完整藏文原文 · 德格版页 当前仅加载第 80 函德格 225b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱོགས་ཆར། །འོག་ཏུ་སོར་ནི་ལྔ་པའོ། །ཞིང་དེ་ལ་ནི་ས་བོན་དང་། །འོད་ཟེར་ཚོགས་ཀྱི་མྱུ་གུར་འགྱུར། །ས་བོན་དེ་ཡི་འོད་ཟེར་གྱིས། །ཆུ་ཤིང་ལྟ་བུར་བསྐོར་བར་བྱ། །རྒྱས་པ་ལྔ་ཡི་ས་བོན་ལ། །ལྷོ་ཡི་འོག་ནས་དགར་བར་བྱ། །པདྨོ་མཛེས་པ་
D428.080.0225b01.01བཀས་པ་ཡིས། །འདབ་མ་བརྒྱད་ཀྱིས་རྣམ་པར་བརྒྱན། །པདྨོ་དེ་ཡི་སྟན་ལ་ནི། །སྒོང་སྐྱེས་ཡེ་ཤེས་གནས་དག་ལ། །དབུས་སུ་ཤེལ་ལྟར་དག་པ་ཡིས། །ཡེ་ཤེས་རྣམ་ཤེས་དབུ་མ་ཉིད། །མཁའ་འགྲོ་མ་བཞིའི་ས་བོན་རྣམས། །ཕྱོགས་ཀྱི་འདབ་
D428.080.0225b02.01མར་གནས་པ་སྟེ། །དབྱངས་ཡིག་དང་པོ་སོགས་ས་བོན། །མཚམས་སུ་སེན་མོ་ལ་སོགས་པའི། །མ་ནིང་ཡི་གེ་སྔར་བསྟན་བཞིན། །སྙིང་གར་དངོས་པོ་དངོས་པོ་ཡིས། །སྙིང་གར་ཡི་གེ་བལྟ་བར་བྱ། །བ་ལང་རྨེག་པའི་སྟེང་དུ་ནི། །སྒོ་དགུ་པ་ཡི་བདུད་རྩི་
D428.080.0225b03.01ཡིས། །རྣལ་འབྱོར་ཅན་གྱིས་རྟག་ཏུ་བཀྲུ། །ཡི་གེ་དཀར་པོ་བརྒྱད་པོ་རྣམས། །བདུད་རྩིའི་ཡི་གེ་དཀར་པོ་ཡི། །འོད་འབར་པ་སྤུའི་ཁུང་ནས་སྤྲོ། །རྣལ་འབྱོར་ཅན་གྱིས་ཐམས་ཅད་དུ། །འགྲོ་དང་འཆག་དང་འདུག་པ་དང་། །ཉལ་བ་ལ་སོགས་དུས་ཀུན་ཏུ། །
D428.080.0225b04.01ཡེ་ཤེས་རྣམ་ཤེས་ས་བོན་བཟླས། །ཤིན་ཏུ་མཉམ་གཞག་སེམས་ཀྱིས་ནི། །རྣལ་འབྱོར་ཅན་གྱིས་བསྒོམས་བཟླས་ན། །ཡེ་ཤེས་ལས་བྱུང་རྣལ་འབྱོར་པ། །འཁོར་བའི་ཕ་རོལ་རྒལ་བར་འགྱུར། །གཡོ་བ་མེད་ཅིང་འཚེ་མེད་པར། །དངོས་པོས་
D428.080.0225b05.01དངོས་པོ་བསྒོམ་པར་བྱ། །གོང་དུ་འཕོ་བའི་སྦྱོར་མཚན་ཉིད། །ཇི་བཞིན་རྡོ་རྗེས་མཉན་པར་གྱིས། །ལམ་བཟང་པོ་ཡི་རྣལ་འབྱོར་པ། །འགྲོ་བ་མཛེས་པ་བལྟ་བར་བྱ། །སྒོ་དགུ་པོ་ནི་ཇི་ལྟ་བུ། །ཡེ་ཤེས་སྒོ་ཡི་བྱེ་བྲག་གིས། །ཡོན་ཏན་སྐྱོན་རྣམས་ཇི་ལྟ་བུ། །
D428.080.0225b06.01ཡེ་ཤེས་དབང་ལས་ཉན་པར་འཚལ། །འཆི་བའི་དུས་ཀྱི་ཚད་མ་རྣམས། །ཡང་དག་རབ་སྦྱོར་མཉན་པར་གྱིས། །ལམ་བཟང་པོ་ཡིས་མཛེས་པའི་གནས། །ལམ་ངན་སྲིད་པའི་སྐྱོན་གྱིས་གོས། །ཐིག་ལེ་ལྟེ་བ་སྤྱི་གཙུག་དང་། །མིག་དང་སྣ་དང་རྣ་སྲིད་སྒོ། །ཆུ་
D428.080.0225b07.01