完整藏文原文 · 德格版页 当前仅加载第 80 函德格 212b 版页；藏文 NFD、目录标记与异常页序保留在来源切片中，重复版页行以稳定序号区分。
མཎྜལ་གྱི་ནི་དབུས་དག་ཏུ། །ལས་འདིས་འགྲུབ་འགྱུར་ཐེ་ཚོམ་མེད། །ཉི་མའི་དཀྱིལ་འཁོར་དབུས་གནས་པར། །མཁའ་འགྲོ་དྲག་མོར་བསམ་བྱ་བ། །རང་གི་ལུས་ནི་རྣལ་འབྱོར་མར། །མཁས་པ་ཡིས་ནི་བསྒོམས་ནས་སུ། །ཉ་མོ་གཅིག་ནི་བཟུང་
D428.080.0212b01.01ནས་སུ། །མཁའ་འགྲོའི་གཏོར་མ་བྱིན་གྱི་བརླབ། །སྔགས་དང་བཅས་པའི་མིང་བྲིས་ལ། །ཉ་ཡི་ཁ་རུ་བཅུག་ནས་ནི། །རྐང་པས་མགོ་ནི་རབ་མནན་ལ། །བརྒྱད་བརྒྱ་རུ་ནི་བཟླས་པར་བྱ། །ཨོཾ་ཕྲུཾ་ཕྲུཾ། ཨ་མུ་ཀ་སྱ་མུ་ཁཾ་བནྡྷ་བནྡྷ། ཧྲཱི་ཧྲཱི་ཧྲཱི། ཕུཾ་
D428.080.0212b02.01ཕཊ། དེ་ནི་བཟླས་པ་ཙམ་གྱིས་ནི། །བྱ་བ་ཐམས་ཅད་བཅིང་བར་འགྱུར། །ཐམས་ཅད་ཆུ་ལ་བྱ་བ་སྟེ། །ལས་གཞན་ཆོ་ག་བཤད་པར་བྱ། །སྔགས་འདི་རབ་ཏུ་སྦྱར་ནས་ནི། །བག་ཟན་གྱིས་ནི་དྲིལ་བར་བྱ། །གང་དུ་ཉ་ནི་གནས་པ་ཡི། །ཉ་ཡི་ཁ་རུ་གཞུག་
D428.080.0212b03.01བར་བྱ། །མཁའ་འགྲོའི་གཏོར་མ་བྱིན་བརླབས་ཏེ། །རིལ་བུ་བརྒྱད་བརྒྱ་བྱས་ནས་ནི། །ལན་རེ་བཟླས་ཏེ་ཟར་བཅུག་ན། །བྱ་བ་ཐམས་ཅད་བཅིངས་པར་འགྱུར། །རླུང་གི་དཀྱིལ་འཁོར་དབུས་གནས་པར། །བདག་ཉིད་ཙཎྜཱ་ལཱི་ཡི་གཟུགས། །གཟུགས་རྣམས་
D428.080.0212b04.01ཐམས་ཅད་ཡོངས་རྫོགས་ཤིང་། །མེ་ལྟར་འབར་བ་བསམས་ནས་སུ། །གཉིས་མེད་གཏོར་མའི་ལས་རྣམས་ནི། །དེ་ཡི་དབུས་སུ་རབ་ཏུ་བྱ། །ལྕི་བས་པདྨའི་གཟུགས་བྱས་པ། །མིང་དང་སྔགས་ཀྱིས་གཞག་པར་བྱ། །ཨོཾ་སྟམ་བྷ་ཡ་སྟམ་བྷ་ཡ་ཧཱུྃ།
D428.080.0212b05.01བྷགྒཾ་མུ་ཏྲཱཾ་ཕྲུ་ཕྲུཾ་ཕཊ། གསང་སྔགས་འདི་དང་མིང་དག་ནི། །རྐང་པ་གཡོན་པས་མནན་ནས་སུ། །ལན་གྲངས་བརྒྱད་བརྒྱར་བཟླས་ནས་སུ། །འགྲུབ་འགྱུར་འདི་ལ་ཐེ་ཚོམ་མེད། །ཆུང་མ་ཤིན་ཏུ་གཡོན་ཅན་རྣམས། །ལས་འདི་ཡིས་ནི་གདུལ་བར་བྱ། །
D428.080.0212b06.01མཐར་ན་ཆུ་དང་འོ་མ་ཡིས། །བཀྲུས་ན་བཅིངས་པ་ལས་གྲོལ་འགྱུར། །རླུང་གི་དཀྱིལ་འཁོར་དབུས་གནས་པར། །ལྷ་མོ་རྡོ་རྗེ་མ་རུ་བསྒོམ། །ཁ་དོག་སྔོན་པོ་ཤིན་ཏུ་མཛེས། །འོད་ཟེར་མེ་དང་མཚུངས་པར་འབར། །ཡོངས་སུ་རྫོགས་ཤིང་མཛེས་པར་ལྡན། །
D428.080.0212b07.01