完整藏文原文 · 德格版页 当前仅加载第 80 函德格 221b 版页；藏文 NFD、目录标记与异常页序保留在来源切片中，重复版页行以稳定序号区分。
གཏོར་མའི་ལས་དང་བཟླས་པ་དང་། །དཀྱིལ་འཁོར་མེ་དང་ཆུ་ཡི་ལས། །ཕྱག་རྒྱ་གདུགས་སོགས་མཆོད་པ་ཡི། །འབྲས་བུ་ཐོབ་པའི་རྣལ་འབྱོར་པའང་། །སྲིད་པའི་རྒྱ་མཚོར་ལྟུང་བར་འགྱུར། །ཕྱག་ན་རྡོ་རྗེས་ཡང་གསལ་བ། །སྲིད་པ་སོ་སོར་
D428.080.0221b01.01འབྱུང་བ་རྣམས། །གང་གིས་དེ་ཡི་ཚད་མ་སྟེ། །སེམས་ནི་ཇི་ལྟར་བལྟ་བར་བགྱི། །ཡིད་ནི་ཐེ་ཚོམ་སྐྱེས་པར་གྱུར། །འཁོར་བ་ཁྱོད་ཡིས་དྲིས་པ་ཉོན། །སེམས་ནི་ཡིད་ཀྱིས་བཀྲུས་ནས་སུ། །རང་དགའ་ཡེ་ཤེས་དངོས་མེད་པ། །མཁའ་འགྲོ་རླུང་གིས་
D428.080.0221b02.01བཅིངས་པ་ཡིས། །སེམས་ནི་གཟུགས་དང་གཟུགས་མེད་པར། །བསམ་གཏན་དམིགས་པས་འགྲུབ་པར་འགྱུར། །འདོད་ལྷ་ལ་སོགས་འདོད་ཅན་རྣམས། །རྟག་ཏུ་འདོད་ཡོན་སྤྱོད་པ་སྟེ། །དེ་ལྟར་འཁོར་བའི་མི་རྣམས་ནི། །རང་འདོད་ས་ལ་སོགས་པ་
D428.080.0221b03.01འགྲུབ། །དེ་ལས་སྒྲོལ་བའི་དངོས་པོ་རྣམས། །དེ་ཡི་དོན་ནི་གང་ཡིན་པ། །ང་ཡིས་ལེགས་པར་བཤད་པར་བྱ། །རྡོ་རྗེ་འཛིན་གྱིས་མདོར་བསྡུས་ཉོན། །རྣལ་འབྱོར་ཅན་གྱི་རྣམ་ཤེས་དང་། །ལྷན་ཅིག་འགྲོ་བས་འགྲོ་བར་འགྱུར། །རྣམ་ཤེས་རྣམ་པར་ཤེས་
D428.080.0221b04.01པ་ཡིས། །ཕྱོགས་ཀུན་གྱིས་ནི་གསལ་བར་འགྲུབ། །སེམས་ཀྱི་ངོ་བོ་ཐེ་ཚོམ་པས། །བཅོམ་ལྡན་དེ་ཡང་བཤད་དུ་གསོལ། །ཤེས་རབ་རྣམ་ཤེས་དངོས་རང་བཞིན། །མི་ཤེས་ཡེ་ཤེས་ཇི་ལྟར་ལགས། །རྣམ་ཤེས་ཡེ་ཤེས་མཚན་ཉིད་ཀྱིས། །ཐེ་ཚོམ་
D428.080.0221b05.01གྱུར་པ་ཉན་པར་འཚལ། །ཤེལ་དང་མཚུངས་པ་དག་པའི་སེམས། །སེམས་ལ་སྐྱོན་དང་ཡོན་ཏན་མེད། །ཡུལ་རྣམས་དང་ནི་སྤྲད་པ་ཡིན། །སྲིད་པའི་སྐྱོན་གྱིས་གོས་པ་ཡིན། །གང་གིས་འདི་ཡི་སྲིད་པའི་དངོས། །ཡུལ་གནས་པ་ཡི་ཞི་གྱུར་ནས། །ཇི་
D428.080.0221b06.01ལྟར་གནས་བཞིན་རབ་སྦྱོར་བ། །བུ་གའི་སྒོ་རུ་གཟིར་བར་བྱ། །དེ་ཡི་དབུས་སུ་ཤེས་བྱ་བ། །རྟག་ཏུ་རྣམ་ཤེས་ནམ་མཁའ་འདྲ། །ཁ་དོག་མེད་ཅིང་ཐམས་ཅད་མཚོན། །མི་ལྡན་ལུས་ཅན་ལྡན་པ་སྟེ། །གཟུགས་མེད་པ་ནི་ཀུན་གྱི་གཟུགས། །དེ་བཞིན་
D428.080.0221b07.01