགུ་ལས་ནི་སྟེང་གཞན་གྱིས། །མོད་ལ་འཕོ་བར་ཤེས་བྱ་སྟེ། །ཉིན་རེ་བྲམ་ཟེ་
D428.080.0226b01.01གསོད་པ་དང་། །མཚམས་མེད་ལྔ་ནི་བྱེད་པ་དང་། །རྐུ་འཕྲོག་འདོད་ལ་སྤྱོད་པ་དག །ལམ་འདི་ཡིས་ནི་དག་འགྱུར་ཏེ། །སྡིག་པས་གོས་པར་མི་འགྱུར་ཞིང་། །སྲིད་པའི་སྐྱོན་ལས་རིང་དུ་འགྲོ། །ཇི་ལྟར་འདམ་ནས་སྐྱེས་པ་ཡི། །པདྨ་དྲི་མེད་ཡིད་འོང་བ། །དེ་
D428.080.0226b02.01བཞིན་ལུས་ཀྱི་འདམ་ལས་ནི། །ཡེ་ཤེས་སྐུ་ནི་འདོད་བཞིན་འགྲོ། །དུས་ལ་བབ་ན་འཕོ་བྱ་སྟེ། །དུས་མིན་ལྷ་རྣམས་གསོད་པར་འགྱུར། །དེ་བས་ལུས་ལ་མཚན་མ་རྣམས། །མཐོང་ནས་མཁས་པས་སྦྱོར་བ་བརྩམ། །རྣལ་འབྱོར་བསྒྲུབ་པའི་ཁྱད་པར་གྱི། །
D428.080.0226b03.01དེ་ཉིད་ཇི་བཞིན་རྡོ་རྗེས་ཉོན། །སྔར་གྱི་མཚན་ཉིད་ཀུན་རིག་པས། །མཉམ་ཉིད་སེམས་ནི་བསྒོམ་པར་བྱ། །སྙིང་གའི་དཀྱིལ་འཁོར་དབུས་གནས་པར། །སངས་རྒྱས་ལྔ་ཡི་ས་བོན་བསམ། །དེ་འོད་ཉི་མར་འབར་བ་ཡིས། །གཟུགས་རྣམས་ཟད་པར་བསམས་ནས་ནི། །
D428.080.0226b04.01སྔོན་བཞིན་མཚན་ཉིད་ལྡན་པ་ཡིས། །སྔར་བསྟན་སྟོང་ཉིད་བསམ་པར་བྱ། །གཟུགས་སོགས་ཐམས་ཅད་བཅོམ་ནས་ནི། །ཧཱུྃ་ཞེས་བྱ་བ་གནས་པར་བསམ། །ས་བོན་གྱིས་ནི་བསྐྱེད་བྱ་བ། །ཟླ་བའི་དཀྱིལ་འཁོར་དབུས་གནས་པ། །པདྨའི་སྟན་ལ་བཞུགས་པ་ཡི། །
D428.080.0226b05.01ཡེ་ཤེས་མཁའ་འགྲོའི་བདག་ཉིད་ནི། །ཞལ་གསུམ་ཕྱག་ནི་དྲུག་པ་སྟེ། །སྤྱན་གསུམ་ཅོད་པན་གྱིས་བརྒྱན་ཞིང་། །བཞད་དང་ཁྲོ་དང་སྒེག་པ་སྟེ། །རྒྱན་རྣམས་ཀུན་གྱིས་བཀླུབས་པ་ཡི། །ཀུནྡ་ཟླ་བ་ལྟར་དཀར་ཞིང་། །ཤིན་ཏུ་མཛེས་པའི་ན་བཟའ་མནབས། །
D428.080.0226b06.01སེམས་དཔའི་སྐྱིལ་ཀྲུང་གནས་ནས་ནི། །སངས་རྒྱས་སྤྲིན་རྣམས་སྤྲོ་བ་མཛད། །གཡས་ཀྱི་དང་པོ་མདའ་ཡིན་ཏེ། །གཉིས་པ་ཡིས་ནི་ལྕགས་ཀྱུ་བསྣམས། །གསུམ་པ་ནི་རྡོ་རྗེ་ཉིད། །གཡོན་པ་ཁྲོ་བོའི་སྡིགས་མཛུབ་སྟེ། །གཉིས་པ་འཇིགས་པའི་ཞགས་པ་
D428.080.0226b07.01