完整藏文原文 · 德格版页 当前仅加载第 80 函德格 216b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲུབ་པར་འགྱུར། །སྨན་ལ་སོགས་པའི་ཁྱད་པར་རྣམས། །བསྐྱོད་པའི་སྦྱོར་བར་ལྡན་པར་བྱ། །གུར་གུམ་དང་ནི་གི་ཝང་དང་། །ཀར་སྦྲང་རྩེ་པ་ལ་ཤ། །ཡུང་བ་རུ་རྟ་ཆ་མཉམ་པ། །སྦྱོར་བའི་གནས་སུ་གཟུང་བར་བྱ། །རྫས་དེ་དག་ནི་བསྒོས་ནས་སུ། །
D428.080.0216b01.01རྟག་ཏུ་ཐིག་ལེ་བྱས་གྱུར་ན། །རྒྱལ་པོ་བློན་པོ་ཕོ་བྲང་བཅས། །ཐམས་ཅད་དུ་ནི་དགའ་བར་འགྱུར། །དབང་པོ་ལག་དང་རུ་རྟ་དང་། །རྨོངས་བྱེད་མ་དང་རེངས་བྱེད་མ། །བདག་གི་ལྡ་དང་ཡན་ལག་ལྔ། །ལྔ་པོ་ཐམས་ཅད་ཆ་བསྙམས་ལ། །བཟའ་དང་བཏུང་དང་སོ་རྩི་དང་། །ཞིབ་ཏུ་
D428.080.0216b02.01བཏགས་ཏེ་སྦྱར་ལ་སྦྱིན། །ཐམས་ཅད་དུ་ནི་དབང་འགྱུར་ཏེ། །འཆི་བ་ན་ཡང་གཏེར་མི་འགྱུར། །ཁྲག་ནི་གཏོར་བའི་སྦྱོར་བ་ཡིས། །དབང་ལ་སོགས་པའི་ལས་རྣམས་འགྲུབ། །སྔགས་ནི་འབུམ་དུ་བཟླས་པ་ཡིས། །འགྲོ་བ་ཐམས་ཅད་རྨོངས་པར་འགྱུར། །
D428.080.0216b03.01བདག་གི་ལུས་ལ་གཤེགས་གསོལ་བ། །བདག་ཉིད་ཇི་ལྟར་དགའ་བར་བྱ། །སེམས་ཅན་དོན་ཕྱིར་བློ་ལྡན་པས། །ཐམས་ཅད་དབང་དུ་འདུ་བར་འགྱུར། །བརྟུལ་ཞུགས་བྲམ་ཟེའི་ཉེ་དུ་མོས། །ཞི་བའི་ལས་ནི་སྐྱེ་བར་འགྱུར། །རྒྱལ་པོ་བླ་མ་གསང་བ་མོས། །
D428.080.0216b04.01རྒྱས་པའི་ལས་ནི་སྦྱར་པར་བྱ། །རྗེའུ་རིགས་དམངས་མོ་ཐམས་ཅད་ཀྱིས། །དབང་གི་ལས་ནི་བསྒྲུབ་པར་བྱ། །ལྷམ་མཁན་ཤན་པ་ཉ་པ་མོས། །མངོན་སྤྱོད་དུ་ནི་རབ་ཏུ་གྲགས། །ཀླ་ཀློ་གདོལ་པ་ཚོས་མཁན་མས། །སྦྱོར་བའི་དངོས་གྲུབ་བཤད་པ་ཡིན། །དེ་
D428.080.0216b05.01བས་འབད་པ་ཐམས་ཅད་ཀྱིས། །རྣལ་འབྱོར་བསྟན་བཅོས་གཟུང་བར་བྱ། །གཞན་ཡང་རྐང་སྟབས་བཅིང་བར་བྱ། །སེམས་ཅན་བསྒྲལ་བའི་གནས་ཡིན་ཏེ། །གཉིས་ནི་ཀུན་ཏུ་འདུས་ནས་བསྐྱོད། །དེ་ཉིད་ཕྱག་རྒྱ་ཞེས་བྱ་བཅིང་། །མཉམ་པའི་རྐང་སྟབས་དང་།
D428.080.0216b06.01དབྱེ་བའི་སྟབས་དང་། ཟླུམ་པོའི་སྟབས་དང་། གསུམ་གནོན་པོའི་སྟབས་དང་། རུས་སྦལ་གྱི་སྟབས་དང་། གཡས་བརྐྱང་དང་། གཡོན་བརྐྱང་དང་། གནས་གཅིག་པ་དང་། འདུག་པ་དང་། བུང་བའི་ཚོགས་དང་། རྒྱ་མཚོ་རླབ་པ་དང་། རི་བོ་
D428.080.0216b07.01