完整藏文原文 · 德格版页 当前仅加载第 80 函德格 223b 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་སོགས་ཐམས་ཅད་ཟད་པ་ན། །དེ་གཉིས་དབུས་སུ་བསམ་བྱ་བ། །ཟླ་བ་འོ་མའི་ས་བོན་ཏེ། །ཨཱ་ལི་ཀཱ་ལི་རབ་སྦྱོར་བས། །དེ་ཡི་དབུས་སུ་བཏུ་བར་བྱ། །དེ་ཡི་ས་བོན་དེ་ཉིད་ཀྱིས། །འོད་ཟེར་ཕྲེང་བ་བསམ་པར་བྱ། །ས་བོན་དེ་ཉིད་གང་གིས་ནི། །མྱུར་དུ་
D428.080.0223b01.01ཡེ་ཤེས་སྣང་བར་འགྱུར། །གཟུགས་མཛེས་ཡོངས་སུ་མཛེས་པ་ཡིས། །ཡེ་ཤེས་སྐུ་རུ་དེ་ནས་བསྒོམ། །ཕྱོགས་བཅུའི་འཇིག་རྟེན་ཁམས་སུ་ནི། །སངས་རྒྱས་སྤྲིན་རྣམས་སྤྲོ་བར་བྱ། །ཕྱག་འཚལ་བསྲེག་པའི་མཐའ་ལྡན་པའི། །ས་བོན་གང་ཞིག་བཟླ་
D428.080.0223b02.01བ་ནི། །སྡེ་ཚན་གསུམ་པ་གང་ཡིན་པའི། །ཡི་གེ་གསུམ་པ་གཟུང་བར་བྱ། །དབྱུག་པ་སྤྱི་བོ་རྡོ་རྗེ་དང་། །སྐ་བོ་ཆེ་ལ་སོགས་པས་དཀྲི། །སེམས་ནི་མཉམ་ཉིད་བསྒོམས་ནས་སུ། །རྣལ་འབྱོར་ཅན་གྱིས་བཟླས་པར་བྱ། །མི་གཡོ་འཚེ་བ་མེད་པ་རུ། །
D428.080.0223b03.01དངོས་པོས་དངོས་པོ་བསྒོམ་བྱས་ལ། །རྣལ་འབྱོར་བསམ་གཏན་ལ་འབད་པས། །འོག་མིན་ལ་སོགས་སྣང་བར་བྱ། །འོད་ཟེར་འཕྲོ་བ་སྤྲོས་པ་ཡིས། །ས་འོག་རིམ་པ་བདུན་ཡང་བསམ། །རྣལ་འབྱོར་སྣང་བར་འདོད་པ་ཡིས། །རྟག་ཏུ་སེམས་ཀྱིས་
D428.080.0223b04.01བསྒོམ་པར་བྱ། །སྙིང་གའི་དཀྱིལ་འཁོར་དབུས་གནས་པར། །ཧཱུྃ་ཞེས་བྱ་བ་དབང་ཕྱུག་མཆོག །སྔོན་གྱི་མཚན་ཉིད་ཀུན་རིག་པས། །ཐམས་ཅད་ཀུན་ནས་ཟད་པར་བྱ། །རླུང་གི་དཀྱིལ་འཁོར་དབུས་གནས་པར། །ཟླ་བའི་དཀྱིལ་འཁོར་བསྒོམ་པར་བྱ། །
D428.080.0223b05.01འོད་ཟེར་སྣ་ཚོགས་འབར་བ་ཡི། །ཡེ་ཤེས་ས་བོན་དེ་དབུས་བསམ། །དེ་ལས་བྱུང་ངའི་ཡེ་ཤེས་ལུས། །ཡེ་ཤེས་མཁའ་འགྲོའི་བདག་ཉིད་དེ། །ཟླ་བའི་དཀྱིལ་འཁོར་དབུས་གནས་པར། །པདྨའི་སྟན་ལ་བཞུགས་པ་སྟེ། །སྔོན་གྱི་མཚན་ཉིད་ཀུན་
D428.080.0223b06.01རིག་པས། །ཡན་ལག་རྫོགས་པའི་སྐུར་བསྒོམས་ལ། །སྙིང་གི་དཀྱིལ་འཁོར་དབུས་གནས་པར། །ཟླ་བའོ་མའི་ས་བོན་བསམ། །ཀུན་ནས་མཉམ་པའི་སེམས་ཀྱིས་ནི། །རྟག་ཏུ་དེ་ཉིད་བསྒོམ་པར་བྱ། །ཁ་དོག་དཀར་པོ་འོད་འབར་ལས། །ཀུན་ཏུ་
D428.080.0223b07.01