完整藏文原文 · 德格版页 当前仅加载第 80 函德格 228b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྲ་ཡི་རྩེ་མོ་བརྒྱ་ཡི་ཆ། །རྡུལ་ཕྲན་གཟུགས་སུ་ཀུན་ཏུ་བསམ། །རྣམ་པར་ཤེས་པའི་དངོས་པོ་ཡི། །མཚན་ཉིད་མཚོན་པའི་ཡེ་ཤེས་ཅན། །སེམས་ཀྱི་མཚན་ཉིད་མི་ཤེས་པས། །ཐིག་ལེ་གནས་ཀྱི་གོ་འཕང་ལྟ། །སྙིང་དང་ཚངས་པའི་སྒོ་ང་ནི། །ཐིགས་
D428.080.0228b01.01པའི་ལམ་གྱི་སྒོ་དག་ཏུ། །བླ་མའི་ལུང་ལ་གུས་པ་ཡིས། །རྣམ་ཤེས་ཡེ་ཤེས་གཟུང་བར་བྱ། །ཕྱི་རོལ་གྱི་ནི་ལམ་དག་དང་། །བསྟན་བཅོས་ལས་ཀྱང་རིང་བ་ཡིན། །བསྟན་བཅོས་དག་ནི་རྙེད་སླ་སྟེ། །དེ་ཡི་སྦྱོར་བ་རྙེད་པར་དཀའ། །བླ་མའི་བསྙེན་བཀུར་ལ་
D428.080.0228b02.01གུས་པའི། །ཐབས་དང་ལྡན་པ་སྒྲུབ་པ་པོ། །བླ་མའི་ལུང་གི་ལམ་གྱིས་ནི། །མཁས་པ་ཡིས་ནི་བལྟ་བར་བྱ། །མི་གཡོ་འཚེ་བ་མེད་པ་རུ། །མཉམ་པར་གཞག་པས་དངོས་པོ་བསྒོམ། །ཆོས་ཀྱི་སྔོན་འགྲོ་ཡིད་ཡིན་ཏེ། །ཡིད་ཀྱིས་འཇུག་ཅིང་ཡིད་ཀྱིས་འདག །
D428.080.0228b03.01དེ་བས་ཐམས་ཅད་ཡིད་རང་བཞིན། །བློ་ལྡན་ཡིད་ལས་འབྱུང་ཞེས་བྱ། །གལ་ཏེ་བཟླས་འདོད་རྣལ་འབྱོར་པས། །སྙིང་གི་སྡོམ་པ་བསམ་པར་བྱ། །ས་བོན་གྱི་ནི་རྒྱུར་གྱུར་པ། །དེ་ཁོ་ནར་ནི་གཟུགས་མིན་ནོ། །རྒྱུ་དང་འབྲས་བུའི་ས་བོན་ནི། །དེ་ཁོ་ན་ཉིད་
D428.080.0228b04.01མཐོང་བ་མིན། །གཟུགས་སོགས་སྲིད་པའི་ལོངས་སྤྱོད་ལ། །ས་བོན་དམིགས་ཤིང་བཟླས་པར་བྱ། །ཀུན་ནས་ཀུན་ཏུ་འཇུག་པ་དང་། །འོག་དང་འོག་མིན་ཡང་དག་གནས། །རྩ་བར་རྟག་ཏུ་གཟེར་བར་བྱ། །ཡེ་ཤེས་རྣམ་ཤེས་ས་བོན་ནི། །ཐིག་ལེ་སྒྲ་དང་
D428.080.0228b05.01ཡང་དག་ལྡན། །སྲིད་པའི་ལོངས་སྤྱོད་འདོད་པ་ཡིས། །ཕྱི་རོལ་ངག་ནི་སྤངས་ནས་སུ། །ཡིད་ཀྱིས་བཟླས་དང་ལྡན་པར་བྱ། །རྟག་པ་ཆོས་ཀྱི་དབྱིངས་ཉིད་ཀྱིས། །མི་གཡོ་གོ་འཕང་རྒྱུན་དུ་གནས། །རྟག་ཏུ་ཕྲ་ཞིང་གོས་མེད་པས། །ཡེ་ཤེས་ལ་ནི་རྣམ་
D428.080.0228b06.01ཤེས་ཐིམ། །རྣམ་ཤེས་ཡེ་ཤེས་ཉིད་གྱུར་ནས། །བྱང་ཆུབ་རིམ་པ་མཐོང་བར་འགྱུར། །མར་མེ་ལྟ་བུ་ཐམས་ཅད་དུ། །སྣང་འགྱུར་མཚན་མ་དང་པོ་སྟེ། །སྲིན་བུ་མེ་ཁྱེར་ལྟ་བུའི་རྡུལ། །མཐོང་བ་མཚན་མ་གཉིས་པ་ཡིན། །གསུམ་པ་ལ་ནི་རྣལ་འབྱོར་
D428.080.0228b07.01