完整藏文原文 · 德格版页 当前仅加载第 80 函德格 229b 版页；藏文 NFD、目录标记与异常页序保留在来源切片中，重复版页行以稳定序号区分。
སྒོང་སྐྱེས་གནས་སུ་ནི། །བདག་གི་སེམས་ནི་མཉམ་བྱ་སྟེ། །སེམས་དང་ཡེ་ཤེས་འདྲེས་པས་ན། །གཉིས་མེད་མཉམ་པའི་ཁྱད་པར་གྱིས། །གཟུགས་དང་སྟོང་པའི་མཐའ་དང་ནི། །དེ་བཞིན་དངོས་དང་དངོས་མེད་ཉིད། །གཟུང་དང་འཛིན་པ་ལ་སོགས་
D428.080.0229b01.01གཞན། །ལེགས་བྱས་དང་ནི་བཟློག་པ་རྣམས། །མཚན་གཞི་མཚན་ཉིད་སྟོན་པའོ། །དེ་ཡི་དབུས་སུ་བསྒོམ་པར་བྱ། །སྦྱིན་དང་ཚུལ་ཁྲིམས་བཟོད་སོགས་པའི། །རྫས་འདི་ཡིས་ནི་མཆོད་ནས་སུ། །མི་གཡོ་འཚེ་བ་མེད་པ་རུ། །དངོས་པོས་དངོས་
D428.080.0229b02.01པོ་བསྒོམ་པར་བྱ། །མཉམ་བཞག་དངོས་པོ་བསྒོམས་ནས་ནི། །འགྲུབ་འགྱུར་འདིར་ནི་ཐེ་ཚོམ་མེད། །ཆོས་ཀྱི་དབྱིངས་ཀྱི་རང་བཞིན་གྱི། །དེ་ཉིད་བསྟན་བཅོས་ལུང་ལ་སོགས། །རྣལ་འབྱོར་དམིགས་པ་གོམས་བྱས་པའི། །སློབ་མ་ཆེན་པོའི་ལུས་
D428.080.0229b03.01ཅན་རྣམས། །གདན་བཞི་པ་ཡི་དེ་ཁོ་ན། །བླ་མའི་མན་ངག་ལྡན་པ་ཡིས། །རིམ་གྱིས་རང་དགར་ལོངས་སྤྱོད་དེ། །བདག་མེད་བལྟ་ཞིང་མྱང་བར་བྱ། །བདུད་རྩི་མྱོང་བའི་རྣལ་འབྱོར་བས། །ཡེ་ཤེས་སྐུ་ནི་མྱུར་དུ་འཐོབ། །ཡེ་ཤེས་སྐུ་ཡི་རྣལ་འབྱོར་པས། །
D428.080.0229b04.01བདག་དང་གཞན་དོན་མཆོག་ཏུ་འགྱུར། །ཤིན་ཏུ་རྣམ་པར་དག་པ་ཡི། །ཆོས་ཀྱི་དབྱིངས་ཀྱི་རྣལ་འབྱོར་རོ། །གསང་ཆེན་སྦྱོར་བའི་མཚན་ཉིད་ཀྱི། །དེ་ཉིད་དེ་ཉིད་མཆོག་དེ་ཉིད། །གང་གིས་བྱང་ཆུབ་ལམ་གྱུར་པ། །བཅོམ་ལྡན་འདས་ལ་ཉན་པར་འཚལ། །
D428.080.0229b05.01བཅོམ་ལྡན་འདས་ཀྱིས་བཀའ་སྩལ་པ། །དང་པོར་རེ་ཞིག་རྣལ་འབྱོར་པས། །བདག་ཉིད་རང་དགར་བྱེད་པ་ཡི། །རྟ་རྒོད་ལྟ་བུའི་སེམས་དེ་ཉིད། །མཁས་པ་ཡིས་ནི་བསྡམ་པར་བྱ། །ཇི་ལྟར་བུང་བ་མེ་ཏོག་བསྙུང་བ་ཡི། །ཆང་གིས་མྱོས་ཤིང་སེམས་ནི་
D428.080.0229b06.01བརྟན་འགྱུར་ཏེ། །ལོངས་སྤྱོད་ཞུགས་ཤིང་སྡུག་བསྔལ་རྨོངས་དང་བྲལ། །དེ་བཞིན་བསྒོམ་པའི་ལམ་གྱིས་ཡིད་བཅིང་བྱ། །ཡིད་བསྡམས་པ་ནི་འགྲུབ་འགྱུར་བས། །དང་པོར་ཡིད་ནི་བསྡམ་པར་བྱ། །ཡིད་ཀྱིས་བསྒྲུབ་པའི་བྱེ་བྲག་གིས། །བྱང་ཆུབ་ཡེ་ཤེས་
D428.080.0229b07.01