完整藏文原文 · 德格版页 当前仅加载第 80 函德格 212a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་བཟླས། །ཟླ་བའི་དཀྱིལ་འཁོར་དབུས་གནས་པར། །རྡོ་རྗེ་མཁའ་འགྲོ་མ་བསམ་བྱ། །རྒྱན་རྣམས་ཀུན་གྱིས་བརྒྱན་པའི་སྐུ། །འོད་ཟེར་སྣ་ཚོགས་ཤིན་ཏུ་འབར། །རླུང་གི་དཀྱིལ་འཁོར་དབུས་གནས་པར། །མངོན་དུ་བསྒྲུབ་པ་བྱ་བར་
D428.080.0212a01.01བསམ། །རྐང་མཐིལ་གཉིས་སུ་རླུང་གི་ནི། །ས་བོན་སྟན་དུ་བསྒོམ་པར་བྱ། །སྒྲ་དང་ཐིག་ལེར་ལྡན་པ་ནི། །རླུང་གི་ས་བོན་དབུས་གནས་པར། །རླུང་གིས་བསྐོར་བ་སྙིང་གར་གཞག །ཐམས་ཅད་ཁ་དོག་སྔོན་པོར་བསམ། །རང་གི་དབུགས་ཀྱི་རྩེ་མོ་ཡི་
D428.080.0212a02.01རླུང་གི་བརྡ་རུ་སྦྱར་བར་བྱ། །ཨོཾ་ཡུཾ་པྲེ་ཏ་བཱ་ཡུ་ཨ་མོ་ཀ་སྱ་ཡུཾ་ཕཊ། རྣལ་འབྱོར་པ་ཡི་གསང་སྔགས་འདི། །བརྒྱད་བརྒྱ་རབ་ཟླས་ན་འགྲུབ་པར་འགྱུར། །འགྲོ་བ་ལ་སོགས་བཟུང་ནས་སུ། །དུག་དང་ཁྲག་གིས་བྲི་བར་བྱ། །རྣལ་འབྱོར་མཆོག་ནི་བཟུང་ནས་
D428.080.0212a03.01སུ། །ཐམས་ཅད་གནས་ནས་བྲི་བར་བྱ། །བརྒྱད་བརྒྱ་རུ་ནི་བཟླས་པ་ཡིས། །སྐུད་པ་དམར་པོ་དཀྲིས་ནས་ནི། །ཤིང་གི་རྩེ་མོར་གདགས་པར་བྱ། །རླུང་གིས་སྦུར་བར་བསྒོམ་པ་སྟེ། །གད་དུ་རླུང་ནི་གཞོལ་འགྱུར་བ། །དེ་ཡི་ཕྱོགས་སུ་འགྲོ་བར་
D428.080.0212a04.01འགྱུར། །རྣལ་འབྱོར་པ་ཡིས་བསྐྲད་པ་ནི། །འགྲུབ་འགྱུར་འདི་ལ་ཐེ་ཚོམ་མེད། །ཟླ་བའི་དཀྱིལ་འཁོར་དབུས་གནས་པར། །རྡོ་རྗེ་མཁའ་འགྲོ་མ་བསམས་ཏེ། །བདག་གི་ལུས་ནི་བསྒོམས་ནས་སུ། །བློ་དང་ལྡན་བས་སྔགས་བཟླས་ན། །གཉིས་མེད་གང་
D428.080.0212a05.01བའི་གཏོར་མ་ནི། །དེ་ཡི་དབུས་སུ་སྦྱར་བར་བྱ། །ཨོཾ་བཛྲ་ཌཱ་ཀི་ནཱི་དེ་ཤ་མཱ་ཀརྵ་ཡ་ཨཱ་ཀརྵ་ཡ་ཨོཾ་ཧྲཱིཿཧཱུྃ་ཕོ་ཕྲུང་ཕུཿཕཊ། མཎྜལ་དམར་པོར་བྱུགས་ནས་ནི། །སེང་ལྡེང་ཕུར་བུ་བརྒྱད་ཀྱིས་གདབ། །དབུས་སུ་མིང་ནི་བྲིས་ནས་སུ། །གཏོར་མ་ཡོངས་སུ་གང་
D428.080.0212a06.01བར་ལྡན། །སྐུད་པ་དམར་ལ་བཟླས་ནས་ཀྱང་། །ལན་བདུན་བསྐོར་བས་དྲང་བར་བྱ། །རྡོ་རྗེ་ལྕགས་ཀྱུས་དྲངས་ནས་སུ། །གསང་སྔགས་འདིས་ནི་བཟླས་བྱས་ན། །དཔག་ཚད་བརྒྱ་ཡི་ཕྱི་རོལ་ནས། །ལས་འདིས་བཟློག་ནས་འགུགས་པར་འགྱུར། །
D428.080.0212a07.01